Hecho 17:2 - Tachi Ak'õre Pedea

² Pablopa oopachi jĩra mãɨ judiorã ará pedeapataɨ tede eda wãsima. Tomio ũpea mimianak'apɨ́ ewaricha ãchi ome pedea bapachima Tachi Ak'õre pedea k'orea.

Hecho 17:2 Referans Kwoze

Hecho 9:20

Mãɨne judiorã ará pedeapataɨ te p'anɨrãmá wãrune ichia jaratea beesima Jesú piarã Tachi Ak'õre Warra k'orea.

Hecho 18:4

Mimianak'apɨ́ ewaricha Pablo judiorã ará pedeapataɨ tede pedea bapachima judiorãpa mãɨnepa griegorãpa Jesude ĩjãanamẽrá.

Hecho 17:17

Mãɨya bɨde Pablo judiorã ará pedeapataɨ tede chi judiorã ome mãɨnepa chi judiorãwẽ Tachi Ak'õre wap'ea be ome Jesú k'orea pedea bapachima. Mãɨ awara p'uurude ewaricha ẽpẽerã p'anɨmá pedea bapachima.

Hecho 17:10

Ara mãɨ teamasi ũpẽarãpa Pablo mãɨnepa Sila Berea p'uurudea peesidama. Padak'ari judiorã ará pedeapataɨ tedea wãsidama.

Hecho 14:1

Iconio p'uurude ãchia oopataɨ jĩra Pablo mãɨnepa Bernabé judiorã ará pedeapataɨ tede eda wãsidama. Ãchia jaratea p'anɨt'a minachia judiorãpa mãɨnepa griegorãpa Jesude ĩjãasidama.

Hecho 13:5

Salamina p'uurude chedak'ari judiorã ará pedeapataɨ techa Tachi Ak'õre pedea jarateasidama. Ãchi k'aripai k'orea Juan Marco ãchi ome p'ɨrrɨasima.

Hecho 28:23

Mãɨne ãchia ewari aba bɨsidama. Mãɨ ewari cheside ẽpẽerã minachia Pablo bɨmá cheepɨrɨsidama. Tap'ededa waa k'ewara Pablopa pedea basima Tachi Ak'õrepa ichidirã ichi juade ua bɨ k'orea. Moisepa bɨdadepa mãɨnepa Tachi Ak'õre pari pedeapataɨrãpa bɨdaadadepa jaratea basima Jesude ĩjãanamẽrá.

Hecho 8:35

Ara mãɨne P'elipepa mãɨ pedeadepa chi pedea pia Jesú k'orea jaratea beesima.

Juan 18:20

Mãɨne Jesupa p'anoosima: —Mɨ ãareaɨrã k'ĩrari jĩp'a pedea basima. Mɨa jaratea basima tachi ará pedeapataɨ techa mãɨnepa Tachi Ak'õre te eda, tachi judiorã ãarea ará chedak'ari pedeapatamá. Mi ãpia pida mẽra jaraé pasima.

Luca 4:16

Maapae Jesú ichi warida pada p'uuru Nazaredea wãsima. Mimianak'apɨ́ ewaride ichia oopari jĩra judiorã ará pedeapataɨ tede eda wãsima. Maapae ichi bai nɨbeesima Tachi Ak'õre pedea eda jarai k'orea.

Hecho 24:25

Mãɨya bɨde Pablopa chi tachi jĩp'a nipai k'orea, k'ak'ua jĩp'a uru bai k'orea mãɨnepa Tachi Ak'õrepa ɨtɨai ewari chei k'orea pedeasima. P'elipa mãɨ k'orea ũriside ne wap'eak'ari nãɨya jarasima: «Naapae wãse. Mɨ pari bɨde mãicha pɨ t'ɨ̃ipɨ».

Hecho 19:8

Jedek'o k'ak'o ũpea Pablo judiorã ará pedeapataɨ tedea wã bapachima. Mãma ne wap'eawẽa judiorã ome pedea bapachima Tachi Ak'õrepa, ichi warra Jesudepa, ichidirã ichi juade ua bɨ k'orea mãɨ ãchia ĩjãanamẽrá.

Hecho 13:14

Ãchi Pergedepa Antioquiadea wãsidama. Mãɨ Antioquía Pisidia tuade bɨma. Mãma mimianak'apɨ́ ewaride judiorã ará pedeapataɨ tede eda wãnak'ari suak'abari p'aneesidama.

Mateo 26:24

Piarã mɨ, chi Ẽpẽra Warra piui bɨma Tachi Ak'õre pedeade bɨ bɨ jĩra. ¡Maamina chi mɨ jitapii bɨ ẽpẽra mãɨ chichupuria baipɨ! Pia basima, mãɨ ẽpẽra t'õwẽa badapara.

1 Corintio 15:3

Mɨa chi atepe piipará bɨt'u mãrá jarateasima, ara mɨa k'awada jĩra. Mãɨ nãɨpɨ: Cristo tachi nemietá k'orea piusima Tachi Ak'õre pedeade bɨ bɨ jĩra.