Hebreo 9:9 - Tachi Ak'õre Pedea

⁹ Nãɨ ewaride ãarea mãɨpa k'awapi bɨma Tachi Ak'õrea ne tea p'anɨnepa mãɨnepa ãnimara paatea p'anɨnepa chi mãɨya oo be k'ɨ̃risia p'ue jĩp'a bɨpiwẽt'a.

Hebreo 9:9 Referans Kwoze

1 Pedro 3:21

Mãɨ to minachia che bɨt'a idiapae tachi porochoapataɨ k'orea jara bɨma. Porochoautade Jesucristo chok'ae p'irabaridadepa tachi k'aripa bɨma. Porochoarupa tachi k'ak'ua nemietá sɨɨk'ama mãɨpari mãɨya oopatama, tachi k'ɨ̃risia jĩp'a bɨdepa, piarã Tachi Ak'õre ome nipadai k'ɨ̃ria p'anɨ pẽra.

Hebreo 5:1

Tachi Ak'õrepa p'aare minachia k'awa bɨ bɨrude, ẽpẽra aba jɨrɨ atak'ari mãɨ bɨparima. Ẽpẽrarãpa nemietá oodada k'orea mãɨpa Tachi Ak'õrea ne teaparima mãɨnepa ãnimara paateaparima.

Romano 5:14

Mãɨya bɨmina Adán ewaridepa waa Moisé ewaridea ẽpẽrarã piupachidama nemietá oopachida pẽra. Adanpa Tachi Ak'õrepa ichiá jarada itu bɨsima maamina ãchia Adán jĩra mãɨya nemietá oodaé pasima. Adannepa jõmãɨrã piawẽa p'aneenana jĩra chi chei badadepa jõmãɨrã p'ue pia p'aneesidama.

Hebreo 11:19

Abrahanpa k'ɨ̃risiasima ichi warra Isá peak'ari Tachi Ak'õrepa ichi p'ue chok'ae p'irabaripiit'a. Piarã Tachi Ak'õrepa Isá chok'ae p'irabaripiipɨra itu peapié pasima. Mãɨya Abrahanpa Isá chok'ae uru beesima.

Hebreo 10:11

P'aarerãpa ewaricha Tachi Ak'õre pae ne oopatama mãɨnepa ãnimara paateapatama. Maamina mãɨpa nemietá ãyá bɨk'ama.

Hebreo 9:24

Cristo Tachi Ak'õre te ẽpẽerãpa oodaadade eda wãé pasima, mãɨ abapuru Tachi Ak'õre te chi piarã bɨt'a, ara pajãne bɨ jĩra bɨ pẽra. Cristo pajãne Tachi Ak'õre k'ĩrari wãsima, ichi oa ãrisidepa tachi k'orea ichiá k'ĩra chupuria idi bai k'orea.

Hebreo 7:11

Tachi Ak'õrepa Moisepa bɨda Israeldepemarã́ teaside Levidepa chedada p'aarerã bɨsima mãɨ p'aarerã padamẽrá. Mãɨ p'aarerãpa oo p'anɨnepa ẽpẽrarã Tachi Ak'õremá orrobaridaipara, ¿k'ãre k'orea Aarón awara p'aare Melkisedé jĩra bɨ chei pasima?

Gálata 3:21

Mãɨya bɨpɨra Tachi Ak'õrepa ichi pedea bɨda Moisea bɨpiside ¿ichi Abrahán ome pedea auda itu bɨsik'ãra? ¡Mãɨyawẽma! Moisepa bɨdadepa tachi p'ue chok'ae p'ananaipara, abapuru mãɨ bɨda oo p'anɨnepa Tachi Ak'õrepa tachi chi jĩp'a berã paara bɨi pasima.

Hebreo 8:4

Ichi nãɨ ĩjũane badapara p'aare paiwẽ pasima nãɨ ĩjũane p'aarerã minachia nɨbɨ pẽra. Mãɨ p'aarerãpa Tachi Ak'õrea ne teapatama Moisepa bɨdade bɨ bɨ jĩra.