Hecho 26:4 - Tachi Ak'õre Pedea

⁴ »Ãarea judiorãpa k'awa p'anɨma mɨ k'ũtãenapema sãmaasã́ basit'a mɨ tuade mãɨnepa Jerusalene.

Hecho 26:4 Referans Kwoze

Gálata 1:13

Mãrapa ũrisidama mɨ sãmaasã́ nipasit'a judiorãpa jarateapataɨ jõma oo baside. K'awa p'anɨma mɨa Tachi Ak'õreneerã ẽpẽrarã minachia piawẽa oopachit'a. Jõma jõpi k'ɨ̃ria basima.

2 Timoteo 3:10

Maamina pɨa nãɨ ãarea jõma minachia k'awa bɨma: mɨa jaratea bɨt'a, mɨ nipaparit'a, mɨa oo k'ɨ̃ria bɨt'a, mɨa Cristode ĩjãa bɨt'a, mɨa jõmãɨrã ome choa bɨt'a, mɨa waapẽarã k'ɨ̃ria uru bɨt'a, mɨ ne ãareane sẽwẽa choa bɨt'a,

P'ilipense 3:5

Mɨ t'õk'ari ewari ocho pa bɨde mɨ k'ak'ua tauchaasidama. Mɨ israel ĩjũanepemapɨ, Benjaminepa chedapɨ. Mɨ chõarãenapemarã Hebreorã pasima. P'ariseo pasi pẽra mɨa Moisepa bɨda jĩrak'aua oopachima.

Hecho 22:3

«Mɨ judiopɨ. Cilicia tuade Tarso p'uurude t'õsima. Maamina mɨ nãma Jerusalene warisima. Jarateaparí Gamalielpa mɨá ãarea tachi chõarãenapemarã Moisepa bɨdat'a minachia jarateasima. Mɨa Tachi Ak'õrene minachia ĩjãa bapachima mãrapa ĩjãapata jĩra.

Hecho 24:14

Maamina mɨa pɨá nãɨ jararuma: mɨa tai chõarãenapemarã Tachi Ak'õrene ĩjãa bɨpɨ. Mɨ chi O Chiwidi apataɨdepemapɨ. Ãchia mãɨ O Chiwidi seade apatama maamina mɨa Moisepa bɨda mãɨnepa Tachi Ak'õre pari pedeapataɨrãpa bɨdada ãarea ĩjãa bɨma.