Hebreo 6:4 - Tachi Ak'õre Pedea

⁴ Chi eda waapẽarãpa chi piarã pedea k'awa p'ananak'ari, Tachi Ak'õrepa tea bɨ k'orea arapá p'ananak'ari, Ichi Jaoredepa ne jitadak'ari,

Hebreo 6:4 Referans Kwoze

Mateo 5:13

»Mãra nãɨ ĩjũane t'ã jĩra p'anɨma. Maamina t'ã k'ɨyaa jõsira ¿sãmaasã́ mãicha k'ɨyaa beeima? Jãapae k'ɨ̃rianaiwẽma. Tajatá amaai pia bɨma t'ɨadamẽrá.

Juan 15:6

Chi mɨ ome ará bɨwẽt'a, mãɨ mɨ Ak'õrepa awara bɨipɨ pak'uru jua chauk'apɨ́ jĩra. Mãɨ pak'uru jua p'urpak'ari tachia ará jɨrɨp'edak'ari t'ɨpɨde paapatama.

Ep'esio 2:8

Jesude ĩjãanana pẽra Tachi Ak'õrepa ichi sõpiadepa mãra k'aripasima. Ara machidepa k'aripadaé pasima, maawẽapuru Tachi Ak'õrepuru pari k'aripasima.

Juan 3:27

Mãɨpuru Juanpa jarasima: —Abaɨ pida ne p'ue uru baiwẽma, chi mãɨ Tachi Ak'õrepa ichiá teaiwẽpɨra.

Hebreo 10:32

K'ɨ̃risiat'ɨ mãrapa naa chi piarã pedea k'awasidaɨde sãmaasã́ p'anasit'a. Mãɨ ewaride mãra minachia mĩanana ãarea choasidama.

Mateo 12:45

Maapae siete jaore mietá ichi k'aepẽra k'achia berã mãɨ ẽpẽramá enemeek'ari chi ẽpẽra sõne p'aneene eda wãpatama. Mãɨpuru chi ẽpẽra ichi naa bada k'aepẽra atepe piawẽa beeparima. Ara mãɨ jĩra mɨne ĩjãawẽa p'anɨ k'orea mãra, chi idiapaepemarã k'achia berã ome, mãɨ atepe k'achiade p'aneenaipɨ».

Gálata 3:2

Mɨa nãɨ mãrá idiruma: Tachi Ak'õre Jaore jitasidaɨde, ¿mãrapa Moisepa bɨda oo p'anasidak'ãra? Wa ¿chi pedea Jesú k'orea ũrinak'ari ĩjãasidak'ãra?

2 Timoteo 2:25

Ichia pedea piadepa Tachi Ak'õre pedea k'awapi bɨma, chi ichia jaratea bɨ k'ɨ̃rianak'apɨ́ ẽpẽrarã́, mãɨ Tachi Ak'õrepa ãchi k'ariparupara. Mãɨya ichimá jĩitea chedak'ari chi piarã pedeat'a k'awadaipɨ.

1 Juan 5:16

Mãranepema abaɨpa pɨ ũpẽapa nemietá tachi piupik'apɨ́ ooru unuipɨra, ɨt'aa chiidii bɨma. Mãɨya Tachi Ak'õrepa mãɨ k'ɨ̃risia atuak'ari, chok'ae bapiipɨ. Maamina ichiaba tachi piupiparí nemietá paraapɨ. Mɨa ɨt'aa chiidipade a jara bɨwẽma, chi mãɨ nemietá oopataɨrã k'orea.

Hebreo 2:4

Mãɨ awara Tachi Ak'õrepa ẽpẽerãpa ne p'ue oodak'apɨ́ minachia wawaria oopisima. Ichia k'ɨ̃ria bada jĩra ichi Jaorepa oopi bɨt'a ichidirãcha teasima. Jõma mãɨnepa mãɨ pedea piarãt'a k'awapisima.

1 Timoteo 4:14

Tachi Ak'õrepa pɨá oopi bɨ teada k'ɨ̃risia atuarãse. Ũpẽarã ak'ɨpataɨrãpa ãchi jua pɨ ɨ̃rɨ bɨsidaɨde Tachi Ak'õrenepa jarasidama ichia mãɨ tearut'a.

Hecho 11:17

Tachi Chipari Jesucristode ĩjãa p'anɨ pẽra Tachi Ak'õrepa tachiá ichi Jaore teasima. Ichi Jaore ãchiá pida teada pẽra ¿mɨa sãmaasã́ ichia ooda k'orea k'achia pedeaima?

Ep'esio 4:7

Maamina Cristopa ne oopiparí tea k'ɨ̃ria bada jĩra ichi sõpiadepa tachicha ichi pae ne oodamẽrá nepia awara awará teasima.

Ep'esio 3:7

Tachi Ak'õrepa ichi sõpiadepa mɨ chi ichi pae mimiaparí bɨsima mãɨ pedea pia Cristo k'orea jarateamẽrá. Ichi jua chaareadepa mãɨya oosima.

Hecho 10:45

Mãɨne pedea awara pedea tuaneesidama mãɨnepa Tachi Ak'õrea pia pedea tuaneesidama. Judiorã Jesude ĩjãapataɨrã Pedro ome chedaadapa mãɨ ũrisidaɨde k'awa k'ɨ̃risiadaé pasima Tachi Ak'õrepa ichi Jaore judiorãwẽa teada pẽra.

Hecho 8:20

Maamina Pedropa jarasima: —¿Mãɨyara pɨa k'ɨ̃risia bɨk'ãra Tachi Ak'õrepa pari tea bɨt'a mãɨ netopatat'a? ¡Pɨchi erreara ome t'ɨpɨ urua nɨbɨdea wãse!

Juan 6:32

Mãɨne Jesupa p'anoosima: —Mɨa piarã jararuma, mãɨ ɨt'aripema p'ana Moisepa mãrá teaé pasima. Mɨ Ak'õrepuru teasima. Mãɨ awara ɨt'aripema p'ana piarã mãrã́ tea bɨma.

Gálata 3:5

Tachi Ak'õrepa ichi Jaore mãrá teasi awara, ẽpẽerãpa ne p'ue oodak'apɨ́ mãra t'ãena oo bɨma. ¿Chi Moisepa bɨda oo p'anana k'orea mãɨya oo bɨk'ãra? ¿Mãɨya oowẽk'ãra chi pedea pia Cristo k'orea ũrinak'ari ĩjãasida pẽra?

Hecho 15:8

Tachi Ak'õrepa ẽpẽerã ãarea sõ k'awa bɨma. Mãɨ judiorãwẽpa ĩjãasidaɨde Tachi Ak'õrepa k'awapisima ãchi pia jitasit'a. Ichi Jaore ãchiá teasima, tachiá naena teada jĩra.

Juan 4:10

Jesupa p'anoosima: —Tachi Ak'õrepa teai bɨt'a pɨa k'awarupara mãɨnepa k'aipa jãɨ pania idi bɨt'a k'awarupara, pɨa mɨá pania idii pasima. Maapae mɨa chi chok'ae bapiparí pania teai pasima.

2 Timoteo 4:14

Alejandro chi jiorro ne ooparipa mɨ piawẽa ooda k'orea Tachi Chiparipa ɨtɨaipɨ.

Romano 1:11

Piarã mɨa mãra unu k'ɨ̃ria bɨma Tachi Ak'õre Jaoredepa k'aripai k'orea. Mãɨya mãra chaarea p'ananaipɨ.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.

Ep'esio 1:18

Mãɨnepa ɨt'aa chiidiparima Tachi Ak'õrepa mãrá k'ɨ̃risia teamẽrá. Mãɨya mãrapa k'awadaipɨ k'ãre ichidepa jitadai k'orea nɨ p'anɨt'a, mãɨ jitadamẽrá t'ɨ̃na pẽra. Mãɨne mãrapa k'awadaipɨ ichi ẽpẽrarãpa minachia pia bɨ jitadait'a.