Hecho 16:1 - Tachi Ak'õre Pedea

¹ Mãɨne Pablo Derbe p'uurudea wãk'ari mãmãɨpa Listra p'uurudea wãsima. Mãma Jesude ĩjãa bɨ aba Timoteo apataɨ basima. Timoteo nae judio pasima; Jesude ĩjãa basima. Ichi ak'õre griego pasima.

Hecho 16:1 Referans Kwoze

2 Timoteo 1:5

Mɨa k'ɨ̃risia baparima pɨa Cristode piarã ĩjãa bɨt'a, pɨ naet'at'a Loida mãɨnepa pɨ nae Eunice pɨ naena ĩjãa p'anana jĩra. Mɨa k'awa bɨma pɨa pida abarik'a Cristode ĩjãa bɨt'a.

2 Timoteo 1:2

Timoteo, nãɨ k'art'a pɨ pae bɨruma. Mɨa pɨ minachia k'ɨ̃ria bɨma mɨ warra jĩra. K'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida pɨ k'ĩra chupuria p'anapiit'a, ãchi sõpiadepa k'aripa p'ananait'a mãɨnepa ne k'ɨ̃risiawẽa p'anapiit'a.

1 Timoteo 1:2

Timoteo, mɨa nãɨ k'art'a pɨ pae bɨruma. Mɨnepa Cristode ĩjãana pẽra pɨ piarã mɨ warra jĩra bɨma. Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida ãchi sõpiadepa pɨ k'aripa p'ananamẽrá, k'ĩra chupuria p'ananamẽrá mãɨnepa ne k'ɨ̃risiawẽa bapi p'ananamẽrá.

1 Corintio 4:17

Mãɨpuru Timoteo mãramá peeruma. Tachi Chiparidepa ichi mɨ warra k'ɨ̃ria bɨ jĩra bɨma mãɨnepa jĩp'a nipaparima. Ichia mãrá k'ɨ̃risiapiipɨ mɨ Jesucristo ome sãmaasã́ nit'a. Mɨ mãɨya nipai bɨt'a ẽpẽrarã Jesucristoderã becha jarateaparima.

Hecho 18:5

Mãɨya bɨde Sila mãɨnepa Timoteo Macedonia tuadepa chesidama. Mãmãɨpa Pablopa ewaricha Tachi Ak'õre pedea jaratea bapachima. Ichia judiorã́ jarapachima Jesú piarã Tachi Ak'õrepa Tachi K'aripaparí teai jaradat'a.

Hecho 17:14

Ara mãɨne ũpẽarãpa Pablo p'usa ik'idá peesidama. Maamina Sila mãɨnepa Timoteo Berea p'uurude p'aneesidama.

2 Tesalonicense 1:1

Mɨ Pablopɨ. Nãɨ k'art'a bɨruma ũpẽarã Tesalónica p'uurudepemarã pae. Mãra Tachi Ak'õre Pajãnepemanepɨ mãɨnepa Tachi Chipari Jesucristodepɨ. Ũpẽa Silvano mãɨnepa Timoteo mɨ ome p'anɨma.

Colosense 1:1

Mɨ Pablopɨ. Tachi Ak'õrepa pari k'ɨ̃riana pẽra mɨ Jesucristopa peedapɨ. Tachi ũpẽa Timoteo mɨ ome bɨma.

P'ilipense 2:19

Tachi Chipari Jesupa k'ɨ̃riasira, mɨa Timoteo isapea mãramá wãpiipɨ. Mãɨya ichi mãicha mɨmá cherude mɨ sida arapá baipɨ mãra sãmaasã́ p'anɨt'a k'awai pẽra.

Romano 16:21

Ũpẽa Timoteo mɨ ome ará jaratea bɨpa k'ɨ̃ria bɨma mãra pia tuananait'a. Mãɨnepa mɨ ũpẽarã judiorã Luciopa, Jasonpa mãɨnepa Sosipateropa k'ɨ̃ria p'anɨma mãra pia tuananait'a.

Hecho 14:6

Maamina Pablo mãɨnepa Bernabepa mãɨ k'awasidaɨde Licaonia tuadea mĩruwãsidama. Listra p'uurudea mãɨnepa Derbe p'uurudea wãsidama. Ãarea mãɨ Licaonia tuade p'ɨrrɨasidama.

Hebreo 13:23

K'awat'ɨ tachi ũpẽa Timoteo eda jɨ̃a nɨbada awara wãsit'a. Ichi isapea mɨmá cheipɨra, mãra ak'ɨde wãrune mɨa ichi ateewãipɨ.

1 Timoteo 1:18

Mɨ warra Timoteo, mɨa Tachi Ak'õrepa naena jara peeda pɨ k'orea k'ɨ̃risiarude, pɨa ooi bɨt'a jara peeruma. Mãɨne Cristode ĩjãa bɨdepa mãɨnepa k'ɨ̃risia jĩp'a bɨdepa chi pedea piarã uru base waapẽarã t'ãena, papaká bɨ k'ĩruupari jĩra. Waapẽarãpa k'ɨ̃risia pia uru p'anana itu bɨdak'ari ãchia Cristode ĩjãa p'anɨ itu bɨsidama.

1 Tesalonicense 1:1

Mɨ Pablopɨ. Nãɨ k'art'a bɨruma ũpẽarã Tesalónica p'uurudepemarã pae. Mãra Tachi Pajãnepema Ak'õrenepɨ mãɨnepa Tachi Chipari Jesucristodepɨ. Ũpẽa Silvano mãɨnepa Timoteo mɨ ome p'anɨma. Taipa k'ɨ̃ria p'anɨma mãra ne k'ɨ̃risiadawẽa p'ananamẽrá mãɨnepa mãra Ak'õrepa mãɨnepa Tachi Chipari Jesucristopa ãchi sõpiadepa mãra k'aripa bait'a.

P'ilipense 1:1

Mɨ Pablopɨ. Timoteo mɨ ome bɨma. Tai Jesucristo pae pari mimiapataɨrãpɨ. Mɨa nãɨ k'art'a ũpẽarã P'ilipo p'uurudepemarã pae bɨruma: ũpẽarã ak'ɨpataɨrã, ũpẽarã k'aripapataɨrã mãɨnepa jõma ẽpẽrarã Tachi Ak'õrenepemarã Jesucristo ome berã pae.

Hecho 19:22

Mãɨpuru ichi k'aripapataɨrã Timoteo mãɨnepa Erasto Macedonia tuadea naa peesima maamina ichi Asia tuade beesima.

2 Timoteo 3:11

mãɨnepa mɨ ẽp'ẽ p'anɨt'a minachia mĩapidai k'orea. Antioquiade, Iconio p'uurude mãɨnepa Listrade mɨ piawẽa oodai k'orea ẽp'ẽnana pɨa minachia k'awa bɨma. Mɨ minachia mĩasima. Maamina Tachi Chiparipa jõma mãɨnepema k'aripasima.

1 Tesalonicense 3:6

Maamina Timoteo mãramá bada taimá chesima. Mãrapa Cristode ĩjãa p'anɨ k'orea mãɨnepa mãra k'ɨ̃ria k'orea ichia pia jarade chesima. Ichia jarasima mãrapa tai k'ɨ̃ria p'anɨane a p'anɨẽra, tai k'ɨ̃risia atuadawẽa p'anɨt'a, ichiaba tai unu k'ɨ̃ria p'anɨt'a taipa mãra unu k'ɨ̃ria p'anɨ jĩra.

2 Corintio 1:19

Silvanopa, Timoteopa, mɨa pida mãrá Tachi Ak'õre Warra Jesucristo k'orea jaratea p'anasidama. Jesucristopa ooyade ada mãicha oowẽane ak'ama. Ichia ooyade ada jõma ooparima.

2 Corintio 1:1

Mɨ Pablopɨ. Tachi Ak'õrepa k'ɨ̃riana pẽra mɨ Jesucristopa peedapɨ. Tachi ũpẽa Timoteo mɨ ome bɨma. Nãɨ k'art'a bɨruma ẽpẽrarã Tachi Ak'õrenepemarã Corinto p'uurudepemarã pae mãɨnepa jõma ichi ẽpẽrarã Acaya tuade be pae.

1 Corintio 7:14

Mãɨ Jesude ĩjãawẽa bɨ ɨmɨk'ĩra Tachi Ak'õre pae beesima, ichi k'imapa ĩjãa bɨ pẽra. Ara mãɨ jĩra chi Jesude ĩjãawẽa bɨ wẽra Tachi Ak'õre pae beesima ichi k'imapa ĩjãa bɨ pẽra. Mãɨyawẽpara mãra warrarã Tachi Ak'õre pae p'ananaiwẽ pasima. Chi ak'õre mãɨnepa chi nae Tachi Ak'õre pae p'anɨ pẽra ãchi sida Tachi Ak'õre pae p'anɨma.

Hecho 14:21

Derbe p'uurude Pablo mãɨnepa Bernabepa chi pedea pia Jesú k'orea jarasidaɨde minachia p'anɨrãpa ĩjãasidama. Mãɨya nak'ari Listra p'uurudea, Iconio p'uurudea mãɨnepa Pisidia tuade bɨ Antioquiadea jĩitea wãsidama.

Hecho 14:1

Iconio p'uurude ãchia oopataɨ jĩra Pablo mãɨnepa Bernabé judiorã ará pedeapataɨ tede eda wãsidama. Ãchia jaratea p'anɨt'a minachia judiorãpa mãɨnepa griegorãpa Jesude ĩjãasidama.

1 Corintio 16:10

Ũpẽa Timoteo mãramá cheipɨra, ichi mãra t'ãena pia bayade at'ɨ wap'eapiemaapa. Tachi Chiparipa k'ɨ̃ria bɨt'a ichia pia oo bɨma mɨa oo bɨ jĩra.

P'ilemón 1:1

Mɨ Pablopɨ. Jesucristo k'orea eda serra bɨma. Tachi ũpẽa Timoteo nãma bɨma. Ũpẽa P'ilemón, taipa pɨ k'ɨ̃ria p'anɨma. Pɨa tai jĩra Tachi Ak'õrepa oo bɨt'a oo bɨ pẽra mɨa nãɨ k'art'a pɨ pae bɨruma.