Hecho 19:8 - Tachi Ak'õre Pedea

⁸ Jedek'o k'ak'o ũpea Pablo judiorã ará pedeapataɨ tedea wã bapachima. Mãma ne wap'eawẽa judiorã ome pedea bapachima Tachi Ak'õrepa, ichi warra Jesudepa, ichidirã ichi juade ua bɨ k'orea mãɨ ãchia ĩjãanamẽrá.

Hecho 19:8 Referans Kwoze

Hecho 1:3

Jesú piuk'ari ara ichi ãchiá bari k'ak'o minachia unupipachima k'awadamẽrá ichi piarã chok'ae p'irabarisit'a. Mãɨne ãchiá jarateapachima ichidepa Tachi Ak'õrepa ichidirã ichi juade ua bɨ k'orea. Ewari k'ak'o cuarenta mãɨya oosima.

Hecho 28:23

Mãɨne ãchia ewari aba bɨsidama. Mãɨ ewari cheside ẽpẽerã minachia Pablo bɨmá cheepɨrɨsidama. Tap'ededa waa k'ewara Pablopa pedea basima Tachi Ak'õrepa ichidirã ichi juade ua bɨ k'orea. Moisepa bɨdadepa mãɨnepa Tachi Ak'õre pari pedeapataɨrãpa bɨdaadadepa jaratea basima Jesude ĩjãanamẽrá.

Juda 1:3

Ũpẽarã, mɨa nãɨ k'art'ade Tachi Ak'õrepa tachi k'aripada k'orea bɨ k'ɨ̃ria basima. Maamina ara nãɨena bɨruma mãra jĩrak'aua p'ananamẽrá. Ara machia ĩjãa p'anɨ k'orea wawá choa p'anat'ɨ. Tachi Ak'õrepa chi piarãpẽa pedea ichi ẽpẽrarã́ barimama teasima. Mãɨ ewariaba pida k'ĩra awara teaiwẽma.

Hecho 19:9

Maamina chi eda waapẽarã sõ chaarea p'anasidepa ĩjãanaé pasima. Ẽpẽerã k'ĩrari chi Jesú O k'orea k'achia pedeapachidama. Mãɨpuru Pablo ãyá wãsima. Ichia chi Jesude ĩjãapataɨrã jarateapataɨ tedea ateewãsima. Mãɨ te Tiranodé pasima. Mãma ewaricha Pablopa jaratea beesima.

Hecho 18:19

Wãutade Ép'eso p'uurude padak'ari Pablo chi Aquila, Priscila ome p'anana ãchi ãyá wãsima. Mãɨne judiorã ará pedeapataɨ tedea wãk'ari judiorã ome Jesú k'orea pedeasima.

Hecho 18:4

Mimianak'apɨ́ ewaricha Pablo judiorã ará pedeapataɨ tede pedea bapachima judiorãpa mãɨnepa griegorãpa Jesude ĩjãanamẽrá.

Hecho 17:17

Mãɨya bɨde Pablo judiorã ará pedeapataɨ tede chi judiorã ome mãɨnepa chi judiorãwẽ Tachi Ak'õre wap'ea be ome Jesú k'orea pedea bapachima. Mãɨ awara p'uurude ewaricha ẽpẽerã p'anɨmá pedea bapachima.

Hecho 14:1

Iconio p'uurude ãchia oopataɨ jĩra Pablo mãɨnepa Bernabé judiorã ará pedeapataɨ tede eda wãsidama. Ãchia jaratea p'anɨt'a minachia judiorãpa mãɨnepa griegorãpa Jesude ĩjãasidama.

Hecho 13:46

Mãɨne Pablo mãɨnepa Bernabepa ne wap'eawẽa ãchiá jarasidama: —Piarã taipa mãrá Tachi Ak'õre pedea naa jaradai p'anasidama. Maamina mãrapa mãɨ itu bɨ p'anɨ pẽra mãɨnepa mãramá ewaricha Tachi Ak'õre ome chok'ae bai piawẽa pẽra, taipa judiorãwẽmá mãɨ jarade wãnaipɨ.

Hecho 13:14

Ãchi Pergedepa Antioquiadea wãsidama. Mãɨ Antioquía Pisidia tuade bɨma. Mãma mimianak'apɨ́ ewaride judiorã ará pedeapataɨ tede eda wãnak'ari suak'abari p'aneesidama.

Hecho 18:26

Mãɨne Apolopa judiorã ará pedeapataɨ tede ne wap'eawẽa jaratea basima. Ichia jaratea bɨt'a Aquilapa mãɨnepa Priscilapa ũrisidama. Mãɨpuru ichi ãyá ateewãnak'ari Tachi Ak'õre O k'orea atepe jarateasidama.

Hecho 19:7

Ãarea ará ãchi doce p'anasi jĩra bɨma.

Hecho 19:10

Ãyo k'ak'o ume mãɨya oosima. Mãɨya ãarea Asia tuadepema judiorãpa mãɨnepa judiorãwẽpa Tachi Chipari Jesú k'orea ũrisidama.

Hecho 20:31

Mãɨpuru jĩrak'aua p'anat'ɨ. K'ɨ̃risiat'ɨ mɨa ãyo k'ak'o ũpea, ãst'á mãɨnepa teamasi jẽa bɨpa machicha chi sea jarateapataɨrã k'orea ũraa basit'a.