Hecho 19:1 - Tachi Ak'õre Pedea

¹ Apolo Corinto p'uurude bɨmisa Pablo ĩjũa eya idá bɨde p'asa wãk'ari Ép'eso p'uurude chesima. Mãma chi eda waapẽarã Jesude ĩjãapataɨrã unusima.

Hecho 19:1 Referans Kwoze

1 Corintio 16:12

Tachi ũpẽa Apoloa mɨa chichupuria idisima waapẽarã ũpẽarã ome mãra ak'ɨde wãnamẽrá. Maamina ara nãɨena ichi wã k'ɨ̃riawẽa bɨma. P'ue wãrune wãipɨ.

1 Corintio 1:12

Pia jaraideepara, waapẽarã mãranepemarãpa jarapatama: «Mɨ Pablodé». Waapẽarãpa jarapatama: «Mɨ Apolodé». Waapẽarãpa jarapatama: «Mɨ Pedrodé». Mãɨnepa waapẽarãpa jarapatama: «Mɨ Cristodé».

Hecho 18:1

Mãɨya nak'ari Pablo Atena p'uurudepa Corinto p'uurudea wãsima.

Hecho 18:8

Judiorã ará pedeapataɨ tedepema chi chaarea bɨ Crispo apachidama. Mãɨ Crispopa mãɨnepa ãarea ichidirãpa Tachi Chiparide ĩjãasidama. Mãɨ awara minachia Corinto p'uurudepemarãpa ũrisidama Pablopa Jesú k'orea jaratea bɨt'a. Ĩjãanak'ari porochoasidama.

Hecho 19:17

Ãarea Ep'esode berã judiorãpa mãɨnepa griegorãpa mãɨ k'awasidaɨde ne wap'easidama. Mãɨne Tachi Chipari Jesú t'ɨ̃ k'orea pia pedeasidama.

Hecho 19:26

Maamina mãrapa unu p'anɨma mãɨnepa ũri p'anɨma jãɨ Pablopa juapa oodada sãdo Tachi Ak'õre chi piarãwẽane a bɨt'a. Ichia nãɨ Ep'esode mãɨnepa perá ãarea Asia tuade ara mãɨya jara nipaparima. Mãɨpuru minachia ẽpẽerãpa Artemisa itu bɨutama.

Hecho 20:16

Pablo Asia tuade tãaraa baemaapa Ép'eso p'uurude wãwẽa p'asa wãsima. Ichi isapea Jerusalene che k'ɨ̃ria basima, p'ue cherupara, Pentecosté ewaride mãma bai k'orea.

Hecho 20:18

Ichimá chesidaɨde Pablopa jarasima: «Mãrapa k'awa p'anɨma mɨ nãɨ Asia tuade chesiedapema sãmaasã́ mãra t'ãena bapachit'a.

Hecho 21:29

Mãɨya jarasidama chi Ep'esodepema Tróp'imo, Pablo ome p'uurude nipadada ununana pẽra. Ãchia k'ɨ̃risiasidama Pablopa Tróp'imo Tachi Ak'õre te minachia bɨ edaria ateewã basit'a.

1 Corintio 4:6

Ũpẽarã, mɨ k'orea mãɨnepa Apolo k'orea bɨsima mãra k'aripai k'orea. Tai k'orea k'awadai p'anɨma Tachi Ak'õre pedeade bɨ bɨ awara k'ɨ̃risiapidaemaapa. Mãɨya mãrapa abaɨ waapẽarã k'aepẽra atepe pia bɨ k'ɨ̃risiadaiwẽma.

1 Corintio 15:32

Ép'eso p'uurude Tachi Ak'õre pedea jarateai k'orea mɨ minachia mĩasima ãnimara k'achia be ome chõo bɨ jĩra. Piudada chok'ae p'irabaridawẽpɨra, ¿mɨ minachia mĩana k'orea k'ãre piat'a atasima? Piarã tachi chok'ae p'irabaridawẽpɨra, pia bɨma oodai waapẽarãpa jarapata jĩra: «Pia nek'odaipɨ, it'ua todaipɨ nũ piudai pẽra».

1 Corintio 16:8

Nãma Ép'eso p'uurude beeipɨ Pentecosté arapaapataɨ ewari parudea.

Ep'esio 1:1

Mɨ Pablopɨ. Tachi Ak'õrepa k'ɨ̃riana pẽra mɨ Jesucristopa peedapɨ. Mɨa nãɨ k'art'a bɨruma jõma ẽpẽrarã Tachi Ak'õrenepemarã Jesucristode ĩjãa be Ép'eso p'uurudepemarã pae.