Hebreo 7:16 - Tachi Ak'õre Pedea

¹⁶ Ichi p'aare beaé pasima Moisepa bɨdapa bɨda pẽra. Moisepa bɨdapa abapuru Levidepa chedaadat'a bɨparima. Mãɨyawẽapuru Jesú p'aare beesima ichi jua chaareadepa piuk'a pẽra.

Hebreo 7:16 Referans Kwoze

Colosense 2:20

Mãra Cristo ome ará piusida pẽra chi nãɨ ĩjũanepema jaore chaarearãne ĩjãanaiwẽa p'anɨma. Mãɨ ¿k'ãre k'orea waidi mãɨ k'ɨ̃risia ĩjãa p'anɨma nãɨ ĩjũanepemarãpa ĩjãapata jĩra?

Apocalipsi 1:18

Mɨ chi Chok'ae Bɨma. Mɨ piudamina ak'ɨse chok'ae bɨ, mãɨnepa ewaricha chok'ae baipɨ. Mɨa piudarã chok'ae p'irabaripi bɨma.

Hebreo 10:1

Chi Moisepa bɨdapa ãarea nepia Cristo k'orea cheidepema wawarrea unupi bɨma. Mãɨ nepia chi Moisepa bɨdapa teak'ama. Mãɨpuru ãyocha Tachi Ak'õrea ãnimara paateade wãpataɨrã, mãɨrã chi Moisepa bɨdapa p'ue jĩp'a bɨk'ama.

Hebreo 7:28

Moisepa bɨdapa ẽpẽrarã ne ãareaɨne jĩp'awẽa be bɨparima p'aare minachia k'awa p'anɨrã p'ananamẽrá. Maamina mãɨ Moisepa bɨ bada teak'ari, Tachi Ak'õrepa piarãpẽa jarasima ichi Warra ewaricha P'aare minachia k'awa bɨ bayade asima. Mãɨya ichi Warra bɨsima chi tachi pae p'aare arí bɨ beemẽrá.

Hebreo 7:3

Melkisedé ak'õre, chi nae mãɨnepa ichi chõarãenapemarã k'orea Tachi Ak'õre pedeade bɨ bɨwẽma. Ichiaba ichi t'õna k'orea mãɨnepa piuda k'orea bɨ bɨwẽma. Mãɨya ichi Tachi Ak'õre Warra jĩra ewaricha p'aarepɨ.

Colosense 2:14

Piarã nemietá oo p'anɨ k'orea tachi, Tachi Ak'õrea tee pará p'anasidama. Mãɨpuru Moisepa bɨdade bɨ bɨma tachi piudai p'anɨ. Maamina Cristo k'urusude piuside Tachi Ak'õrepa mãɨ tee p'anana ãarea k'ɨ̃risia atuasima.

Gálata 4:9

Maamina idiapae mãrapa Tachi Ak'õre k'awa p'anɨma. Jĩp'a jaraideepara, Tachi Ak'õrepa mãra k'awa bɨma. Mãɨya ¿k'ãre k'orea chi nãɨ ĩjũanepema jaore chaarearãne mãicha ĩjãa k'ɨ̃ria p'anɨma, chi chipari pae pari mimiapataɨrã jĩra? Mãɨpa k'aripak'ama.

Gálata 4:3

Ara mãɨ jĩra Cristode ĩjãanai naena tachi warra chak'e jĩra p'anasima. Mãɨ ewaride tachia chi nãɨ ĩjũanepema jaore chaarearãne ĩjãa p'anasidama, chi chipari pae pari mimiaparí jĩra.

Hebreo 7:17

Ichi k'orea Tachi Ak'õre pedeade nãɨya bɨ bɨma: «Pɨ ewaricha p'aare baipɨ Melkisedé bada jĩra».

Romano 7:14

Tachia k'awa p'anɨma Moisepa bɨda Tachi Ak'õre Jaoredepa chesit'a. Maamina mɨ nãɨ k'ak'uade bɨma. Mɨ netoda jĩra bɨma, nemietá pae pari mimiaparí bamẽrá.

Hebreo 7:15

Ãarea mɨa jarada pia bɨma nãɨ k'awadaipɨra: Jesú p'aare awaraɨrãnepa cheda pẽra, ichi p'aare beesima Melkisedé bada jĩra.

Hebreo 9:14

Mãɨyapɨra, ¿Cristo oapa tachi atepe piipará bɨwẽk'ãra? Cristo nemietá newẽa basima. Tachi Ak'õre Jaore piuk'apɨɨpa k'aripada pẽra ara ichi itu peapisima ãnimara Tachi Ak'õrea paatearu jĩra. Nemietá oo p'anɨ k'orea tachi piudai p'anasidama. Maamina Cristopa ara ichi itu peapida pẽra tachia nemietá oodada Tachi Ak'õrepa k'ɨ̃risia atuak'ari tachi k'ɨ̃risia jĩp'a bɨsima. Mãɨya chi Tachi Ak'õre chok'ae bɨpa k'ɨ̃ria bɨt'a tachia mãɨ p'ue oodaipɨ.