Hebreo 5:3 - Tachi Ak'õre Pedea

³ Mãɨpuru ẽpẽrarãpa nemietá oodada k'orea ãnimara paatearude ichiaba ichia ooda k'orea pida ãnimara paateai bɨma.

Hebreo 5:3 Referans Kwoze

Hebreo 9:7

Maamina chi k'aadeapema k'ɨda jẽesade abapuru chi p'aare minachia k'awa bɨt'a ãyocha bari k'ak'o aba eda wãpachima. Eda wãrune ichia nemietá ooda k'orea mãɨnepa ẽpẽrarãpa paritua nemietá oodada k'orea ãnimara oa Tachi Ak'õre k'ĩrari jĩp'oi k'orea ateewãpachima.

Hebreo 7:27

Ichia ook'ama waapẽarã p'aare minachia k'awa p'anɨrãpa ewaricha oopata jĩra. Mãɨ p'aarerãpa ara ãchia nemietá oodada k'orea naa Tachi Ak'õrea ãnimara paateapatama. Maapaepuru waapẽarã ãnimara paateapatama ẽpẽrarãpa nemietá oodada k'orea. Maamina Jesupa ãnimara paatearu jĩra ara ichi itu peapisima ẽpẽrarãpa nemietá oopataɨ k'orea. Bari k'ak'o aba mãɨya oodapa nemietá ãarea sɨɨsima.

1 Corintio 15:3

Mɨa chi atepe piipará bɨt'u mãrá jarateasima, ara mɨa k'awada jĩra. Mãɨ nãɨpɨ: Cristo tachi nemietá k'orea piusima Tachi Ak'õre pedeade bɨ bɨ jĩra.

Hebreo 10:12

Maamina Jesucristopa ara ichi itu barimama peapisima, ewaricha nemietá ãyá bɨi k'orea. Maapae Tachi Ak'õre juaraari suak'abari beesima.