Hebreo 8:11 - Tachi Ak'õre Pedea

¹¹ Mãɨne ãareaɨrãpa mɨ k'awadaipɨ. Chi k'ɨ̃risia ãpia bepa mãɨnepa chi k'ɨ̃risia atepe be pida mɨ k'awadaipɨ. Mãɨpuru mi ãpia pida ichi tuadepemarã́ mãɨnepa ichi ẽpẽrarã́ waa jarateadaiwẽma Tachi Chipari k'awadamẽrá.

Hebreo 8:11 Referans Kwoze

Juan 6:45

Tachi Ak'õre pari pedeapataɨrã k'art'ade nãɨya jara bɨma: “Tachi Ak'õrepa ãareaɨrã́ jarateaipɨ”. Mãɨya chi mɨ Ak'õre pedea ũrik'ari ichidepa k'awak'ari mɨne ĩjãane cheipɨ.

1 Juan 2:27

Maamina mãrapa Tachi Ak'õre Jaore Cristopa teada uru p'anɨma. Mãɨpuru jɨrɨdaiwẽa p'anɨma waapẽarãpa mãrá jarateadamẽrá. Tachi Ak'õre Jaorepa mãrá nejõma jaratea bɨma. Ichia jaratea bɨt'a seawẽma, mãɨpari piarãpɨ. Mãɨ k'orea Cristo ome ará p'anat'ɨ ichi Jaorepa mãrá jarateada jĩra.

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.

Hecho 8:10

Chi ichia jararut'a ẽpẽerã chi ɨbɨa berãpa mãɨnepa chi ɨbɨwẽa berã pida minachia ũripachidama. Ãareaɨrãpa ichi «Tachi Ak'õre Jua Chaarea Bɨade» apachidama.