Hecho 26:3 - Tachi Ak'õre Pedea

³ Pɨa minachia k'awa bɨma tachi judiorã sãmaasã́ p'anapataɨ mãɨnepa k'ĩra awara pedeapataɨ. Mãɨpuru chichupuria idiruma mɨ pedea sẽwẽa ũrimẽrá.

Hecho 26:3 Referans Kwoze

Hecho 6:14

Ichia jarasima Jesú Nazaredepemapa Tachi Ak'õre te minachia bɨ ãriit'a mãɨnepa Moisepa jaratea bada k'ĩra awara ooit'a. Ichia mãɨya pedea bɨt'a taipa ũrisidama».

Hecho 26:26

Chi poro jũra jɨ̃parí jɨ̃ bɨ Agripapa mãɨ k'awa bɨma. Mãɨpuru mɨ ichi k'ĩrari ne wap'eawẽa pedea bɨma. Mɨmá ichia Jesú k'orea ãarea k'awa bɨma ãareaɨrãpa minachia nepɨrɨpata pẽra.

1 Corintio 13:2

Mɨ Tachi Ak'õre pari pedeaipɨra, Tachi Ak'õrepa k'ɨ̃risia k'awapiwẽa bada jõma k'awa bɨpɨra, Tachi Ak'õre k'ɨ̃risia jõma k'awa bɨpɨra, mãɨnepa sõnepa piarã ĩjãa bɨdepa eya p'ue ãyá bɨipɨra, mãɨnepa waapẽarã k'ɨ̃riawẽa bɨpɨra, mãɨyara mɨ piawẽa bɨma.

Hecho 28:17

Ewari ũpea padak'ari Pablopa Romanepema judiorã chi atepe berã t'ɨ̃pisima. Ãarea ará p'anasidaɨde Pablopa jarasima: —Ũpẽarã, mɨ mi ãpia pida tachi judiorã́ piawẽa oowẽa basimina, mãɨnepa tachi chõarãenapemarãpa oopataɨ k'orea piawẽa pedeawẽa basimina, mɨ Jerusalene eda jɨ̃a nɨbɨdak'ari maapae romanepemarã juade bɨsidama.

Hecho 26:7

Piarã ãarea Israel doce warrarãnepa ununaanarãpa ĩjãa p'anɨma Tachi Ak'õrepa tachi chok'ae p'irabaripit'a. Mãɨpuru tachia ãst'á mãɨnepa teamasi Tachi Ak'õrea pia pedeapatama. Poro jũra jɨ̃parí jɨ̃ bɨ Agripa, mãɨ ĩjãa bɨ k'orea waapẽarã judiorãpa mɨ nepɨra pará bɨade a jara p'anɨma. »Tachi Ak'õrepa tachi chok'ae p'irabaripiit'a ĩjãa p'anɨpɨra ¿k'ãre k'orea ĩjãanawẽa p'anɨma ichia piu bada aba chok'ae p'irabaripisit'a? Mãɨya jarak'ari Agripá nepɨrɨsima:

Hecho 25:26

Maamina mɨa piarã k'awawẽma k'ãre bɨit'a ichi nepɨra k'orea chi poro chaarea bɨpa mãɨ k'awamẽrá. Mɨmá mi ãpia pida bɨwẽpɨra pari peeipɨ. Mãɨpuru ichi mãra k'ĩrari enemeepisima. Judiorã poro jũra jɨ̃parí jɨ̃ bɨ Agripa, mɨa k'ɨ̃ria bɨma pɨapuru mãɨa pia ũriit'a. Mãɨya chi mãrapa ichiá minachia ididak'ari, mɨa tachi poro chaarea pae ichia nemietá oodat'a k'art'ade p'ue bɨipɨ.

Hecho 24:10

Maapae chi poro chaarea bɨpa Pabloa juadepa jarasima pedeamẽrá. Ara mãɨne Pablopa jarasima: —Mɨa k'awa bɨma pɨ tãaraa bɨ chi nãɨ tuadepema nepɨra ak'ɨparit'a. Mãɨpuru mɨ ara mɨchi k'orea sõpiadepa pedeaipɨ.

Hecho 24:4

Maamina tãaraa waa jaraemaapa mɨa pɨá chichupuria idiruma pɨ piadepa tai pedea ũrimẽrá.

Hecho 21:21

Maamina pɨ k'orea sea ũrisidama. Waapẽarãpa ãchiá jarasidama pɨa ãarea judiorã griego t'ãena berã́ Moisé itu bɨpi bɨt'a, ãchi warrarã k'ak'ua tauchaapik'at'a mãɨnepa awara tachi judiorãpa oopataɨ oopik'at'a.

Hecho 26:2

—Poro jũra jɨ̃parí jɨ̃ bɨ Agripa, mɨ arapá bɨma idi pɨ k'ĩrari ara mɨ k'orea pedearu pẽra. Mɨa k'awapiipɨ chi judiorãpa nepɨra pará bɨade a jara p'anɨmina mɨ nepɨra pará bɨwẽt'a.