Hebreo 6:11 - Tachi Ak'õre Pedea

¹¹ Taipa k'ɨ̃ria p'anɨma machicha mãɨya oo p'ananait'a aba piuutadea. Ara mãɨya mãrapa chi Tachi Ak'õrenepema jitadayá nɨ p'anɨ ãarea jitadaipɨ.

Hebreo 6:11 Referans Kwoze

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

2 Pedro 1:10

Ũpẽarã, Tachi Ak'õrepa mãra t'ɨ̃k'ari jɨrɨ atasima. Piarã mãɨya be unupidai k'orea chok'ea p'anat'ɨ. Mãɨya oodaipɨra baedaiwẽma.

Hebreo 3:14

Tachia naa ĩjãanaananepa aba piuutadea Cristode ĩjãa p'ananaipɨra, ichi ome p'ananaipɨ.

Hebreo 10:22

Cristopa tachi k'ɨ̃risia nemietá bada jĩp'a bɨsima tachi sõ ichi oapa ne jĩp'oru jĩra. Tachi Ak'õre k'ĩrari pia bɨsima tachi k'ak'ua pania p'ap'ãrá bɨpa sɨɨda jĩra. Mãɨpuru k'ɨ̃risia aba p'anɨnepa mãɨnepa piarã ĩjãa p'anɨnepa Tachi Ak'õre k'ait'a wãnai p'anɨma.

Apocalipsi 2:26

Chi nemietá p'uedaadarãpa mãɨnepa chi ewaricha mɨa k'ɨ̃ria bɨ oodaadarãpa mɨa mãɨrã bɨk'oaipɨ ãchi p'uurucha chiparirã padamẽrá, mɨ Ak'õrepa mɨ jõmãɨrã chipari bɨda jĩra. Maapae ãchia sõ chupuriadawẽa ãareaɨrã́ jok'ae oopidaipɨ, mãɨya oodamẽrá. Chok'o ãriuta jĩra jõmãɨrã p'uedaipɨ.

1 Juan 3:14

Tachia ũpẽarã k'ɨ̃ria p'anɨ pẽra k'awa p'anɨma tachi piu p'anana chok'ae p'aneesidat'a. Chi ichi ũpẽa k'ɨ̃riawẽa bɨ wapida piu bɨma.

2 Pedro 3:14

Ũpẽarã, mãrapa jõma mãɨ nɨ p'anɨ pẽra ne ãareaɨne k'ĩra jĩp'a nipat'ɨ Tachi Ak'õrepa mãra pia, ne k'achiawẽa, ichi ome ne k'ɨ̃risiawẽa p'anɨ unumẽrá.

1 Pedro 1:21

Cristodepa mãrapa Tachi Ak'õrene ĩjãa p'anɨma. Tachi Ak'õrepa ichi piu bada chok'ae p'irabaripik'ari atepe bɨsima. Mãɨpuru mãrapa Tachi Ak'õrene piarã ĩjãa p'anɨma mãɨnepa nɨ p'anɨma Ichia jarada ãarea oomẽrá.

2 Tesalonicense 3:13

Maamina ũpẽarã, pia oo p'anɨnepa sẽrãt'ɨ.

Romano 15:13

Nejõma pia tachia nɨ p'anɨt'a Tachi Ak'õrepa teaipɨ. Mãrapa ichide ĩjãa p'anɨ pẽra mɨa k'ɨ̃ria bɨma ichia mãra minachia arapaapiit'a mãɨnepa ne k'ɨ̃risiawẽa p'anapiit'a. Mãɨya Tachi Ak'õre Jaore jua chaareadepa mãrapa pia k'awadaipɨ nejõma pia tachia nɨ p'anɨt'a piarã atadaipɨ.

1 Tesalonicense 4:10

Mãrapa jõma ũpẽarã Macedonia ĩjũanepema mãɨya k'ɨ̃ria p'anɨma. Maamina ũpẽarã, taipa mãrá chichupuria idi p'anɨma atepe chi k'ɨ̃ria p'ananamẽrá.

1 Tesalonicense 1:5

Taipa chi pedea pia Cristo k'orea mãrá jarateasidaɨde taipa pedeadeepuru pedeadaé pasima. Mãɨpari mãɨ pedea piarã arí k'awa p'anɨ pẽra Tachi Ak'õre Jaore jua chaareadepa pedeasidama. Mãrapa k'awa p'anɨma tai sãmaasã́ mãra paara p'anapachit'a, mãra pia p'ananamẽrá.

Colosense 1:5

Mãra mãɨya p'anɨma, k'awa p'anɨ pẽra Tachi Ak'õrepa mãra pae nepia pajãne yaa uru bɨt'a. Mãɨ mãrapa naena ũrisidama chi piarãpẽa pedea Jesucristo k'orea mãramá cheside. Mãɨ pedea pia

P'ilipense 3:15

Jõma tachi Cristo minachia k'awa berãpa mãɨ jĩra k'ɨ̃risiadai p'anɨma. Mãrapa k'ĩra awara k'ɨ̃risia p'anɨpɨra, Tachi Ak'õrepa sãmaasã́ k'ɨ̃risiadai p'anɨt'a k'awapiipɨ.

Gálata 6:9

Mãɨpuru sẽnawẽa nepia oo p'anat'ɨ. Sẽnawẽa p'anɨpɨra, Tachi Ak'õrepa bɨda ewaride tachia nepia atadaipɨ.

1 Corintio 15:58

Mãɨ k'orea ũpẽarã mɨa k'ɨ̃ria berã, minachia ĩjãa p'anat'ɨ. Tachi Chiparipa k'ɨ̃ria bɨ minachia oopariet'ɨ. Mãrapa k'awa p'anɨma chi Tachi Chipari pae oo p'anɨ, pari oo p'anɨwẽt'a.

1 Corintio 13:13

Nãɨ ũpea p'anɨ jõk'ama: nejõma pia ĩjãa bai, jõma pia pamẽrá nɨ bai mãɨnepa waapẽarã k'ɨ̃ria bai. Mãɨ ũpeadepema waapẽarã k'ɨ̃ria bai chi atepe piipará bɨma.

Mateo 24:13

Maamina chi k'aadepema ewari parudea mɨne wapida ĩjãa p'anɨ itu bɨdaepɨra, Tachi Ak'õrepa mãɨ k'aripaipɨ ichi ome chok'ae p'ananamẽrá.

1 Juan 3:19

Mãɨnepa k'awa p'anɨma tachi piarã Tachi Ak'õrenet'a. Mãɨnepa ara tachi sõne nemietá oo p'anɨane a k'ɨ̃risiadaipɨra, Tachi Ak'õre k'ĩrari p'ue ne k'ɨ̃risiawẽa p'ananaipɨ. Tachi Ak'õrepa tachi k'orea pia k'awa bɨma chi tachi sõne k'ɨ̃risia p'anɨ k'aepẽra. Ichia jõma k'awa bɨma.

Colosense 2:2

Mɨa k'ɨ̃ria bɨma jõmãɨrã sõpiapiit'a, k'ɨ̃ria p'anɨnepa ará pia p'ananai, mãɨnepa piarã k'ɨ̃risia k'awa uru p'anɨnepa pia p'ananai. Mãɨya Tachi Ak'õrepa naena k'awapiwẽa bada k'awadaipɨ. Mãɨ Cristopɨ.

Colosense 1:23

Mãɨpuru Cristo minachia ĩjãa p'anɨnepa ɨbɨa choa p'ananai p'anɨma. Chi pedea pia Cristo k'orea mãrapa ũrinana itu bɨdaiwẽa p'anɨma, mãɨpari Tachi Ak'õrepa ne teai jarada nɨ p'ananai p'anɨma. Mãɨ pedea pia jõma nãɨ ĩjũane jaratea p'anɨma. Ara mãɨ pedea mɨa pida jaratea bɨma.

Romano 12:8

Chi tearua teasima ũpẽarã k'aripa p'anɨnepa pia ĩjãanamẽrá. Mãɨya teasipɨra, ũpẽarã k'aripadai p'anɨma pia ĩjãanamẽrá. Chi eda waapẽarã́ teasima ne tea p'anɨnepa waapẽarã k'aripadamẽrá. Mãɨya teasipɨra, sõpiadepa teadai p'anɨma. Chi eda waapẽarã́ teasima chi ĩjãapataɨrã ak'ɨpataɨrã p'ananamẽrá. Mãɨya teasipɨra, jĩp'a oo p'ananai p'anɨma. Mãɨnepa chi eda waapẽarã́ teasima waapẽarã k'ĩra chupuriadamẽrá. Mãɨya teasipɨra, arapaadepa k'ĩra chupuriadai p'anɨma.

Gálata 5:5

Maamina tachia Cristode ĩjãa p'anɨ pẽra Tachi Ak'õre Jaoredepa piarã k'awa p'anɨma Tachi Ak'õrepa tachi chi jĩp'a berã paara bɨit'a.

Luca 1:1

Tachi Ak'õrepa tachi t'ãena ooda k'orea, ẽpẽerã chok'araɨrãpa k'art'ade bɨ k'ɨ̃ria p'anasidama.