Hecho 1:13 - Tachi Ak'õre Pedea

¹³ Jerusalene padak'ari chi te ɨt'ɨ pará bɨmá ãchi mãma k'ãipataɨmá wãsidama. Ãchi nãɨrã pasima: Pedro, Juan, Santiago, André, P'elipe, Tomá, Bartolomé, Mateo, Alp'eo warra Santiago, Simón chi Celote mãɨnepa Santiago warra Juda.

Hecho 1:13 Referans Kwoze

Hecho 20:8

Tai chi te ɨt'ɨ pará bɨmá ará p'anasidama. Ĩpira minachia k'oa nɨbasima.

Luca 22:12

Mãɨne ichia tejã ɨt'aria lao nepalá ãarea pia oo nɨbɨt'a unupiipɨ. Mãma chik'o oot'ɨ.

Marco 14:15

Mãɨpa tejã ɨt'aria lao nepalá ãarea pia oo nɨbɨt'a unupiipɨ. Mãma tachi chik'o oot'ɨ.

Marco 2:14

Wãrune Jesupa Alp'eo warra Leví unusima. Mãɨ Leví chi Romanepema pae erreara jɨrɨp'eparí tede suak'abari basima. Jesupa ichiá jarasima: «Mɨ ome chese». Ara mãɨne Leví p'irabarik'ari Jesú ome wãsima.

Santiago 1:1

Mɨ Santiagopɨ, Tachi Ak'õre pae pari mimiaparí mãɨnepa Tachi Chipari Jesucristo pae pari mimiaparí. Nãɨ k'art'a bɨruma Israeldepema doce warrarãnepema chedaadarã tuacha berã pae. Mɨa k'ɨ̃ria bɨma mãra pia p'ananamẽrá.

Hecho 12:17

Maamina Pedropa juapa jarasima k'ĩup'eadamẽrá. Maapae jõma nepɨrɨsima sãmaasã́ Tachi Chiparipa ichi jɨ̃a nɨbɨpataɨ tedepema k'ẽet'aapisit'a. Ãarea nepɨrɨk'ari jarasima: —Mãɨ ãarea Santiagoa mãɨnepa chi waapẽarã ũpẽarã́ jarat'ɨ. Maapae Pedro mãmãɨpa ãyá wãsima.

Hecho 2:38

Mãɨne Pedropa p'anoosima: —Machi nemietá oo p'anana itu bɨdak'ari Tachi Ak'õremá chet'ɨ. Jesucristo t'ɨ̃nepa porochoat'ɨ. Mãɨne mãrapa nemietá oo p'anana Tachi Ak'õrepa k'ɨ̃risia atuak'ari ichi Jaore mãrá teaipɨ.

Juda 1:1

Mɨ Judapɨ, Jacobo ũpẽapɨ mãɨnepa Jesucristo pae pari mimiaparipɨ. Nãɨ k'art'a bɨruma ãarea Tachi Pajãnepema Ak'õrepa t'ɨ̃naɨrã pae. Ichia mãra k'ɨ̃ria bɨma mãɨnepa Jesucristodepa ak'ɨ uru bɨma.

Gálata 2:9

Ũpẽarã chi atepe k'awa p'anɨrã Santiagopa, Pedropa mãɨnepa Juanpa k'awasidama Tachi Ak'õrepa ichi sõpiadepa piarã mɨ judiorãwẽmá peesit'a. Mãɨne ãchi mɨ ome mãɨnepa Bernabé ome arapá jua jitasidama k'awapidai k'orea abarik'a k'ɨ̃risia uru p'anɨt'a. Ãchia jarasidama taipa judiorãwẽmá jaratea p'ananait'a, mãɨnepa ãchia judiorãmá jaratea p'ananait'a.

Gálata 1:19

Pedro awara Jesucristopa peedaɨrãnepema abapuru Tachi Chipari ũpẽa Santiago unusima. Waapẽarã mɨa unué pasima.

Hecho 15:13

Mãɨ nepɨrɨk'ari Santiagopa jarasima: —Ũpẽarã, mɨ pedea ũrit'ɨ.

Hecho 4:19

Maamina Pedropa mãɨnepa Juanpa jarasidama: —Minachia k'ɨ̃risiat'ɨ. ¿Pia bɨk'ãra Tachi Ak'õrene ĩjãanait'a wa mãrapa jara p'anɨt'a ĩjãanait'a? Taimá pia bɨma Tachi Ak'õrene ĩjãanait'a.

Hecho 4:13

Chi judiorã chaarearãpa Pedro mãɨnepa Juan ne wap'eawẽa pedea p'anɨt'a unusidaɨde k'awa k'ɨ̃risiadaé pasima. Pedro mãɨnepa Juan k'art'a atua p'anɨ unusidaɨde, k'awasidama ãchi Jesú ome p'ɨrrɨapachidat'a.

Hecho 2:14

Mãɨne Pedro chi waapẽarã once p'anɨ ome bai nɨbeek'ari ɨbɨa pedeasima: «Judiorã mãɨnepa Jerusalene p'anɨrã nãɨ k'awat'ɨ; mɨa jararut'a jĩrak'aua ũrit'ɨ.

Juan 21:2

Mãɨ ewaride ará p'anasidama Simón Pedro, Tomá ichi ɨ̃ana t'ɨ̃ Mikisu apataɨ, Natanael Galileade bɨ p'uuru Caná p'uurudepema, Zebedeo warrarã mãɨnepa waapẽarã ume.

Juan 18:17

Mãɨ wẽrapa Pedroa idisima: —¿Pɨ sida Jesú ome p'ɨrrɨapariiwẽk'ãra? Pedropa p'anoosima: —Mɨwẽma.

Juan 11:16

Mãɨne Tomá, Mikisu apataɨ basima. Mãɨpa Jesú ome p'ɨrrɨapataɨrã waapẽarã́ jarasima: —Judeadea wãtɨma tachi sida peadamẽrá.

Marco 14:33

Maapae Pedro, Santiago mãɨnepa Juan awara ateewãsima. Ichi mãɨya bai bɨẽra, k'ĩra piawẽa beek'ari, sõp'ua beesima.

Marco 9:2

Ewari k'ak'o sei pak'ari Jesupa Pedro, Santiago mãɨnepa Juan ãchi tuaba eya ɨt'ɨ bɨmá ateewãsima. Mãma ãchi k'ĩrari Jesú k'ĩra awara unupisima.

Marco 5:37

Maapae Jesupa Pedro, Santiago mãɨnepa Santiago ũpẽa Juan mãɨ Jairo tiidá ateewãsima. Chi waapẽarã itu wãpié pasima.

Mateo 9:9

Jesú mãmãɨpa wãrune ẽpẽra Mateo apataɨ unusima. Mãɨ ẽpẽra chi Romanepema pae erreara jɨrɨp'eparí tede suak'abari basima. Jesupa Mateoa jarasima: «Mɨ ome chese». Ara mãɨne Mateo p'irabarik'ari Jesú ome wãsima.

2 Juan 1:1

Mɨ Chõapɨ. Mɨa nãɨ k'art'a bɨruma wẽra Tachi Ak'õrepa jɨrɨ atada pae mãɨnepa ichi warrarã pae pida. Mɨa mãra piarã k'ɨ̃ria bɨma. Mɨapuru mãra k'ɨ̃ria bɨwẽma, mãɨpari jõma chi piarãpẽa pedea k'awapataɨrãpa mãra k'ɨ̃ria p'anɨma.

1 Corintio 15:7

Mãɨ quiniento ũpẽarãpa Jesú ununak'ari ichi Santiagoa unupisima. Mãɨya bak'ari jõma ichia peedaɨrã́ unupisima.

Juan 14:22

Maapae chi abaɨ Juda, Iscariotewẽpa Jesua idisima: —Tai Chipari, ¿sãmaasã́ pɨ taiyá unupiima maamina nãɨ ĩjũanepemarã́ unupiiwẽma?