Hebreo 7:18 - Tachi Ak'õre Pedea

¹⁸ Chi naa bɨda Tachi Ak'õrepa mãɨ itu bɨsima, mi ãpia pida k'aripaé pasi pẽra

Hebreo 7:18 Referans Kwoze

Romano 8:3

Moisepa bɨdapa tachi nemietaadepema p'ue pari ãjã́ bɨé pasima. Nãɨ k'ak'uapa oo k'ɨ̃ria bɨdepa nipapataɨrãpa mãɨ Moisepa bɨda oodai k'aepẽra nemietá oopatama. Maamina Tachi Ak'õrepa ichi Warra peesima tachi chi nemietá oopataɨrã jĩra bamẽrá. Mãɨne tachi nemietá pari piusima. Mãɨya Tachi Ak'õrepa nemietá tachi k'ak'uadepa oodada ɨtɨasima.

Hecho 13:39

Moisepa bɨdade bɨ bɨma Tachi Ak'õrepa chi tachia nemietá tachi k'ɨ̃ría oopataɨ k'ɨ̃risia atuaiwẽma. Maamina ãarea chi Jesude ĩjãauta Tachi Ak'õrepa nepɨra newẽa p'anɨane aparima. Mãɨt'a mãrá jara p'anɨma.

Hebreo 7:19

mãɨnepa mi ãpia pida jĩp'a bɨé pasima. Mãɨ Moisepa bɨda k'aepẽra Tachi Ak'õrepa nepia teasima tachi k'aripai k'orea. Mãɨnepa Tachi Ak'õremá ará orrobariparima.

Gálata 4:9

Maamina idiapae mãrapa Tachi Ak'õre k'awa p'anɨma. Jĩp'a jaraideepara, Tachi Ak'õrepa mãra k'awa bɨma. Mãɨya ¿k'ãre k'orea chi nãɨ ĩjũanepema jaore chaarearãne mãicha ĩjãa k'ɨ̃ria p'anɨma, chi chipari pae pari mimiapataɨrã jĩra? Mãɨpa k'aripak'ama.

1 Timoteo 4:8

Piarã tachi k'ak'ua chaareapidayá oo p'ananaipɨra, ara tachi k'ak'ua puru k'aripadaipɨ. Maamina Tachi Ak'õrepa oo k'ɨ̃ria bɨ oodaipɨra, mãɨpa tachi ne ãareaɨne k'aripaipɨ. Idiapae mãɨnepa k'aadeapema ewaride k'aripaipɨ.

Hebreo 13:9

Maamina chi eda waapẽarãpa ne wawaria piawẽa jarateapatama. Ãchirã́ itu seapirãt'ɨ. Mãrapa ne wawaria k'o p'anɨnepa wa nek'odawẽa p'anɨnepa k'aripak'ama. Chi mãɨya oo p'anɨrã pia p'anɨwẽma. Mãɨpari Tachi Ak'õrepa ichi sõpiadepa k'aripa bɨma mãrapa pia sõnepa ĩjãanamẽrá.

Gálata 3:17

Mɨa nãɨya jara bɨma: Tachi Ak'õre Abrahán ome pedea ausima. 430 ãyo wãyá pak'ari Moisea ichia bɨda bɨpisima. Maamina chi ichi Abrahán ome naa pedea auda, mãɨ Moisepa bɨda ãyá bɨé pasima. Ãyá bɨdapara ichia k'aripayade ada ooiwẽ pasima.

Gálata 4:21

Chi Moisepa bɨda juade p'ananai k'ɨ̃ria p'anɨrãpa mɨá p'anoot'ɨ: ¿Moisepa bɨdade bɨ bɨ atua p'anɨk'ãra?

Gálata 3:15

Ũpẽarã, mɨa ne jara bɨdepa pedearuma: ẽpẽrapa waapẽarã ome pedea auda k'art'ade bɨk'ari ichi t'ɨ̃ mãɨ k'art'ade bɨsira, mi ãpia pida mãɨ pedea bɨda p'ue ãyá bɨdaiwẽma, mãɨnepa k'ɨ̃risia awara p'ue eda bɨdaiwẽma.

Romano 3:31

Jesude ĩjãa p'anɨ pẽra ¿Moisepa bɨda itu bɨdai p'anɨk'ãra? Mãɨyawẽma, mãɨpari mãɨ Moisepa bɨda pia unupatama.

Gálata 3:21

Mãɨya bɨpɨra Tachi Ak'õrepa ichi pedea bɨda Moisea bɨpiside ¿ichi Abrahán ome pedea auda itu bɨsik'ãra? ¡Mãɨyawẽma! Moisepa bɨdadepa tachi p'ue chok'ae p'ananaipara, abapuru mãɨ bɨda oo p'anɨnepa Tachi Ak'õrepa tachi chi jĩp'a berã paara bɨi pasima.