Hebreo 8:6 - Tachi Ak'õre Pedea

⁶ Maamina Jesú tachi P'aare Minachia K'awa bɨpa pajãne oo baparit'a atepe pia bɨma p'aarerãpa nãɨ ĩjũane oopataɨ k'aepẽra. Ara mãɨ jĩra Tachi Ak'õrepa Jesudepa pedea auda atepe pia bɨma ẽpẽerã ome pedea auda k'aepẽra, Tachi Ak'õrepa ẽpẽrarã minachia k'aripayade ada pẽra.

Hebreo 8:6 Referans Kwoze

Hebreo 7:22

Mãɨ Tachi Ak'õrepa piarã jarada pẽra tachia k'awa p'anɨma Tachi Ak'õrepa Jesudepa tachi ome pedea chiwidi auda piarã ooit'a. Mãɨ pedea auda ichia naa teada piipará bɨma chi Moisepa bɨda k'aepẽra.

Hebreo 12:24

Mãra Jesumá chesidama. Ichidepa Tachi Ak'õre ẽpẽerã ome pedea chiwidi auside mãra ichia oa jĩp'odamá chesidama. Jesú oa ãrina Abel oa ãrina k'aepẽra mãɨpa tachiá atepe k'awapi bɨma.

Tito 1:2

Chi mãɨya ĩjãa p'anɨpa Tachi Ak'õre ome ewaricha chok'ae p'ananai k'orea nɨ p'anɨma, nãɨ ĩjũa ooi naena Tachi Ak'õre sea jarak'á bɨpa mãɨya ooyade asi pẽra.

Luca 22:20

Ara mãɨ jĩra nek'ok'ari pasu jitak'ari jarasima: —Nãɨ pasude eda bɨt'a mɨ oa mãra k'orea ãriipɨ. Mɨ oadepa Tachi Ak'õrepa mãra ome pedea chiwidi bɨruma.

Romano 9:4

chi Israeldepemarã. Tachi Ak'õrepa ãchi naa jɨrɨ atasima ichi warrarã p'ananamẽrá. Ichi k'ĩrawãrea achiterrea ãchiá unupisima. Ichia ãchi chõarãenapemarã ome pedea ausidama. Moisepa bɨda ãchiá teasima. Ãchirã́ k'awapisima ichi te nepalade k'ãre oodai p'anɨt'a mãɨnepa jõma ichia teai jarada ãchi pae basima.

Ep'esio 2:12

Nãɨ k'ɨ̃risiat'ɨ: mãra naena Cristo newẽa p'anasit'a mãɨnepa Israeldepemarãwẽ pasit'a. Tachi Ak'õre ãchi ome pedea auside ichia mãrá mi ãpia pida teai jaraé pasima. Mãɨ awara mãra sãmaasã́ pia p'ananaiwẽa p'anasidama mãɨnepa nãɨ ĩjũane Tachi Ak'õre newẽa p'anasima.

1 Timoteo 2:5

Tachi Ak'õre abapuru bɨma. Mãɨnepa chi ẽpẽrarã nepɨra k'aripaparí, Tachi Ak'õre ẽpẽrarã ome, abapuru bɨma. Mãɨ ẽpẽra Jesucristopɨ.