Hecho 22:1 - Tachi Ak'õre Pedea

¹ Pablopa jarasima: «Ũpẽarã mãɨnepa chõarã, ũrit'ɨ. Ara mɨ k'orea jararuma».

Hecho 22:1 Referans Kwoze

Hecho 7:2

Estebanpa nãɨya p'anoosima: —Mɨ ũpẽarã judiorã mãɨnepa ak'õrerã, mɨ chichupuria mɨ pedea ũrit'ɨ. Tachi chõarãenapema Abrahán mãɨ wapida Mesopotamia tuade baside Harán p'uurude bade wãi naena Tachi Ak'õre chi Pia bɨ ichimá unupisima.

2 Timoteo 4:16

Ara mɨchi k'orea chi nepɨra ak'ɨpataɨrã k'ĩrari pedeaside abaɨ pida mɨ k'orea pedeadaé pasima k'aripai k'orea. Mãɨpari jõmãɨrãpa mɨ itu bɨsidama. Mɨa k'ɨ̃riawẽma mãɨ k'orea Tachi Ak'õre k'ĩrari mãɨrã nepɨra pará p'anɨane amẽrá.

1 Pedro 3:15

Cristo mãra Chipari pẽra sõnepa ichit'a wap'eat'ɨ. Chi Cristodepa ne atadai nɨ p'anɨ k'orea pia pedeadayá p'anat'ɨ. Mãɨya abaɨpa idisira, p'ue k'ĩruu pedeadawẽa pia p'anoonaipɨ.

P'ilipense 1:7

Pia bɨma mɨa jõma mãra k'orea mãɨya k'ɨ̃risia bait'a, mãra minachia k'ɨ̃ria bɨ pẽra. Mɨ eda jɨ̃a nɨbɨde wa chi pedea pia Cristo k'orea piarã k'awapii bɨde, Tachi Ak'õrepa ichi sõpiadepa mãra mãɨnepa mɨ sida k'aripa bɨma ichi pedea jaratea p'ananamẽrá.

2 Corintio 12:19

¿Mãramá taipa mãɨya jara p'anɨk'ãra tai k'orea piawẽa k'ɨ̃risiapidaemaapa? Mãɨyawẽma. Ũpẽarã, tai Cristoderã pẽra Tachi Ak'õre k'ĩrari jõma mãɨ jara p'anɨma mãrapa pia ĩjãanamẽrá.

2 Corintio 7:11

Tachi Ak'õrepa k'ɨ̃ria bɨ jĩra mãra sõp'uasida pẽra mãɨ sõp'uapa mãrá jĩp'a k'ɨ̃risiapik'ari jĩp'a oopisima. Mãɨpuru mãrapa jĩp'a oo p'anɨ jõmãɨrã́ k'awapi k'ɨ̃ria p'anɨma. Chi mãɨ ũpẽapa nemietá ooda k'orea mãra k'ĩruusidama mãɨnepa Tachi Ak'õrepa ɨtɨai pada wap'easidama. Mãɨ k'orea chi nemietá ooda ẽpẽra ɨtɨadak'ari ãyá jeret'aasidama. Nejõmane mãrapa unupisidama mãɨ nemietá ooda k'orea nepɨradawẽa p'anɨt'a.

1 Corintio 9:3

Chi mɨ k'orea k'achia pedeapataɨrã́ mɨa nãɨya idiruma:

Romano 2:15

Ara ãchia oo p'anɨnepa unupi p'anɨma mãɨ Moisepa bɨdade jara bɨ sõnepa k'awa p'anɨt'a. Ãchi k'ɨ̃risiade k'awa p'anɨma nepia ooutade, ne k'ɨ̃risiawẽa p'anaparima. Mãɨpari nemietá ooutade, sõp'ua p'anaparima.

Hecho 28:17

Ewari ũpea padak'ari Pablopa Romanepema judiorã chi atepe berã t'ɨ̃pisima. Ãarea ará p'anasidaɨde Pablopa jarasima: —Ũpẽarã, mɨ mi ãpia pida tachi judiorã́ piawẽa oowẽa basimina, mãɨnepa tachi chõarãenapemarãpa oopataɨ k'orea piawẽa pedeawẽa basimina, mɨ Jerusalene eda jɨ̃a nɨbɨdak'ari maapae romanepemarã juade bɨsidama.

Hecho 26:24

Pablopa mãɨya ara ichi k'ak'ua k'orea pedea bɨde P'estopa jĩk'ua jarasima: —Pablo, ¡pɨ k'ĩra piawẽa bɨma! Pɨa minachia k'art'a k'awa bɨdepa k'ĩra piawẽa beesima.

Hecho 25:16

Mɨa ãchiá jarasima abaɨ pida chi nepɨra pará bɨade a jara berã k'ĩrari ara ichi k'orea p'ue pedeaiwẽpɨra, tachi romanepemarãpa mãɨ waapẽarã juade teadak'at'a.

Hecho 25:8

Mãɨne Pablo ara ichia pedeasima: —Mɨa aba pida nemietá oowẽa bɨma. Moisepa bɨda itu bɨwẽa bɨma, Tachi Ak'õre te minachia bɨ mietá oopiwẽa bɨma mãɨnepa Romanepema chi atepe poro chaarea bɨ sida itu bɨwẽa bɨma.

Hecho 24:10

Maapae chi poro chaarea bɨpa Pabloa juadepa jarasima pedeamẽrá. Ara mãɨne Pablopa jarasima: —Mɨa k'awa bɨma pɨ tãaraa bɨ chi nãɨ tuadepema nepɨra ak'ɨparit'a. Mãɨpuru mɨ ara mɨchi k'orea sõpiadepa pedeaipɨ.

Hecho 23:6

Mãɨya bɨde Pablopa k'awasima chi eda waapẽarã saduceorãpema pasima mãɨnepa chi waapẽarã p'ariseorãpema pasima. Mãɨpuru ãchiá ɨbɨa jarasima: —Ũpẽarã, mɨ p'ariseopɨ. Mɨ chõarãenapemarã sida p'ariseorã pasima. Mãɨpuru ĩjãa bɨma chi piudaadarã chok'ae p'irabaridait'a. Mãɨ k'orea mɨ ɨtɨa k'ɨ̃ria p'anɨma.

Hecho 23:1

Pablopa judiorã chaarearãmá pia ak'ɨk'ari jarasima: —Mɨ ũpẽarã, mɨ ne k'ɨ̃risiawẽa bɨma, k'awa bɨ pẽra idi wapida Tachi Ak'õre k'ĩrari pia baparit'a.

Hecho 19:33

Mãɨya p'anɨne judiorãpa Alejandro jɨrɨ atadak'ari, ichiá k'ãre jarai bɨade a jaradak'ari, chi p'uuru k'ĩrari wãpisidama ãchiá pedeamẽrá. Mãɨne Alejandropa ãareaɨrã juapa k'ĩup'eapisima, pia pedeai k'orea.

Hecho 13:26

»Mãra ũpẽarã Abrahanepa ununaanarã mãɨnepa mãra judiorãwẽ Tachi Ak'õre wap'ea berã, Tachi Ak'õrepa tachiá peesima mãɨ pedea ateewãnai k'orea.

Luca 21:14

Maamina k'ɨ̃risiarãt'ɨ mãɨ ewaride chi minachia k'awa p'anɨrã́ k'ãre jaradait'a mãra nepɨrawẽa p'anɨ k'awapidai k'orea.

Luca 12:11

»Mãra mɨne ĩjãa p'anɨ k'orea judiorã ará pedeapataɨ tedea ateedak'ari, wa chi ak'ɨpataɨrãmá k'ĩrari, wa chi minachia k'awa p'anɨrãmá nepɨra pará bɨade adai k'orea, k'ɨ̃risia pará p'aneerãt'ɨ sãmaasã́ p'anooi wa k'ãret'a jaradai.