Hebreo 4:2 - Tachi Ak'õre Pedea

^2-3 Chi pedea pia Tachi Ak'õrepa ɨ̃apaapii k'orea tachia ũrisidama tachi chõarãenapemarãpa ũrinana jĩra. Tachia sõnepa ĩjãa p'anɨ pẽra Tachi Ak'õrepa ɨ̃apaapii bɨmá padaipɨ. Maamina tachi chõarãenapemarãpa ũrinak'ari ĩjãanaanawẽ pẽra mãɨ pedeapa ãchi p'ue k'aripaé pasima. Ãchi k'orea Tachi Ak'õrepa nãɨya jarasima: «K'ĩruu bɨde mɨa piarãnepa nãɨya jarasima: “Mɨa chi ãchi ɨ̃apaapii bɨmá p'ue eda wãnaiwẽma”». Mãɨya jarasima nãɨ ĩjũa oodaedadepa ichia ooi bada ãarea oo uru bɨmina.

Hebreo 4:2 Referans Kwoze

1 Tesalonicense 2:13

Taipa ewaricha mãra k'orea Tachi Ak'õrea sõpia p'anɨane apatama. Taipa Tachi Ak'õre pedea jarateadada mãrapa ũrisidaɨde, ẽpẽrarãpa k'ɨ̃risia p'anɨ jĩra ĩjãanaé pasima. Mãɨpari mãɨ pedea piarã Tachi Ak'õre pedeat'a k'awadada pẽra ĩjãasidama. Ara mãɨ pedeapa mãra chi Cristode ĩjãapataɨrã́ pia oopi bɨma.

Hebreo 11:6

Maamina chi Tachi Ak'õrene ĩjãak'apɨ́, Tachi Ak'õrepa mãɨ pia unuk'ama. Chi Tachi Ak'õremá che k'ɨ̃ria bɨpa ĩjãai bɨma Tachi Ak'õre piarã bɨt'a mãɨnepa ãarea chi ichi jɨrɨutat'a k'aripaparit'a.

Hebreo 3:12

Ũpẽarã, jĩrak'aua p'anat'ɨ. Sõ chaareapa Tachi Ak'õrene ĩjãanawẽa p'anarãt'ɨ. Chi mãɨya bɨpa Tachi Ak'õre chok'ae bɨt'a itu bɨparima.

1 Timoteo 4:8

Piarã tachi k'ak'ua chaareapidayá oo p'ananaipɨra, ara tachi k'ak'ua puru k'aripadaipɨ. Maamina Tachi Ak'õrepa oo k'ɨ̃ria bɨ oodaipɨra, mãɨpa tachi ne ãareaɨne k'aripaipɨ. Idiapae mãɨnepa k'aadeapema ewaride k'aripaipɨ.

Romano 2:25

Mãrapa Moisepa bɨda oosidara, mãra k'ak'ua tauchaada pia bɨma ẽpẽrarã Tachi Ak'õrenepemarã pẽra. Maamina mãɨ Moisepa bɨ bɨ jĩra oodaepɨra, mãra Tachi Ak'õre k'ĩrari k'ak'ua tauchaawẽa be jĩra p'anɨma.

Hecho 13:46

Mãɨne Pablo mãɨnepa Bernabepa ne wap'eawẽa ãchiá jarasidama: —Piarã taipa mãrá Tachi Ak'õre pedea naa jaradai p'anasidama. Maamina mãrapa mãɨ itu bɨ p'anɨ pẽra mãɨnepa mãramá ewaricha Tachi Ak'õre ome chok'ae bai piawẽa pẽra, taipa judiorãwẽmá mãɨ jarade wãnaipɨ.

Santiago 1:21

Mãɨpuru nejõma nemietá mãɨnepa nejõma jĩp'awẽa bɨ itu bɨt'ɨ. Maapae Tachi Ak'õrepa ichi pedea mãra sõne bɨda k'ɨ̃risia piadepa ĩjãat'ɨ. Ara mãɨ pedeapa mãra Tachi Ak'õrepa ɨtɨai pada p'ue k'aripaipɨ.

Hebreo 4:6

Chi pedea pia Tachi Ak'õrepa ɨ̃apaapii k'orea naa ũrinaanapa ĩjãanaé pasima. Mãɨpuru ichia ɨ̃apaapii badamá p'ue padaé pasima. Maamina waapẽarã ẽpẽrarã wapida Tachi Ak'õrepa ɨ̃apaapii bɨmá p'ue wãnaipɨ.

1 Corintio 13:3

Nejõma mɨa uru bɨ chi nenea k'edea teaipɨra mãɨnepa Tachi Ak'õre k'orea ara mɨ k'ak'ua t'ɨpɨde paateapiipɨra, maamina waapẽarã k'ɨ̃riawẽa bɨpɨra, mãɨyara mɨ piawẽa bɨma.

1 Pedro 1:12

Maamina Tachi Ak'õrepa k'awapida ãchia pedeadada ãchi paewẽ pasima, mãɨpari mãra paepuru pasima. Ãchia pedeadada naapae chi pedea pia Cristo k'orea jarateapataɨrãpa tachiá pia k'awapi p'anɨma, Tachi Ak'õre Jaore pajãnepa peedadepa. Makɨɨ Tachi Ak'õrepa ɨt'aripa peedarã pida k'awa k'ɨ̃ria p'anɨma.

1 Tesalonicense 1:5

Taipa chi pedea pia Cristo k'orea mãrá jarateasidaɨde taipa pedeadeepuru pedeadaé pasima. Mãɨpari mãɨ pedea piarã arí k'awa p'anɨ pẽra Tachi Ak'õre Jaore jua chaareadepa pedeasidama. Mãrapa k'awa p'anɨma tai sãmaasã́ mãra paara p'anapachit'a, mãra pia p'ananamẽrá.

Gálata 3:8

Chõarãena Tachi Ak'õre pedeade bɨ bɨma judiorãwẽpa Tachi Ak'õrene ĩjãasidara ichia ãchi ichidí jĩp'a berã paara bɨi pasit'a. Mãɨ k'orea chõarãena Tachi Ak'õrepa Abrahaná chi pedea pia pedeasima. Ichia nãɨya jarasima: «Pɨdepa mɨa nãɨ ĩjũane be p'uuru jõma k'aripaipɨ».

Gálata 4:13

K'awa p'anɨma mɨa mãramá pedea pia Cristo k'orea naa jarade wãside, mɨ k'ɨdade bada pẽra mãramá jaratea beesit'a.

Hecho 3:26

Tachi Ak'õrepa chi ichi pae pari mimiaparí Jesú chok'ae p'irabarik'ari naa mãramá peesima k'aripamẽrá. Machicha k'aripa bɨma mãrapa nemietá oopataɨ itu bɨdamẽrá».

Romano 3:3

Maamina chi eda ãchidiidepemarãpa chi ãchia oodai p'anɨ jĩra oodaé pasima. ¿Mãɨ k'orea Tachi Ak'õrepa ooi jarada ooiwẽk'ãra?

Gálata 3:2

Mɨa nãɨ mãrá idiruma: Tachi Ak'õre Jaore jitasidaɨde, ¿mãrapa Moisepa bɨda oo p'anasidak'ãra? Wa ¿chi pedea Jesú k'orea ũrinak'ari ĩjãasidak'ãra?