Hebreo 6:2 - Tachi Ak'õre Pedea

² porochoadai k'orea, ũpẽarã ɨ̃rɨ jua bɨdai k'orea, piudaadarã chok'ae p'irabaridai k'orea, mãɨnepa chi Tachi Ak'õrepa ĩjãanak'apɨɨrã ɨtɨarude ewaricha mãɨrã minachia mĩanai k'orea.

Hebreo 6:2 Referans Kwoze

Hecho 6:6

Mãɨrã chi Jesupa peedaɨrãmá ateesidama. Maapae Tachi Ak'õrea ɨt'aa chiidiutade ãchi jua abaɨ ɨ̃rɨ bɨsidama.

Hecho 24:25

Mãɨya bɨde Pablopa chi tachi jĩp'a nipai k'orea, k'ak'ua jĩp'a uru bai k'orea mãɨnepa Tachi Ak'õrepa ɨtɨai ewari chei k'orea pedeasima. P'elipa mãɨ k'orea ũriside ne wap'eak'ari nãɨya jarasima: «Naapae wãse. Mɨ pari bɨde mãicha pɨ t'ɨ̃ipɨ».

Hecho 23:6

Mãɨya bɨde Pablopa k'awasima chi eda waapẽarã saduceorãpema pasima mãɨnepa chi waapẽarã p'ariseorãpema pasima. Mãɨpuru ãchiá ɨbɨa jarasima: —Ũpẽarã, mɨ p'ariseopɨ. Mɨ chõarãenapemarã sida p'ariseorã pasima. Mãɨpuru ĩjãa bɨma chi piudaadarã chok'ae p'irabaridait'a. Mãɨ k'orea mɨ ɨtɨa k'ɨ̃ria p'anɨma.

Hecho 17:18

Chi eda waapẽarã ẽpẽerã epicureorã k'ɨ̃risia ĩjãa berã mãɨnepa estoico k'ɨ̃risia ĩjãa berã mãma p'anasidama. Mãɨ ẽpẽerã Pablo ome pedea p'anɨne chi eda waapẽarãpa ara ãchi tuaba idi tuanasidama: «¿K'ãret'a jara bɨma nãɨ chi minachia pedeaparipa?» Awaraɨrãpa p'anoosidama: «Taimá, tua awaraɨdepema Tachi Ak'õre k'orea jaratea bɨma». Mãɨya jarasidama Pablopa chi pedea pia Jesú k'orea mãɨnepa tachi chok'ae p'irabaridai k'orea jaratea bada pẽra.

Hecho 16:33

Ara mãɨ teamasi chi jɨ̃a nɨbɨpataɨ te ot'eaparipa ãchi k'ak'ua k'õnana sɨɨsima. Mãɨya nak'ari ichi mãɨnepa ichi tedepemarã porochoasidama.

Hecho 16:15

Lidia mãɨnepa ãarea chi ichi tedepemarã porochoasidaɨde taiyá chichupuria idisima ichi tede p'aneenamẽrá. Nãɨya jarasima: —Mãramá mɨa piarã Tachi Chiparide ĩjãasira mɨ tede p'aneene chet'ɨ. Mãɨya tai ichi tede p'aneepisima.

Hecho 10:47

Mãɨne Pedropa jarasima: —Nãɨ ẽpẽerãpa Tachi Ak'õre Jaore jitasidama taipa jitadada jĩra. ¿K'aipa paniapa porochoarãapade adaima?

Hecho 2:41

Minachia ẽpẽerãpa ichi pedea ĩjãanak'ari porochoasidama. Mãɨ ewaride chi Jesude ĩjãanana tres mil p'anasidama.

Hecho 2:38

Mãɨne Pedropa p'anoosima: —Machi nemietá oo p'anana itu bɨdak'ari Tachi Ak'õremá chet'ɨ. Jesucristo t'ɨ̃nepa porochoat'ɨ. Mãɨne mãrapa nemietá oo p'anana Tachi Ak'õrepa k'ɨ̃risia atuak'ari ichi Jaore mãrá teaipɨ.

Juan 1:33

Mɨa ichi atua basima. Maamina mɨa panianepa porochoamẽrá Tachi Ak'õrepa peeside nãɨya jarasima: “Pɨa unuipɨ mɨ Jaore ẽpẽra ɨ̃rɨ chek'ari ichi ome beeit'a. Unurune pɨa k'awaipɨ mãɨpa ichi Jaoredepa porochoaipɨ”.

Marco 16:16

Mãɨ pedea ĩjãasidara mãɨnepa porochoasidara Tachi Ak'õrepa mãɨ k'aripaipɨ. Maamina chi mãɨ pedea ĩjãawẽ bɨt'a ichia mãɨ ɨtɨaipɨ.

Mateo 28:19

Mãɨ k'orea ãarea p'uuru becha wãnak'ari jarateat'ɨ mɨ ome p'ɨrrɨadamẽrá. Ãchi chi Ak'õre t'ɨ̃nepa, chi Warra t'ɨ̃nepa, Tachi Ak'õre Jaore t'ɨ̃nepa porochoat'ɨ.

2 Pedro 3:7

Ara mãɨ jĩra Tachi Ak'õre pedeapa nãɨ ĩjũa mãɨnepa pajã ak'ɨ bɨma mãɨnepa ichia ɨtɨai ewaride t'ɨpɨ taude paaipɨ. Mãɨ ewaride chi ichi k'ɨ̃rianak'aɨrã nepɨra ak'ɨk'ari ãarea ɨtɨaipɨ.

Hebreo 11:35

Chi eda waapẽarã wẽerãpa Tachi Ak'õrene ĩjãa p'anana pẽra chi ẽpẽrarã ãchidirã piudada pada chok'ae p'irabaripidada unusidama. Maamina waapẽarã Tachi Ak'õrene ĩjãa p'anɨ k'orea ẽpẽerãpa minachia jok'aedak'ari peasidama. Eda serra p'anasidama, minachia mĩapidai k'orea. Mãma ãchi k'ẽet'aadayade asidama chi Tachi Ak'õrene waa ĩjãanaiwẽa p'anɨane adaipara. Maamina itu peapisidama, chok'ae p'irabaridak'ari piipará p'ananait'a nɨ p'anana pẽra.

Hebreo 9:10

Moisepa bɨdapa abapuru k'awapisima chi tachi k'ak'ua ɨ̃rɨpema k'orea jarateapataɨ: k'ãre k'odai p'anɨt'a, k'ãre todai p'anɨt'a, mãɨnepa Tachi Ak'õrepa sɨɨpi bɨ sãmaasã́ sɨɨdai p'anɨt'a. Mãɨ ãarea nãɨ k'ak'uade oopachidama aba Tachi Ak'õrepa ãarea k'ĩra chiwidi oorudea.

2 Timoteo 2:18

Ãchi chi piarã pedeadepema ãyá wãsidama. Ãchia jarateapatama ẽpẽrarã piudada ya chok'ae p'irabarik'oasidat'a. Mãɨ k'orea waapẽarãpa Cristode ĩjãa p'anɨ k'orea k'ɨ̃risia ãyá k'ɨ̃risia p'aneesidama.

Colosense 2:12

Tachi Ak'õrepa ichi jua chaareadepa Cristo chok'ae p'irabaripisima. Mãrapa Tachi Ak'õre mãɨya jua chaarea bɨ ĩjãanana pẽra porochoasidaɨde unupisidama Cristo ome t'ɨbarisidaɨt'a mãɨnepa Tachi Ak'õrepa mãra ichi ome chok'ae p'irabaripisidaɨt'a.

P'ilipense 3:21

Ichi cherude tachi k'ak'ua piui bɨ k'ĩra awara ook'ari, mãɨne ichi k'ak'ua jĩra minachia pia beeipɨ. Ichi jua chaareadepa mãɨya ooipɨ. Mãɨ jua chaareadepa ichia nejõma p'ueipɨ.

1 Corintio 12:13

Chi eda tachidiidepemarã tachi judiorãpɨ, chi eda tachidiidepemarã judiorãwẽpɨ, chi eda tachidiidepemarã chi chipari pae pari mimiapataɨrãpɨ, chi eda tachidiidepemarã chi chipari pae pari mimiapataɨrãwẽpɨ. Maamina chi ara Tachi Ak'õre Jaore aba bɨpa tachi jõmãɨrã k'ak'ua aba bɨde bɨsima. Jõma tachia chi Jaore abarik'a bɨ jitasidama.

1 Corintio 10:2

Mãɨ p'usade mãɨnepa jɨ̃ara ek'ari jõma ãchi Moisé ome ará p'anasida pẽra Moisé t'ɨ̃nepa porochoadada jĩra p'anasidama.

Romano 2:16

Jõmãɨrãpa ãchi sõne mẽra uru p'anɨt'a Tachi Ak'õrepa nepɨra ak'ɨi ewaride Jesucristodepa mãɨ ak'ɨipɨ. Mɨa chi pedea pia jaratea bɨ jĩra ara mãɨya baipɨ.

Hecho 24:21

Abapuru p'ue jaradaipɨ mɨa nãɨya jĩk'ua jarasit'a: “Idi mãrapa mɨ nepɨra pará bɨade a p'anɨma chi piudaadarã chok'ae p'irabaridai mãɨne ĩjãa bɨ k'orea”.

Hecho 24:15

Chi nãɨrã judiorãpa nɨ p'anɨma chi jĩp'a be mãɨnepa chi jĩp'awẽa be piudak'ari Tachi Ak'õrepa chok'ae p'irabaripiit'a. Mɨa pida mãɨ nɨ bɨma.

Hecho 4:2

Mãɨne Pedropa Juan pida ẽpẽerã́ jaratea p'anasidama Jesú chok'ae p'irabarida jĩra ẽpẽerã sida chok'ae p'irabaridait'a. Mãɨpuru k'ĩruusidama.

Juan 5:29

mãɨne ãareaɨrã chok'ae p'irabaridaipɨ. Chi nepia oo p'anana chok'ae p'irabaridaipɨ mɨ ome ewaricha chok'ae beadai k'orea, maamina chi nemietá oopataɨrã chok'ae p'irabaridaipɨ mɨa mãɨrã ɨtɨamẽrá.

Luca 14:14

Mãɨyaipɨra piarã pɨ minachia pia baipɨ. Ãchia pɨá mi ãpia pida p'ue teadak'a pẽra, chi jĩp'a berã chok'ae p'irabariuta ewaride Tachi Ak'õrepa pɨá nepia teaipɨ.

Luca 12:50

Maamina mãɨ naena mɨ minachia mĩa bɨma. Mãɨpuru ãarea sõp'ua baparima mãɨ ewari parudea.

Luca 11:38

Maamina Jesú nek'oi naena jua sɨɨwẽa basima ãchia oopataɨ jĩra. Mãɨ unuside p'ariseopa k'awa k'ɨ̃risiaé pasima.

Luca 3:16

Maamina Juanpa ãareaɨrã́ jarasima: «Piarã mɨa mãra paniapa porochoa bɨma. Maamina mɨ k'aepẽra chi atepe bɨ cheipɨ. Ichia jĩrune jɨ̃ bɨ ẽrai k'orea mɨ mãɨ pae pia bɨwẽma. Ichiapuru Tachi Ak'õre Jaoredepa porochoaipɨ. Maamina ĩjãanaepɨra ɨtɨaipɨ.

Marco 7:8

Mãɨya chi Tachi Ak'õrepa oopi bɨ pedea mãrapa itu bɨpatama, chõarãenapemarãpa jarateadadat'u ĩjãanai k'orea.

Marco 7:4

Mãɨnepa ne netopataɨdepa chedak'ari p'ue jua sɨɨdawẽa nek'odak'ama. Mãɨ awara chõarãenapemarãpa jarateadada jĩra ne minachia oopatama: ãchi pasu, chok'o mãɨnepa p'arat'u cobre ooda, sɨɨpatama).

Mateo 3:14

Maamina Juanpa porochoaemaapa jarasima: —Pɨapuru mɨ porochoai pia bɨma. ¿K'ãre k'orea pɨ mɨmá cheruma?

2 Corintio 5:10

Piarã Cristopa jõma tachia oodada ak'ɨipɨ. Ichia tachicha teaipɨ tachia nãɨ k'ak'uade oo bada jĩra. Pia oo badapɨra, ara mãɨ jĩra teaipɨ. Piawẽa oo badapɨra, ara mãɨ jĩra teaipɨ.

Hecho 13:3

Ãchia Tachi Ak'õrene k'ɨ̃risiadayá nek'odak'apɨ́ ewaride oodak'ari, Tachi Ak'õrea ɨt'aa chiidiutade ãchi jua Bernabé mãɨnepa Saulo ɨ̃rɨ bɨsidama. Maapae ãchi peesidama Tachi Chiparipa oopi bɨ ode wãnamẽrá.