Hecho 13:1 - Tachi Ak'õre Pedea

¹ Ũpẽarã Antioquía p'uurudepema t'ãena Tachi Ak'õre pari pedeapataɨrã mãɨnepa jarateapataɨrã p'anasima. Bernabé, Saulo, Lucio Cirenenepema mãɨnepa Simón basima. Simón ɨ̃ana t'ɨ̃ «Chi P'aimá» apachidama. Manaén sida basima. Ichi Galilea tuadepema chi poro jũra jɨ̃parí jɨ̃ bɨ Herode ome tausia warisima.

Hecho 13:1 Referans Kwoze

Hecho 4:36

Mãɨne ẽpẽra José apataɨ ãchi ome basima. Jesupa peedaɨrãpa ichi t'ɨ̃ bɨsidama Bernabé. (Bernabé t'ɨ̃ jara k'ɨ̃ria bɨma «Sõpiapiparí Warra»). Ichi Levidepa ununa pasima. Mãɨ Chipredepema pasima.

Hecho 15:35

Pablo mãɨnepa Bernabé Antioquiade p'aneesidama. Ãchi mãɨnepa minachia ũpẽarã pida chi ĩjãapataɨrã jaratea p'anasidama mãɨnepa Tachi Chipari pedea jarapachidama.

Gálata 2:9

Ũpẽarã chi atepe k'awa p'anɨrã Santiagopa, Pedropa mãɨnepa Juanpa k'awasidama Tachi Ak'õrepa ichi sõpiadepa piarã mɨ judiorãwẽmá peesit'a. Mãɨne ãchi mɨ ome mãɨnepa Bernabé ome arapá jua jitasidama k'awapidai k'orea abarik'a k'ɨ̃risia uru p'anɨt'a. Ãchia jarasidama taipa judiorãwẽmá jaratea p'ananait'a, mãɨnepa ãchia judiorãmá jaratea p'ananait'a.

Hecho 13:9

Mãɨne Saulo Tachi Ak'õre Jaoredepa basima. (Saulo ichiaba Pablo apatama). Pablopa Elimamá minachia ak'ɨ nɨbeek'ari nãɨya jarasima:

Ep'esio 4:11

Ichiapuru chi eda waapẽarã bɨsima ichia peedaɨrã p'ananamẽrá, waapẽarã bɨsima Tachi Ak'õre pari pedeapataɨrã p'ananamẽrá, waapẽarã bɨsima chi pedea pia Cristo k'orea jaratea nipadamẽrá, mãɨnepa waapẽarã bɨsima ũpẽarã ak'ɨpataɨrã mãɨnepa jarateapataɨrã p'ananamẽrá.

Hecho 15:32

Juda mãɨnepa Sila Tachi Ak'õre pari pedeapataɨrã pasima. Mãɨpuru ne minachia jarasidama ũpẽarãpa pia ĩjãanamẽrá mãɨnepa chaarea p'ananamẽrá.

Luca 3:1

Tiberio chi Romanepema atepe poro chaarea bɨ quince ãyo pa bɨde, Poncio Pilato Judea tuade chi minachia k'awa bɨ pasima. Herode Galilea tuade chi minachia k'awa bɨ pasima. Chi ũpẽa P'elipe Traconite tuade mãɨnepa Iturea tuade chi minachia k'awa bɨ pasima. Lisania Abilene tuade chi minachia k'awa bɨ pasima.

P'ilipense 4:22

Jõma ẽpẽrarã Tachi Ak'õrenepemarã nãmapemarãpa pia p'anapadade a jara p'anɨma. Ũpẽarã chi Romanepema chi atepe poro chaarea bɨ pae mimiapataɨrãpa mãɨya jara p'anɨma.

Gálata 2:13

Mãɨne waapẽarã ũpẽarã judiorã pida chi judiorãwẽ itu bɨsidama Pedropa piarãwẽenepa oo bɨ jĩra. Mãɨya oo p'anɨ pẽra Bernabé pida ara mãɨya piawẽa oosima.

1 Corintio 9:6

Bernabé mãɨnepa mɨa pida Tachi Ak'õre pedea jaratea p'aneeutade, mimia awara oopatama ne uru p'ananai k'orea. Maamina ¿waapẽarã jĩra taipa jaratea p'anɨnepa ne jitadai p'anɨwẽk'ãra?

Romano 16:21

Ũpẽa Timoteo mɨ ome ará jaratea bɨpa k'ɨ̃ria bɨma mãra pia tuananait'a. Mãɨnepa mɨ ũpẽarã judiorã Luciopa, Jasonpa mãɨnepa Sosipateropa k'ɨ̃ria p'anɨma mãra pia tuananait'a.

Hecho 21:9

Ichia k'aurã tuu p'anɨrã k'ĩmari uru basima. Mãɨ wẽrarã Tachi Ak'õre pari pedeapataɨrã pasima.

Hecho 19:6

Maapae Pablopa ichi jua ãchi ɨ̃rɨ bɨside Tachi Ak'õre Jaore ãchimá chesima. Mãɨne pedea awaraɨde pedeasidama mãɨnepa Tachi Ak'õre pari pedeasidama.

Hecho 11:30

Mãɨ erreara jɨrɨp'edak'ari Bernabé mãɨnepa Sauloa tea peesidama ũpẽarã ak'ɨpataɨrãmá ateewãnamẽrá.

1 Tesalonicense 5:20

Tachi Ak'õre pari pedeaparipa jara bɨ itu bɨrãt'ɨ.

Hecho 12:25

Bernabepa mãɨnepa Saulopa Jerusalene chi erreara ũpẽarã pae teadak'ari jĩitea wãsidama. Juan chi ɨ̃ana t'ɨ̃ Marco apataɨ ateewãsidama.

Hecho 9:1

Mãɨ ewaride Saulopa wapida chi Tachi Chiparide ĩjãapataɨrã peak'oayade a bapachima. P'aare minachia k'awa bɨmá wãk'ari idisima k'art'a teamẽrá. Mãɨ k'art'a Damasco p'uurude judiorã ará pedeapataɨ techa ateei k'ɨ̃risia basima. K'art'ade bɨ basima ãchi t'ãena Jesú Ode nipada ɨmɨk'ĩrarã mãɨnepa wẽrarã sida jitak'ari Jerusalenea ãarea ateewãi bɨt'a.

Mateo 27:32

Mãmãɨpa wãsidaɨde papaká berãpa ẽpẽra Simón apataɨ unusidama. Ichi Cirene p'uurudepema pasima. Ãchia mãɨ Simonoa Jesú k'urusu uapisidama.

1 Corintio 11:4

Ũpẽarã ará jere nɨbeeutade ɨmɨk'ĩra chi porode ne jɨ̃k'ari Tachi Ak'õrea ɨt'aa chiidiipɨra wa Tachi Ak'õre pari pedeaipɨra, ichi Chipari Cristo wap'eawẽa bɨt'a unupi bɨma.

1 Corintio 13:2

Mɨ Tachi Ak'õre pari pedeaipɨra, Tachi Ak'õrepa k'ɨ̃risia k'awapiwẽa bada jõma k'awa bɨpɨra, Tachi Ak'õre k'ɨ̃risia jõma k'awa bɨpɨra, mãɨnepa sõnepa piarã ĩjãa bɨdepa eya p'ue ãyá bɨipɨra, mãɨnepa waapẽarã k'ɨ̃riawẽa bɨpɨra, mãɨyara mɨ piawẽa bɨma.

1 Corintio 13:8

Tachi ẽpẽerã k'ɨ̃ria ua bai k'orea ewari jõ bak'ama. Maamina ewari aba chi Tachi Ak'õre pari pedeapataɨrãpa waa pedeadaiwẽma, tachia ũrinak'apɨ́ pedeade pedeapataɨrãpa waa pedeadaiwẽma, Tachi Ak'õre Jaoredepa k'awadada jarateapataɨrãpa waa jarateadaiwẽma.

1 Corintio 14:29

Ara mãɨ jĩra Tachi Ak'õre pari pedeapataɨ ume wa ũpea pedeadai p'anɨma. Mãɨne jõmãɨrãpa ãchia pedea p'anɨ jĩrak'aua ũrinai p'anɨma piarã k'awadai k'orea.

1 Corintio 14:32

Tachi Ak'õre pari pedeaparí paritua pedeak'ama, mãɨpari nɨ nɨbeeparima pedeai k'orea.