Hebreo 9:12 - Tachi Ak'õre Pedea

¹² Mãma Cristo «Tachi Ak'õre pae k'ɨda jẽesa chi atepe piipará bɨde» barimama eda wãsima. Mãmá wãside chivo mãɨnepa p'ak'a warra oa Tachi Ak'õre k'ĩrari jĩp'oi k'orea ateewãé pasima. Mãɨpari ara ichi oa ateewãsima. Bari k'ak'o aba mãɨya oodapa tachi k'aripasima ewaricha nepɨrawẽa p'ananamẽrá.

Hebreo 9:12 Referans Kwoze

Hebreo 10:4

p'ak'a chi ɨmɨk'ĩra oapa mãɨnepa chivo oapa mãɨ nemietá oodada p'ue ãyá bɨk'a pẽra.

Hebreo 9:15

Mãɨyara, Cristodepa Tachi Ak'õrepa pedea chiwidi ausima. Ẽpẽerã chi naenapema pedea audade p'anapachidaɨde nemietá oopachidama. Maamina Cristo piusima mãɨnepema k'aripai k'orea. Ichiaba, Cristodepa chi ichia t'ɨ̃naɨrãpa ichia ne ãarea pia jõk'apɨ́ teai jaradat'a p'ue jitadaipɨ.

Ep'esio 1:7

Ichi Warra oa ãrinanepa Tachi Ak'õrepa tachi nemietaadepema k'aripasima. Ichi minachia sõpia bɨdepa tachia nemietá oodada ãarea k'ɨ̃risia atuasima.

Hebreo 5:9

Ne ãareaɨne arí ooda pẽra, chi ichi pedea ũriutarã ãarea k'aripaipɨ ewaricha chok'ae p'ananamẽrá.

Apocalipsi 1:5

Mãɨnepa k'ɨ̃ria bɨma Jesucristo pida mãɨya oo bait'a. Ichia Tachi Ak'õre k'orea piarã jaraparima. Piu bada naa chok'ae p'irabarisima, ãarea nãɨ ĩjũanepema chi poro jũra jɨ̃parí jɨ̃ p'anɨrã k'aepẽra chi atepe bai k'orea. Mãɨpa tachi k'ɨ̃ria bɨma mãɨnepa ichi oadepa nemietaadepema k'aripasima.

Hebreo 10:19

Mãɨpuru ũpẽarã, chi Tachi Ak'õre pae k'ɨda jẽesa chi atepe piipará bɨde eda wãuta jĩra Jesucristo oadepa Tachi Ak'õre k'ait'a ne wap'eawẽa wãnai p'anɨma.

Hebreo 9:28

Ara mãɨ jĩra Cristopa bari k'ak'o aba ara ichi itu peapisima chok'araɨrãpa nemietá oodada ãyá bɨi k'orea. Ichi mãicha cheipɨ, maamina mãɨne cheiwẽma tachia nemietá oopataɨt'a ãyá bɨi k'orea. Mãɨpari cheipɨ ichi nɨ p'anɨrã k'aripai k'orea.

Hebreo 7:27

Ichia ook'ama waapẽarã p'aare minachia k'awa p'anɨrãpa ewaricha oopata jĩra. Mãɨ p'aarerãpa ara ãchia nemietá oodada k'orea naa Tachi Ak'õrea ãnimara paateapatama. Maapaepuru waapẽarã ãnimara paateapatama ẽpẽrarãpa nemietá oodada k'orea. Maamina Jesupa ãnimara paatearu jĩra ara ichi itu peapisima ẽpẽrarãpa nemietá oopataɨ k'orea. Bari k'ak'o aba mãɨya oodapa nemietá ãarea sɨɨsima.

Hebreo 9:13

P'aarepa p'ak'a chi ɨmɨk'ĩra oa, chivo oa, mãɨnepa p'ak'a wẽrachae paateada jora nausã́ bɨt'a ẽpẽerã ɨ̃rɨ jĩp'oparima. Mãɨpa ẽpẽrarã Tachi Ak'õre k'ĩrari piawẽa beada nãɨ k'ak'ua ɨ̃rɨpema sɨɨparima.

Hebreo 1:3

Ichi Warrapa Tachi Ak'õre k'ĩrawãrea achiterrea unupiparima. Ichiapuru Tachi Ak'õre sãmaasã́ bɨt'a k'awapiparima. Ichi pedea jua chaarea bɨdepa ne ãarea ooda ichi juade ara mãɨya uru bɨma. Ichia tachi nemietá oodada sɨɨk'ari Tachi Ak'õre chi auk'ará bɨ juaraari pajãne suak'abari beesima.

1 Tesalonicense 1:10

Ãchia jara p'anɨma sãmaasã́ mãrapa Tachi Ak'õre Warra Jesú pajãnepa chei nɨ p'anɨt'a. Ara mãɨ Jesú piuda pada Tachi Ak'õrepa chok'ae p'irabaripisima. Ichia Tachi Ak'õrepa tachi ɨtɨai pada k'aripasima.

Colosense 1:14

Ichi Warradepa Tachi Ak'õrepa tachi nemietaadepema k'aripasima. Tachia nemietá oodada ãarea k'ɨ̃risia atuasima.

Hecho 20:28

»Tachi Ak'õrepa ichi Warra oadepa ẽpẽerã ichi pae atasima. Tachi Ak'õre Jaorepa mãra bɨsima ũpẽarã ak'ɨ p'ananamẽrá. Mãɨpuru ara mãra tuaba minachia jĩrak'aua p'anat'ɨ mãɨnepa Tachi Ak'õre warrarã ãarea ak'ɨ p'anat'ɨ.

Marco 3:29

Maamina abaɨpa Tachi Ak'õre Jaore k'orea k'achia pedeaipɨra, Tachi Ak'õrepa mãɨ k'ɨ̃risia atuaiwẽma. Mãɨ ẽpẽra ewaricha nepɨrade baipɨ».

Apocalipsi 5:9

Chi chõarã veinticuatro p'anɨpa mãɨnepa chi ẽpẽra jĩra chok'ae berãpa nãɨ k'ari chiwidit'a k'arisidama: «Pɨ pia bɨma mãɨ k'art'a jitak'ari chi k'ara nɨbɨ oet'ait'a, pɨ peasida pẽra. Chi mãɨ oa pɨa ãrisidepa ẽpẽerã Tachi Ak'õre pae atasima. Ẽpẽerã awaraɨcha, pedeacha, p'uurucha mãɨnepa ĩjũacha mãɨrãnepema eda waapẽarã atasima.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

Hebreo 9:7

Maamina chi k'aadeapema k'ɨda jẽesade abapuru chi p'aare minachia k'awa bɨt'a ãyocha bari k'ak'o aba eda wãpachima. Eda wãrune ichia nemietá ooda k'orea mãɨnepa ẽpẽrarãpa paritua nemietá oodada k'orea ãnimara oa Tachi Ak'õre k'ĩrari jĩp'oi k'orea ateewãpachima.

Luca 1:68

«¡Israel p'uuru Tachi Ak'õre minachia pia bɨma, ichi ẽpẽrarã k'aripai k'orea chesideepuru!

Hebreo 9:14

Mãɨyapɨra, ¿Cristo oapa tachi atepe piipará bɨwẽk'ãra? Cristo nemietá newẽa basima. Tachi Ak'õre Jaore piuk'apɨɨpa k'aripada pẽra ara ichi itu peapisima ãnimara Tachi Ak'õrea paatearu jĩra. Nemietá oo p'anɨ k'orea tachi piudai p'anasidama. Maamina Cristopa ara ichi itu peapida pẽra tachia nemietá oodada Tachi Ak'õrepa k'ɨ̃risia atuak'ari tachi k'ɨ̃risia jĩp'a bɨsima. Mãɨya chi Tachi Ak'õre chok'ae bɨpa k'ɨ̃ria bɨt'a tachia mãɨ p'ue oodaipɨ.

Hebreo 9:19

Mãɨ nãɨya basima: Moisepa ichia bɨda ẽpẽrarã́ ãarea jarak'ari, maapae p'ak'a warra oa mãɨnepa chivo oa panianea p'uerasima. Oveja k'ara p'urea p'ɨrɨ bɨt'a atak'ari hisopo pak'uru juade ará pɨrak'ari maapae oade eda batopisima. Mãɨpa ichia chi k'art'a ɨ̃rɨ mãɨnepa ẽpẽrarã ɨ̃rɨ jĩp'osima.

Hebreo 13:12

Ara mãɨ jĩra Jesú p'uuru awara minachia mĩasima ichi oapa ẽpẽerã Tachi Ak'õre pae pia bɨi k'orea.