Hecho 1:16 - Tachi Ak'õre Pedea

¹⁶ «Ũpẽarã, naena Tachi Ak'õre Jaorepa Judapa ooi bɨ k'orea Davia bɨpisima. Tachi Ak'õre pedeade bɨ bɨ jĩra piarã mãɨyai bada pẽra Judapa ẽpẽerã ateewãsima Jesú jitadamẽrá.

Hecho 1:16 Referans Kwoze

Juan 13:18

»Mɨa mãɨ mãrá ãarea jarawẽa bɨma, mɨa jɨrɨ atadaɨrã sãmaasã́ bet'a k'awa bɨ pẽra. Maamina mɨa jararuma Tachi Ak'õre pedeade bɨ bɨ jĩra piarã mãɨyamẽrá: “Chi mɨ ome nek'o bada, mɨ ome chi nek'ĩramá beesima”.

Hecho 1:20

Mãɨne Pedropa jarasima: «Juda mãɨyasima Salmo k'art'ade bɨ bɨ jĩra: “Ichi te nenea beeipɨ. Mãɨ aba pida mãma baiwẽma”. Ichiaba jara bɨma: “Ichia oo badat'a awaraɨpa oo beeipɨ”.

Mateo 26:56

Maamina ãarea nãɨ oo p'anɨma Tachi Ak'õre pari pedeapataɨrãpa bɨdada jĩra mãɨya baemẽrá. Mãɨya bɨde Jesú ome p'ɨrrɨapataɨrãpa ichi ameenak'ari, ãarea mĩruwãsidama.

Mateo 26:54

Maamina mãɨya oorupara ichi Pedeade mɨ k'orea bɨ bɨt'a ¿sãmaasã́ mãɨya baeima?

Mateo 26:47

Jesú wapida pedeamaa bɨde Juda chesima. Mãɨ Juda Jesupa doce peedaɨrãnepema pasima. Ẽpẽrarã chok'ará k'ĩruupataɨ nek'o paara, pak'uru paara ichi ome chesidama. Ãchi p'aarerã chi mãɨrã chaarearãpa mãɨnepa judiorã chaarearãpa peedaadarã pasima.

1 Pedro 1:11

Cristo Jaore ãchi sõne bɨpa pedeapipachima Cristo minachia mĩak'ari Tachi Ak'õrepa pia bɨi k'orea. Mãɨpa pedeak'ari k'awa k'ɨ̃ria p'anasidama k'ai k'orea Cristo Jaorepa ãchiá pedeapisit'a mãɨnepa sãapae jõma mãɨ mãɨyai.

Marco 14:43

Jesú wapida pedeamaa bɨde Juda chesima. Mãɨ Juda Jesupa doce peedaɨrãnepema pasima. Ẽpẽerã chok'ará k'ĩruupataɨ nek'o paara mãɨnepa pak'uru paara ichi ome chesidama. Chi p'aarerã chi mãɨrã chaarearãpa, Moisepa bɨda jarateapataɨrãpa mãɨnepa judiorã chi mãɨrã chaarearãpa ãchi peek'adada pasima.

2 Pedro 2:21

Mãɨpuru Tachi Ak'õre pedea k'awadada itu bɨdai k'aepẽra, pia bɨma Tachi Ak'õrepa oo jĩp'a bɨt'a k'awadaadawẽpara.

Hecho 23:6

Mãɨya bɨde Pablopa k'awasima chi eda waapẽarã saduceorãpema pasima mãɨnepa chi waapẽarã p'ariseorãpema pasima. Mãɨpuru ãchiá ɨbɨa jarasima: —Ũpẽarã, mɨ p'ariseopɨ. Mɨ chõarãenapemarã sida p'ariseorã pasima. Mãɨpuru ĩjãa bɨma chi piudaadarã chok'ae p'irabaridait'a. Mãɨ k'orea mɨ ɨtɨa k'ɨ̃ria p'anɨma.

Hecho 23:1

Pablopa judiorã chaarearãmá pia ak'ɨk'ari jarasima: —Mɨ ũpẽarã, mɨ ne k'ɨ̃risiawẽa bɨma, k'awa bɨ pẽra idi wapida Tachi Ak'õre k'ĩrari pia baparit'a.

Hecho 22:1

Pablopa jarasima: «Ũpẽarã mãɨnepa chõarã, ũrit'ɨ. Ara mɨ k'orea jararuma».

Hecho 15:7

Tãaraa pedeautade Pedro p'irabarik'ari jarasima: —Ũpẽarã, mãrapa k'awa p'anɨma mãranepema Tachi Ak'õrepa mɨ naena jɨrɨ atasima judiorãwẽa jarateamẽrá. Mãɨne judiorãwẽpa chi pedea pia Jesú k'orea ũrinak'ari ĩjãasidama.

Hecho 13:38

Mãɨpuru ũpẽarã, nãɨ k'awat'ɨ: mãrapa nemietá oopataɨ Tachi Ak'õrepa Jesudepa k'ɨ̃risia atuaipɨ.

Hecho 13:15

Maapae chi chaarearãpa Moisepa bɨdadepema mãɨnepa Tachi Ak'õre pari pedeapataɨrãpa bɨdaadadepema jĩk'ua eda jarasidama. Maapae ãchia Pablo mãɨnepa Bernabé suak'abari p'anɨmá nãɨya jara peesidama: —Ũpẽarã, mãrapa pedea aba uru p'anɨpɨra tai k'aripadai k'orea, mãɨyara pedeat'ɨ.

Hecho 7:2

Estebanpa nãɨya p'anoosima: —Mɨ ũpẽarã judiorã mãɨnepa ak'õrerã, mɨ chichupuria mɨ pedea ũrit'ɨ. Tachi chõarãenapema Abrahán mãɨ wapida Mesopotamia tuade baside Harán p'uurude bade wãi naena Tachi Ak'õre chi Pia bɨ ichimá unupisima.

Hecho 2:37

Mãɨ ũrisidaɨde ãareaɨrã minachia k'ɨ̃risia pará p'aneesidama. Mãɨpuru ãchia Pedroa mãɨnepa chi waapẽarã Jesupa peedaɨrã́ idisidama: —Ũpẽarã, ¿k'ãre oodai p'anɨma?

Hecho 2:23

Tachi Ak'õrepa naena k'ɨ̃risia bada jĩra abaɨa itu Jesú mãra juade teapisima. Maapae mãrapa ẽpẽerã k'achiarã́ k'urusude barijira bɨk'ari peapisidama. Tachi Ak'õrepa k'awa basima mãɨ ãarea mãɨyait'a.

Juan 19:36

Ãarea mãɨ piarã mãɨyasima Tachi Ak'õre pedeade bɨ bɨ jĩra. Nãɨya bɨ bɨma: «Ichi bɨɨrɨ aba pida bɨap'et'adaé pasima».

Juan 10:35

Tachia k'awa p'anɨma Tachi Ak'õre pedea ewaricha piarãt'a. Tachi Ak'õrepa mãɨ ẽpẽerã́ “Mãra tachi ak'õrerãane” asira,

Luca 22:47

Jesú mãɨya pedeamaa bɨde ẽpẽrarã chok'ará chesidama. Juda ãchi naa basima. Ichi Jesupa doce peedaɨrãnepema pasima. Jesumá orrobarisima ichi uitarra sõi k'orea.

Marco 12:36

Ara mãɨ Davipa Tachi Ak'õre Jaoredepa nãɨya jarasima: Tachi Chiparipa mɨ Chiparia nãɨya jarasima: mɨ juaraari suak'abari beese, aba mɨa pɨchi nek'ĩramá pɨchi juade bɨrudea.

Hecho 28:25

Mãɨpuru k'ĩruu pedeadak'ari wãnai k'orea k'ɨ̃risiasidama. Mãɨne Pablopa nãɨya jarasima: —Tachi Ak'õre Jaorepa mãra chõarãenapemarã́ piarã pedea Tachi Ak'õre pari pedeaparí Isaíadepa nãɨya jarasima:

Hecho 28:17

Ewari ũpea padak'ari Pablopa Romanepema judiorã chi atepe berã t'ɨ̃pisima. Ãarea ará p'anasidaɨde Pablopa jarasima: —Ũpẽarã, mɨ mi ãpia pida tachi judiorã́ piawẽa oowẽa basimina, mãɨnepa tachi chõarãenapemarãpa oopataɨ k'orea piawẽa pedeawẽa basimina, mɨ Jerusalene eda jɨ̃a nɨbɨdak'ari maapae romanepemarã juade bɨsidama.

Hecho 15:13

Mãɨ nepɨrɨk'ari Santiagopa jarasima: —Ũpẽarã, mɨ pedea ũrit'ɨ.

Mateo 26:14

Juda Iscariote apataɨ Jesupa doce peedaɨrãnepema pasima. Mãɨ Juda p'aarerã chi mãɨrã chaarearãmá wãsima.

Juan 17:12

Mɨ nãma basi ewarimisa pɨ jua chaareadepa mɨa ãarea pɨa teadaɨrã ak'ɨ basima. Ãchidepemarã mi ãpia pida atuaé pasima. Abapuru chi atuai badat'a atuasima Tachi Ak'õre pedea jara bɨ jĩra piarã mãɨyamẽrá.

2 Pedro 1:21

Ãchia k'ɨ̃riauta jaradak'a pasima, mãɨpari Tachi Ak'õre pae p'anasida pẽra, ara Ichi Jaoredepa pedeasidama.