Hebreo 7:19 - Tachi Ak'õre Pedea

¹⁹ mãɨnepa mi ãpia pida jĩp'a bɨé pasima. Mãɨ Moisepa bɨda k'aepẽra Tachi Ak'õrepa nepia teasima tachi k'aripai k'orea. Mãɨnepa Tachi Ak'õremá ará orrobariparima.

Hebreo 7:19 Referans Kwoze

Hecho 13:39

Moisepa bɨdade bɨ bɨma Tachi Ak'õrepa chi tachia nemietá tachi k'ɨ̃ría oopataɨ k'ɨ̃risia atuaiwẽma. Maamina ãarea chi Jesude ĩjãauta Tachi Ak'õrepa nepɨra newẽa p'anɨane aparima. Mãɨt'a mãrá jara p'anɨma.

Hebreo 4:16

Mãɨpuru tachia p'uedawẽa p'anɨne, Tachi Ak'õre poro jũra jɨ̃parí jɨ̃ bɨ suak'a beeparimá wãuta jĩra, ne wap'eadawẽa ichiá ɨt'aa chiididai p'anɨma. Mãɨya ichia tachi k'ĩra chupuriaipɨ mãɨnepa ichia k'aripamẽrá ɨt'aa chiidiutade ichi sõpiadepa k'aripaipɨ.

Hebreo 9:9

Nãɨ ewaride ãarea mãɨpa k'awapi bɨma Tachi Ak'õrea ne tea p'anɨnepa mãɨnepa ãnimara paatea p'anɨnepa chi mãɨya oo be k'ɨ̃risia p'ue jĩp'a bɨpiwẽt'a.

Romano 8:3

Moisepa bɨdapa tachi nemietaadepema p'ue pari ãjã́ bɨé pasima. Nãɨ k'ak'uapa oo k'ɨ̃ria bɨdepa nipapataɨrãpa mãɨ Moisepa bɨda oodai k'aepẽra nemietá oopatama. Maamina Tachi Ak'õrepa ichi Warra peesima tachi chi nemietá oopataɨrã jĩra bamẽrá. Mãɨne tachi nemietá pari piusima. Mãɨya Tachi Ak'õrepa nemietá tachi k'ak'uadepa oodada ɨtɨasima.

Hebreo 11:40

Tachi Ak'õrepa tachi pae nepia bɨt'a uru bɨ pẽra ichia k'ɨ̃riasima ãchi tachi ome ne ãareaɨne pia p'ananait'a.

Hebreo 10:1

Chi Moisepa bɨdapa ãarea nepia Cristo k'orea cheidepema wawarrea unupi bɨma. Mãɨ nepia chi Moisepa bɨdapa teak'ama. Mãɨpuru ãyocha Tachi Ak'õrea ãnimara paateade wãpataɨrã, mãɨrã chi Moisepa bɨdapa p'ue jĩp'a bɨk'ama.

Hebreo 6:18

Tachi Ak'õrepa sea jarak'a pẽra ichia teai jarada piarã teaipɨ mãɨnepa ichi t'ɨ̃nepa jarada k'ĩra awara ooiwẽma. Mãɨ ne ume p'anɨnepa, taipa Tachi Ak'õre jɨrɨpatama tai k'aripamẽrá mãɨnepa k'ɨ̃riamẽrá. Ichia jarada piarã ooit'a k'awa p'anɨẽra tachia p'ue p'erawẽa ĩjãa p'ananaipɨ. Mãɨpa chi Jesudepa jitadai k'orea nɨ p'anɨt'a itu bɨdaiwẽma.

Romano 5:2

Mãɨ awara Jesucristode ĩjãa p'anɨ pẽra Tachi Ak'õrepa ichi sõpiadepa tachi ewaricha k'aripaparima. Mãɨnepa arapá p'anɨma k'awa p'anɨ pẽra Tachi Ak'õre pia bɨdepema jitadait'a.

Hebreo 8:6

Maamina Jesú tachi P'aare Minachia K'awa bɨpa pajãne oo baparit'a atepe pia bɨma p'aarerãpa nãɨ ĩjũane oopataɨ k'aepẽra. Ara mãɨ jĩra Tachi Ak'õrepa Jesudepa pedea auda atepe pia bɨma ẽpẽerã ome pedea auda k'aepẽra, Tachi Ak'õrepa ẽpẽrarã minachia k'aripayade ada pẽra.

Hebreo 7:25

Mãɨpuru ichidepa Tachi Ak'õremá cheutarã ãarea p'ue k'aripaipɨ ewaricha chok'ae p'ananamẽrá. Piuk'a pẽra ewaricha tachi k'orea Tachi Ak'õrea chichupuria idiparima.

Gálata 2:16

Maamina tachia k'awa p'anɨma Tachi Ak'õrepa ẽpẽra aba pida bɨwẽma chi jĩp'a be paara, mãɨ Moisepa bɨda oo bɨ pẽra. Mãɨpari Jesucristopa mãɨ bɨda jĩra jõma ooda k'orea, Tachi Ak'õrepa tachi bɨparima chi jĩp'a be paara. Mãɨpuru tachia pida Jesucristode ĩjãasidama, mãɨnepa Jesucristode ĩjãa bɨ k'orea mãɨya chi jĩp'a be paara p'anapatama, Ichia mãɨ bɨda jĩra jõma ooda k'orea. Piarã Moisepa bɨda oo p'anɨnepa Tachi Ak'õrepa tachi bɨk'ama chi jĩp'a be paara.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Hebreo 7:11

Tachi Ak'õrepa Moisepa bɨda Israeldepemarã́ teaside Levidepa chedada p'aarerã bɨsima mãɨ p'aarerã padamẽrá. Mãɨ p'aarerãpa oo p'anɨnepa ẽpẽrarã Tachi Ak'õremá orrobaridaipara, ¿k'ãre k'orea Aarón awara p'aare Melkisedé jĩra bɨ chei pasima?

1 Timoteo 1:1

Mɨ Pablopɨ, Jesucristopa peedapɨ. Tachi Ak'õre tachi K'aripaparipa mãɨnepa Tachi Chipari Jesucristopa mɨ nãɨya bɨsidama. Tachia Jesucristode ĩjãapatama mãɨnepa ichi k'orea pia p'ananait'a k'awapatama.

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

Ep'esio 3:12

Tachia ara mãɨ Jesucristode ĩjãa p'anɨ pẽra mãɨnepa ichi ome ará p'anɨ pẽra Tachi Ak'õrea ne wap'eawẽa ɨt'aa chiididai p'anɨma.

Gálata 3:24

Piarã Moisepa bɨdapuru tachi ua basima aba tachia Cristode ĩjãautadea. Cristo chek'ari ichide ĩjãa p'anɨ k'orea Tachi Ak'õrepa tachi chi ichidirã jĩp'a berã paara bɨparima.

Juan 1:17

Tachi Ak'õrepa naena Moisepa bɨda teasima, maamina Jesucristodepa tachiá k'awapisima ichi piarã sãmaasã́ bɨt'a mãɨnepa ichi sõpiadepa tachi minachia k'aripa bɨt'a.

Romano 7:7

¿Mãɨ k'orea sãmaasã́ k'ɨ̃risiadai p'anɨma? ¿Moisepa bɨda mietá bɨk'ãra? ¡Mãɨyawẽma! Mãɨ Moisepa bɨda newẽpara mɨa atua bai pasima k'ãre nemietá. Mãɨ Moisepa bɨdade «abaɨpa uru bɨt'a k'ɨ̃riarãapade» awẽpara, mɨa k'awaiwẽ pasima mãɨ nemietaat'a.

Gálata 3:21

Mãɨya bɨpɨra Tachi Ak'õrepa ichi pedea bɨda Moisea bɨpiside ¿ichi Abrahán ome pedea auda itu bɨsik'ãra? ¡Mãɨyawẽma! Moisepa bɨdadepa tachi p'ue chok'ae p'ananaipara, abapuru mãɨ bɨda oo p'anɨnepa Tachi Ak'õrepa tachi chi jĩp'a berã paara bɨi pasima.

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

Hebreo 7:20

Tachi Ak'õrepa chi naa p'anana p'aarerã bɨside ewaricha p'ananayane aé pasima. Maamina Tachi Ak'õrepa Jesú p'aare bɨside piarãpẽa jarasima ewaricha mãɨya bayade asima. Tachi Ak'õre pedeade nãɨya bɨ bɨma: «Tachi Chiparipa piarãpẽa jarasima pɨ ewaricha p'aare baipɨ Melkisedé bada jĩra. Ichia jarada k'ĩra awara ooiwẽma».

Hebreo 11:6

Maamina chi Tachi Ak'õrene ĩjãak'apɨ́, Tachi Ak'õrepa mãɨ pia unuk'ama. Chi Tachi Ak'õremá che k'ɨ̃ria bɨpa ĩjãai bɨma Tachi Ak'õre piarã bɨt'a mãɨnepa ãarea chi ichi jɨrɨutat'a k'aripaparit'a.

Santiago 4:8

Tachi Ak'õre k'ait'a chet'ɨ, mãɨyara ichi mãra k'ait'a cheipɨ. Mãra chi nemietá oopataɨrã, ¡machi jua sɨɨuta jĩra waa nemietá oorãt'ɨ! Mãra chi k'ɨ̃risia ume uru be, ¡k'ɨ̃risia mietá itu bɨdak'ari aba Tachi Ak'õret'u k'ɨ̃risiat'ɨ!