Hecho 26:16 - Tachi Ak'õre Pedea

¹⁶ Maamina p'irabarise. Ara mɨ pɨá unupisima, chi mɨ pae pari mimiaparí bai k'orea. Pɨa ununat'a mãɨnepa mɨa unupit'a pedeai bɨma.

Hecho 26:16 Referans Kwoze

1 Timoteo 1:12

Tachi Chipari Jesucristopa mɨ jua chaarea bɨpisima ichi pedea jaratea bamẽrá. Ichia k'awasima mɨa nejõma jĩp'a ooit'a ichi pae. Mãɨpuru mɨ bɨsima ichia k'ɨ̃ria bɨt'a oo bamẽrá. Mãɨ k'orea mɨ sõpia bɨade aruma ichiá.

Gálata 1:12

Mãɨ pedea mɨa mi ãpia pida ẽpẽranepa k'awaé pasima. Mi ãpia pida ẽpẽrapa mɨá jarateaé pasima. Mãɨpari Jesucristopa mɨá k'awapisima.

Romano 15:16

judiorãwẽ t'ãena Jesucristo pae pari mimiaparí bamẽrá. Mãɨpuru pedea pia Tachi Ak'õre k'orea ãchiá jaratea bɨma. Ĩjãasidara p'aare judiopa ãnimara paatearu jĩra mɨa ãchi Tachi Ak'õrea tearuma pia unumẽrá. Mãɨne Tachi Ak'õre Jaorepa ãchi Tachi Ak'õre pae pia bɨipɨ.

Colosense 1:25

Tachi Ak'õrepa mɨ ichi ẽpẽrarã pae pari mimiaparí bɨsima. Mãɨpuru ichi pedea jõma arí mãrá jaratea bɨma.

Colosense 1:23

Mãɨpuru Cristo minachia ĩjãa p'anɨnepa ɨbɨa choa p'ananai p'anɨma. Chi pedea pia Cristo k'orea mãrapa ũrinana itu bɨdaiwẽa p'anɨma, mãɨpari Tachi Ak'õrepa ne teai jarada nɨ p'ananai p'anɨma. Mãɨ pedea pia jõma nãɨ ĩjũane jaratea p'anɨma. Ara mãɨ pedea mɨa pida jaratea bɨma.

Gálata 2:2

Mɨ wãsima Tachi Ak'õrepa k'awapida pẽra mãmá wãi bɨt'a. Mãma bɨde mɨa abapuru ũpẽarã chi atepe k'awapataɨrã́ jarasima chi pedea pia Cristo k'orea mɨa judiorãwẽmá sãmaasã́ jaratea bɨt'a. Mãɨya oosima mɨa oo bɨt'a ãchia pia unu p'anɨ k'awai k'orea.

Hecho 23:11

Mãɨ teamasi Tachi Chipari Pablomá unupik'ari nãɨya jarasima: «Pablo, sõpia base. Mɨ k'orea nãma Jerusalene pedeada jĩra Roma p'uurude pida pedeai bɨma».

2 Timoteo 4:5

Maamina pɨt'u ne ãareaɨne k'ĩra jĩp'a base. Jõma nepɨra bɨde choa base. Pedea pia Cristo k'orea jaratea base. Jõma pɨa Tachi Ak'õre pae ooi bɨ jĩp'a oo base.

1 Timoteo 4:6

Timoteo, pɨa jõma mãɨ ũpẽarã́ jaratea baipɨra, Jesucristo pae pari mimiaparí pia baipɨ. Tachi Ak'õre chi piarã pedea tachia ĩjãa p'anɨ ĩjãapodoutadepa pɨ jaore chaarea wari baipɨ, pia nek'o bɨ jĩra.

Colosense 1:7

Mãɨ pedea tachi ũpẽa Epap'rapa mãrá k'awapisima. Ichi taipa piarã k'ɨ̃ria p'anɨma. Tai ome abarik'a oo bɨma. Ichi Cristo pae pari mimiaparipɨ. Mãra k'aripai k'orea ne ãareaɨne jĩp'a ooparima.

2 Corintio 5:18

Jõma mãɨ Tachi Ak'õrepa oosima. Cristodepa tachi ichi ome pia bɨsima mãɨnepa tai bɨsima mãɨ k'orea ẽpẽrarã́ jarateadamẽrá.

2 Corintio 4:1

Tachi Ak'õrepa tachi mãɨya k'ĩra chupuria bɨdepa ichi pedea itu jarateapi bɨ pẽra, taipa k'ĩra sẽ p'anɨ jĩra k'ɨ̃risiadak'ama.

Romano 1:5

Jesucristodepa Tachi Ak'õrepa mɨ bɨsima ichia peeda bamẽrá. Ichidepa mãɨya bɨsima jõma tuachadepemarãpa Jesucristode ĩjãanamẽrá, ichi pedea oodamẽrá mãɨnepa ichiá pia pedeadamẽrá.

Hecho 22:10

Mãɨne mɨa idisima: “Mɨ Chipari, ¿pɨa k'ãre k'ɨ̃ria bɨma mɨa ooit'a?” Tachi Chiparipa p'anoosima: “P'irabarik'ari Damasco p'uurudea wãse. Jãma jaraipɨ k'ãre ooi bɨt'a”.

Hecho 21:19

Maapae Pablopa ãchiá «pia p'anɨk'ãra» ak'ari chi Tachi Ak'õrepa ichidepa judiorãwẽmá ooda ãarea nepɨrɨsima.

Hecho 20:24

Maamina mãɨ k'orea mɨa minachia k'ɨ̃risiak'ama, mɨ pia bai jɨrɨwẽa bɨ pẽra. Abapuru chi Tachi Chipari Jesupa mɨá oopi bɨt'a mãɨ ãarea oo k'ɨ̃ria bɨma. Mãɨpuru chi pedea pia Tachi Ak'õrepa ichi sõpiadepa k'aripa bɨ k'orea mɨa pedea baipɨ.

Hecho 6:4

Mãɨya taipa p'ue pia Tachi Ak'õrea ɨt'aa chiidi p'ananaipɨ mãɨnepa ichi pedea jara p'ananaipɨ.

Hecho 1:25

chi pɨa peedapa ooparit'a oomẽrá. Judapa mãɨ ooi badat'a itu bɨsima, chi ichi wãi bɨmá wãi k'orea.

Hecho 1:17

Juda tachi jĩra Jesupa peeda pasima mãɨnepa chi tachia oopataɨ ichia pida oo bapachima».

Luca 1:2

Chi mãɨ ooda ununaanapa mãɨ nepɨrɨsidama mãɨnepa jarateasidama. Maapae chi k'art'a bɨdaadapa mãɨ bɨsidama.

Hecho 26:15

Mãɨne mɨa idisima: “Mɨ chipari, ¿pɨ k'aima?” Mɨ Chiparipa p'anoosima: “Mɨ Jesupɨ, chi pɨa ẽp'ẽ bɨpɨ.

Ep'esio 3:3

Ichia naena k'awapiwẽa bada mɨá k'awapisima. Mãɨ k'orea mɨa nãɨ k'art'ade ãpia bɨsima.