Hecho 20:2 - Tachi Ak'õre Pedea

² Ãarea mãɨ tuade p'ɨrrɨa nipaside ũpẽarã k'aripapachima Tachi Chiparide pia ĩjãanamẽrá. Maapae Grecia tuade chesima.

Hecho 20:2 Referans Kwoze

1 Tesalonicense 4:1

Mãɨ awara ũpẽarã, taipa mãrá jarateasidama sãmaasã́ Tachi Ak'õre k'ĩrari nipadai p'anɨ ichia pia unumẽrá. Tachi Chipari Jesú t'ɨ̃ne taipa mãrá chichupuria idi p'anɨma ara mãɨ jĩra nipadamẽrá. Piarã mãrapa mãɨya oomaa p'anɨma, maamina pia oot'ɨ.

1 Tesalonicense 2:3

Taipa mãrá mãɨya k'ɨ̃risiapidaé pasima piarãpẽawẽne jarateadada ĩjãanamẽrá. Mãɨnepa seadawẽa p'anasima mãra seadai k'orea.

Colosense 1:28

Jõma k'ɨ̃risia k'awaadepa taipa Cristo k'orea jõmãɨrã́ jaratea p'anɨma jĩp'a nipadamẽrá. Mãɨya taipa ẽpẽrarã ãarea Cristo k'orea ne ãareaɨne jĩp'a p'anɨt'a Tachi Ak'õrea unupidaipɨ.

1 Tesalonicense 2:11

Mãɨ awara k'awa p'anɨma ak'õrepa ara ichi warrarã ome oopari jĩra taipa machicha mãɨya oo p'anasidama.

Hecho 20:11

Pablo mãicha tede eda wãk'ari chi Tachi Chiparidepema k'ɨ̃risiapataɨ nek'opataɨ k'odai k'orea ãchi ome k'osima. Maapae ãsaparudea mãicha pedea bak'ari wãsima.

Hecho 17:10

Ara mãɨ teamasi ũpẽarãpa Pablo mãɨnepa Sila Berea p'uurudea peesidama. Padak'ari judiorã ará pedeapataɨ tedea wãsidama.

Hecho 17:1

Pablo, Sila mãɨnepa ãchi ome nipadada Amp'ípoli p'uurude mãɨnepa Apolonia p'uurude p'asa wãnak'ari Tesalónica p'uurude pasidama. Mãma judiorã ará pedeapataɨ te basima.

Hecho 16:12

Mãmãɨpa P'ilipo p'uurudea jĩte wãnak'ari mãma ewari k'ak'o tãaraawẽa p'anasidama. Mãɨ p'uuru Macedonia tuade p'uuru chi atepe bɨ pasima. Romanepemarã mãma p'anapachidama.

Hecho 15:41

Maapaepuru wãsidama. Siria tuade mãɨnepa Cilicia tuade p'ɨrrɨautade p'uurucha ũpẽarã k'aripapachidama Tachi Chipari pia ĩjãanamẽrá.

Hecho 14:22

P'uurucha ũpẽarã k'aripapachidama Jesude minachia ĩjãanamẽrá. Chi ãchia Jesude ĩjãa p'anɨt'a itu bɨpidaemaapa nãɨya jarapachidama: «Tachi Ak'õre juade p'ananai k'orea ichidirã paara, nãɨ ĩjũane minachia mĩanaipɨ».

Hecho 2:40

Pedro minachia pedeasima ãchia ĩjãanamẽrá. Nãɨya jara basima: —¡Chi nãɨ ẽpẽerã idiapaepemarã nemietá oopataɨdepemarã ãyá wãt'ɨ!

Luca 3:18

Ara mãɨ jĩra ne wawariadepa Juanpa chi pedea pia tachi k'aripai k'orea jarateapachima mãɨnepa jarapachima mãɨne ĩjãanamẽrá.

Hecho 20:1

Mãɨya k'ĩruupik'a para bak'ari itu bɨdak'ari Pablopa chi Jesude ĩjãapataɨrã t'ɨ̃k'oak'ari ãchi ome pedeasima Tachi Chiparide pia ĩjãanamẽrá. Maapae wãyane ak'ari Macedonia tuadea wãsima.

Hecho 20:3

Mãma jedek'o ũpea basima. Pablo Siria tuadea p'ãp'orrode wãi paside k'awasima judiorãpa ichi piawẽa oodai k'orea pedea ausidama. Mãɨpuru Macedonia tuade p'asa wãsima.

1 Corintio 4:19

Maamina Tachi Chiparipa k'ɨ̃riaipɨra, mɨ mãramá isapea wãipɨ. Mãɨne chi atepe p'anapataade apataɨpa jara p'anɨ ũrine wãiwẽma, mãɨpari ak'ɨde wãipɨ ãchi piarã Tachi Ak'õre jua chaarea p'anɨ k'awai k'orea.