Hebreo 5:8 - Tachi Ak'õre Pedea

⁸ Cristo Tachi Ak'õre Warramina ichi minachia mĩa bɨdepa ichi Ak'õre pedea sãmaasã́ ũriit'a k'awasima.

Hebreo 5:8 Referans Kwoze

P'ilipense 2:8

Mãɨya ook'ari, chupuri beesima. Tachi Ak'õrepa piui bɨade aside ara mãɨyasima. K'urusude minachia mĩak'ari piui bɨmina ara mãɨyasima.

Juan 4:34

Mãɨpuru Jesupa ãchiá jarasima: —Mɨmá, chi mɨ Peedapa oopi bɨ ãarea oo bɨt'a, mãɨt'u mɨ chik'o jĩra bɨma.

Juan 15:10

Mɨa oopi bɨ pedea oodaipɨra, piarã mɨa k'ɨ̃rianepa p'ananaipɨ. Ara mãɨ jĩra mɨ Ak'õrepa jara bɨeda oo bɨ pẽra ichia k'ɨ̃rianepa baparima.

Juan 6:38

Mɨ pajãnepa chewẽa bɨma mɨa k'ɨ̃ria bɨt'a ooi k'orea. Mãɨpari chesima mɨ Peedapa k'ɨ̃ria bɨt'u ooi k'orea.

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

Hebreo 1:8

Maamina ichi Warra k'oreapuru Tachi Ak'õrepa nãɨya jarasima: «Tachi Ak'õre, pɨ ewaricha ne ãareaɨrã chiparipɨ. Pɨ p'uuru jĩp'a bapiparima.

Hebreo 1:5

Chi ichia ɨt'aripa peeda abaɨa nãɨya jaraé pasima: «Pɨ mɨ Warrapɨ. Idi pɨ mɨ Warraade aruma». Mãɨnepa ãchi k'orea nãɨya jaraé pasima: «Mɨ ichi ak'õre paipɨ, mãɨnepa ichi mɨ warra paipɨ».

Mateo 3:15

Mãɨne Jesupa p'anoosima: —Nãɨena pɨa oopari jĩra oose. Tachia ãarea jĩp'a oodai p'anɨma Tachi Ak'õrepa oopi bɨ jĩra. Ara mãɨne Juanpa ĩjãasima.

Hebreo 1:2

Maamina nãɨ k'aadeapema ewaride ichi Warradepa tachiá pedeasima. Ichi Warradepa Tachi Ak'õrepa ne ãarea oosima mãɨnepa ichi bɨsima ne ãarea uru bamẽrá.

Juan 10:18

Mɨa mɨ itu itarpiepɨra mi ãpia pida mɨ p'ue peadaiwẽma, maamina mɨ piuipɨ ara mɨchia mãɨya k'ɨ̃ria bɨ pẽra. Mɨ piuk'ari ya mãicha chok'ae p'irabariipɨ. Mãɨ mɨ Ak'õrepa mɨá mãɨya oopisima».