Hecho 13:16 - Tachi Ak'õre Pedea

¹⁶ Mãɨne Pablo p'irabarik'ari juapa jarasima ãareaɨrã́ k'ĩup'eadamẽrá. Maapae jarasima: —Israeldepemarã mãɨnepa judiorãwẽ Tachi Ak'õre wap'ea berã, ũrit'ɨ:

Hecho 13:16 Referans Kwoze

Hecho 12:17

Maamina Pedropa juapa jarasima k'ĩup'eadamẽrá. Maapae jõma nepɨrɨsima sãmaasã́ Tachi Chiparipa ichi jɨ̃a nɨbɨpataɨ tedepema k'ẽet'aapisit'a. Ãarea nepɨrɨk'ari jarasima: —Mãɨ ãarea Santiagoa mãɨnepa chi waapẽarã ũpẽarã́ jarat'ɨ. Maapae Pedro mãmãɨpa ãyá wãsima.

Hecho 13:26

»Mãra ũpẽarã Abrahanepa ununaanarã mãɨnepa mãra judiorãwẽ Tachi Ak'õre wap'ea berã, Tachi Ak'õrepa tachiá peesima mãɨ pedea ateewãnai k'orea.

Hecho 10:2

Mãɨ Cornelio ichi tiidapemarã paara ãarea jĩp'a p'anasima. Tachi Ak'õre wap'ea p'anasidama. Corneliopa judiorã k'aripai k'orea erreara minachia teapachima mãɨnepa Tachi Ak'õrea ɨt'aa chiidi bapachima.

Apocalipsi 2:29

Chi k'ɨɨrɨ pará bɨpa ũrise Tachi Ak'õre Jaorepa ũpẽarã́ jara bɨt'a.

Apocalipsi 2:17

Chi k'ɨɨrɨ pará bɨpa ũrise Tachi Ak'õre Jaorepa ũpẽarã́ jara bɨt'a. Chi nemietá p'uedaadarã́ mɨa maná mẽra bada k'opiipɨ mãɨnepa mawara chak'e t'ot'oa bɨt'a teaipɨ. Mãɨ mawara chak'e bɨde t'ɨ̃ chiwidi bɨ bɨma. Abaɨ pida mãɨ t'ɨ̃ atuama. Maamina chi jitarupuru k'awaipɨ.

Apocalipsi 2:11

Chi k'ɨɨrɨ pará bɨpa ũrise Tachi Ak'õre Jaorepa ũpẽarã́ jara bɨt'a. Chi nemietá p'uedada ewaricha Tachi Ak'õrenepema awara p'ananaiwẽma.

Apocalipsi 2:7

Chi k'ɨɨrɨ pará bɨpa ũrise Tachi Ak'õre Jaorepa ũpẽarã́ jara bɨt'a. Chi nemietá p'uedaadarã́ mɨa pak'uru chok'ae bapiparidepema nejõ itu jõpiipɨ. Mãɨ pak'uru bɨɨrɨ Tachi Ak'õre ĩjũa auk'ará bɨde bɨma.

Hecho 22:22

Pablopa jara bɨt'a judiorãpa k'ĩup'ea ũri tuanasidama. Maamina Tachi Chiparipa ichi judiorãwẽmá peeyade aside jĩk'ua jara tuaneesidama: «¡Jãɨ ẽpẽra chok'ae bai pia bɨwẽma! ¡Peat'ɨ!»

Hecho 21:40

Chi poro chaarea bɨpa itu pedeapisima. Maapae Pablo tumene bai nɨbɨpa ichi juapa ẽpẽerã k'ĩup'eapisima. K'ĩup'easidaɨde hebreo pedeade pedeasima.

Hecho 19:33

Mãɨya p'anɨne judiorãpa Alejandro jɨrɨ atadak'ari, ichiá k'ãre jarai bɨade a jaradak'ari, chi p'uuru k'ĩrari wãpisidama ãchiá pedeamẽrá. Mãɨne Alejandropa ãareaɨrã juapa k'ĩup'eapisima, pia pedeai k'orea.

Hecho 13:46

Mãɨne Pablo mãɨnepa Bernabepa ne wap'eawẽa ãchiá jarasidama: —Piarã taipa mãrá Tachi Ak'õre pedea naa jaradai p'anasidama. Maamina mãrapa mãɨ itu bɨ p'anɨ pẽra mãɨnepa mãramá ewaricha Tachi Ak'õre ome chok'ae bai piawẽa pẽra, taipa judiorãwẽmá mãɨ jarade wãnaipɨ.

Hecho 10:35

Mãɨpari p'uurucha chi ichi wap'eapa jĩp'a oo bet'a pia unuparima.

Hecho 3:12

Pedropa mãɨ unuside jarasima: «Israeldepemarã, ¿k'ãre k'orea k'awa k'ɨ̃risiadawẽa p'anɨma? ¿K'ãre k'orea tai ak'ɨ p'anɨma? ¿K'ɨ̃risia p'anɨk'ãra ara tai jua chaareadepa wa tai Tachi Ak'õre k'ĩrari jĩp'a p'anɨ pẽra nãɨ ẽpẽra jɨpa beepisidat'a? ¡Mãɨyawẽma!

Hecho 2:22

»Israeldepemarã, nãɨ pedea ũrit'ɨ: Tachi Ak'õrepa Jesú Nazaredepemá ẽpẽerãpa ne p'ue oodak'apɨɨrã mãra t'ãena oopik'oasima. Mãɨya oo bɨdepa Jesupa k'awapisima Tachi Ak'õre ichi ome bɨt'a, ara mãrapa pia k'awa p'anɨ jĩra.

Hecho 2:14

Mãɨne Pedro chi waapẽarã once p'anɨ ome bai nɨbeek'ari ɨbɨa pedeasima: «Judiorã mãɨnepa Jerusalene p'anɨrã nãɨ k'awat'ɨ; mɨa jararut'a jĩrak'aua ũrit'ɨ.

Luca 1:50

Mãɨpuru ichi wap'ea berã ewaricha k'ĩra chupuria baparima.

Mateo 11:15

Chi k'ɨɨrɨ pará bɨpa jĩrak'aua ũrise.

Luca 23:40

Maamina chi abaɨpa ichi nãɨya ɨtɨasima: —¿Pɨ sida ara mãɨya ɨtɨa p'anɨmina waidi Tachi Ak'õre wap'eawẽk'ãra?

Luca 1:22

Mãɨya bɨde ichi tajatá chesima maamina p'ue pedeaé pasima. K'ĩrame t'urrá beesideepuru, juadepa puru su jara beepachima. Mãɨpa ẽpẽrarãpa k'awasidama Tachi Ak'õrepa ichiá ne unupisit'a.