Hebreo 9:7 - Tachi Ak'õre Pedea

⁷ Maamina chi k'aadeapema k'ɨda jẽesade abapuru chi p'aare minachia k'awa bɨt'a ãyocha bari k'ak'o aba eda wãpachima. Eda wãrune ichia nemietá ooda k'orea mãɨnepa ẽpẽrarãpa paritua nemietá oodada k'orea ãnimara oa Tachi Ak'õre k'ĩrari jĩp'oi k'orea ateewãpachima.

Hebreo 9:7 Referans Kwoze

Hebreo 7:27

Ichia ook'ama waapẽarã p'aare minachia k'awa p'anɨrãpa ewaricha oopata jĩra. Mãɨ p'aarerãpa ara ãchia nemietá oodada k'orea naa Tachi Ak'õrea ãnimara paateapatama. Maapaepuru waapẽarã ãnimara paateapatama ẽpẽrarãpa nemietá oodada k'orea. Maamina Jesupa ãnimara paatearu jĩra ara ichi itu peapisima ẽpẽrarãpa nemietá oopataɨ k'orea. Bari k'ak'o aba mãɨya oodapa nemietá ãarea sɨɨsima.

Hebreo 10:3

Maamina ãyocha ãnimara paateautade, mãɨpa k'ɨ̃risiapiparima ãchia nemietá oopataɨt'a,

Ep'esio 4:18

Ãchi k'ɨ̃risia p'ãrione bɨ pẽra Tachi Ak'õre k'orea k'awadak'ama. Ãchi sõ chaareapa Tachi Ak'õre atua p'anɨ pẽra ichia chok'ae bapiparit'a nea p'anɨma.

Hebreo 6:19

Mãɨpa tachi k'aripa bɨma minachia ĩjãa p'ananamẽrá joerk'et'apa p'ãp'orro jõe uru nɨbɨ jĩra. Tachia jitadai p'anɨt'a piarã k'awa p'anɨma, Jesú pajãnea tachi naa wãsi pẽra. Tachi Ak'õre temá wãsima eda chi p'aru eatɨa jira bɨ wãyá tachi k'aripai k'orea. Mãma tachi P'aare minachia k'awa bɨ beesima Melkisedé bada jĩra. Ewaricha mãɨya bɨma.

Hebreo 9:3

Chi k'aadeapema k'ɨda jẽesa p'aru eatɨa jira bɨ ãpɨte basima. Mãɨ «Tachi Ak'õre pae k'ɨda jẽesa chi atepe piipará bɨade» apachidama.