Hebreo 4:12 - Tachi Ak'õre Pedea

¹² Piarã Tachi Ak'õre pedea chok'ae bɨma mãɨnepa jua chaarea bɨma. Ichi pedea k'ĩruuparí nek'o k'ida ume era bɨ k'aepẽra p'eedea bɨma. Ichi pedeapa tachi k'ɨ̃risia mãɨnepa tachi sõpa oo k'ɨ̃ria bɨt'a ãarea pia k'awapiparima tachi k'ɨ̃risia, tachi jaore, tachi sõ sida eda k'õru jĩra.

Hebreo 4:12 Referans Kwoze

Ep'esio 6:17

Mãɨnepa sõnepa minachia k'awat'ɨ Tachi Ak'õrepa mãra piarã k'aripasit'a, papaká bɨpa ichi poro ɨ̃rɨ ne chaarea jɨ̃pari jĩra. Mãɨ awara Tachi Ak'õre pedea ichi Jaoredepa minachia k'awat'ɨ. Tachi Ak'õre pedea k'ĩruuparí nek'o jĩra bɨma, nemietá p'uepari pẽra.

1 Pedro 1:23

Nãɨ k'ak'ua piui bɨdepa mãra mãicha chiwidi t'õnaé pasima, mãɨpari Tachi Ak'õre piuk'apɨɨdepa mãicha chiwidi t'õsidama. Tachi Ak'õre pedea jõk'apɨɨpa, chok'ae babiparima. Mãɨ pedeadepa mãra chiwidi t'õsidama.

Apocalipsi 1:16

Ichi juaraari k'ãk'ãi siete uru basima. Ichi ok'arradepa k'ĩruuparí nek'o k'ida k'ĩrachu era bɨt'a ochia basima. Ichi k'ĩra ɨmata achiterrea bɨ jĩra basima.

1 Tesalonicense 2:13

Taipa ewaricha mãra k'orea Tachi Ak'õrea sõpia p'anɨane apatama. Taipa Tachi Ak'õre pedea jarateadada mãrapa ũrisidaɨde, ẽpẽrarãpa k'ɨ̃risia p'anɨ jĩra ĩjãanaé pasima. Mãɨpari mãɨ pedea piarã Tachi Ak'õre pedeat'a k'awadada pẽra ĩjãasidama. Ara mãɨ pedeapa mãra chi Cristode ĩjãapataɨrã́ pia oopi bɨma.

Romano 1:16

Mɨ p'erak'ama chi pedea pia Jesú k'orea jarateai k'orea, chi mãɨ pedea ĩjãauta Tachi Ak'õrepa ichi jua chaareadepa jõma k'aripapari pẽra; naa judiorã mãɨnepa judiorãwẽ sida.

Apocalipsi 19:15

Ichi it'aedepa k'ĩruuparí nek'o p'eedea bɨt'a ochiasima, mãɨnepa tuacha p'uei k'orea. Sõ chupuriadawẽa ãareaɨrã́ jok'ae oopiipɨ. Uva pertɨaru jĩra ãchi ɨtɨaipɨ, ichia Tachi Ak'õre chi Ne Ãarea P'ue Bɨpa k'ĩruu bɨdepa mãɨya ɨtɨai bɨ pẽra.

Ep'esio 5:13

Maamina ne ãarea ɨnaane bɨutade sãmaasã́ bɨ unupipatama,

Luca 8:11

Mɨa nepɨrɨda nãɨya jara k'ɨ̃ria bɨma: chi net'a tau Tachi Ak'õre pedeapɨ.

Juan 6:51

Mɨ chi p'ana chok'ae bapiparí p'anapɨ, chi mãɨ p'ana ɨt'aripa chedapɨ. Parituapa mãɨ p'ana k'oipɨra ewaricha chok'ae baipɨ. Chi mɨa tea bɨ p'ana mɨ k'ak'uapɨ. Mɨa mɨ k'ak'ua teaipɨ, mãɨpa ẽpẽerã chok'ae p'ananamẽrá.

Apocalipsi 19:21

Chi k'ĩruuparí nek'o ichi it'aedepa ochia bɨpa waapẽarã ãarea k'enasima. Maapae jõma chi ne mik'ia k'opataɨ ɨt'ɨ wãamaripataɨrã mãɨ k'iuru k'o p'anɨpa jãwaasidama.

Apocalipsi 2:16

Mãɨpuru mãicha Tachi Ak'õremá chet'ɨ. Mãɨya oodaepɨra, mɨa tãaraawẽa bɨde mãra ɨtɨade wãipɨ. Mãɨne k'ĩruuparí nek'o mɨ it'aedepa ochia bɨpa mãɨ ẽpẽerã paara k'ĩruuipɨ.

Hebreo 13:7

Chi mãra minachia k'awa p'anɨrã k'orea k'ɨ̃risiat'ɨ. Ãchia Tachi Ak'õre pedea mãrá jarateasidama. K'ɨ̃risiat'ɨ sãmaasã́ ãchi p'ɨrrɨa p'anana mãɨnepa mãɨ k'orea k'ãasãasit'a. Ãchia Cristode ĩjãa p'anana jĩra mãra pida ara ĩjãa p'anat'ɨ.

Hecho 4:31

Tachi Ak'õrea ɨt'aa chiidi p'ananak'ari chi ãchi ará posoa p'anana te ore nɨbeesima. Mãɨne ãareaɨrãpa Tachi Ak'õre Jaore jitadak'ari, Tachi Ak'õre pedea ne wap'eadawẽa pedea tuaneesidama.

Hecho 2:37

Mãɨ ũrisidaɨde ãareaɨrã minachia k'ɨ̃risia pará p'aneesidama. Mãɨpuru ãchia Pedroa mãɨnepa chi waapẽarã Jesupa peedaɨrã́ idisidama: —Ũpẽarã, ¿k'ãre oodai p'anɨma?

Apocalipsi 2:23

Ichi warrarã mɨa ãarea piupiipɨ. Mãɨya ũpẽarã ãareaɨrãpa k'awadaipɨ mɨa jõmãɨrã k'ɨ̃risia k'awa bɨt'a. Ichiaba k'awadaipɨ jõmãɨrãpa ãchi sõnepa oo k'ɨ̃ria p'anɨt'a, mɨa mãɨ k'awa bɨt'a. Ara machicha oodada jĩra mɨa ɨtɨaipɨ.

Apocalipsi 20:4

Maapae mɨa chi suak'a beeparí auk'ará p'anɨ chok'ará unusima. Chi mãɨ ɨ̃rɨ suak'abari berã Cristo ome Tachi Ak'õrepa bɨsima chi minachia k'awa p'anɨrãt'a, mãɨrãpa ẽpẽerã nepɨra ak'ɨdai k'orea. Mãɨnepa mɨa ẽpẽerã poro t'ɨat'udada jaore unusima. Mãɨya poro t'ɨat'usidama Jesupa jarateada ĩjãa p'anɨ k'orea mãɨnepa Tachi Ak'õre pedea jaratea p'anɨ k'orea. Ãchia chi ãnimara mietá bɨt'a mãɨnepa chi ichi jĩra bɨ juapa oodada sãdo k'ɨ̃rianaé pasima. Ichi tauchaada ãchi tau bɨɨrɨde mãɨnepa juade pida itu bɨpidaé pasima. Ãchi chok'ae p'irabaridak'ari mil ãyo Cristo ome poro jũra jɨ̃parí jɨ̃ p'anɨrã jĩra p'aneesidama.

1 Tesalonicense 5:23

Mɨa k'ɨ̃ria bɨma Tachi Ak'õrepa mãra ichi pae ãarea pia p'anapimẽrá. Ichia tachi ne k'ɨ̃risiawẽa p'anapiparima. Mɨa k'ɨ̃ria bɨma Tachi Ak'õrepa mãra jaore, mãra k'ɨ̃risia mãɨnepa mãra k'ak'ua ãarea pia ak'ɨmẽrá. Mãɨya Tachi Chipari Jesucristo cherude, waapẽarãpa mãra mi ãpia pida nemietaade p'anɨane a jaradawẽa p'ananaipɨ.

2 Corintio 4:2

Nejõma k'achia ẽpẽrarãpa mẽra oopataɨ mãɨnepa p'era oopataɨ taipa itu bɨsidama. Waapẽarã seadak'ama. Tachi Ak'õre pedea k'ĩra ãyá jarateadak'ama, mãɨpari chi piarã pedea pia jarateapatama. Mãɨya Tachi Ak'õre k'ĩrari taipa jõmãɨrã́ k'awapipatama jĩp'a oo p'anɨ.

Santiago 1:18

Ichia k'ɨ̃riana pẽra ichi piarã pedeadepa tachi chok'ae bɨsima. Mãɨya chi ne uu ĩjũanepema naapema chauda ichiá teada jĩra tachit'u jõma ichia oodadepema ichi pae pia p'anɨma.

2 Corintio 2:17

Taipa erreara atadai k'orea Tachi Ak'õre pedea jaratea nipadawẽma chok'araɨrãpa oopata jĩra. Mãɨpari Cristo ome p'anɨ pẽra Tachi Ak'õrepa tai peesima. Mãɨne ichi k'ĩrari k'ɨ̃risia piadepa jarateapatama.

1 Corintio 1:24

Maamina Tachi Ak'õrepa judiorã mãɨnepa judiorãwẽ t'ɨ̃sima Cristodepa k'aripai k'orea. Mãɨrãpa k'awa p'anɨma Tachi Ak'õrepa Cristodepa ichi jua chaarea mãɨnepa k'ɨ̃risiat'a unupisit'a.

Hecho 5:33

Mãɨ ũrisidaɨde chi chõarã minachia k'ĩruunak'ari, chi Jesupa peedaɨrã pea k'ɨ̃ria p'aneesidama.

Juan 12:48

Maamina chi mɨ itu bɨrupa, chi mɨ pedea ũri k'ɨ̃riawẽa bɨpa, mãɨ Tachi Ak'õrepuru ɨtɨaipɨ. K'aadeapema ewaride Tachi Ak'õrepa k'awapiipɨ mãɨ nepɨra pará bɨt'a, mɨa jarada pedea ĩjãawẽa bɨ pẽra.

Hecho 7:38

Mãɨnepa Moisé ĩjũa pania newẽa bɨde ãarea israel ĩjũanepemarã ome basima. Mãma Sinaí eyade Tachi Ak'õrepa ɨt'aripa peeda ome pedeasima. Mãɨ tachi sãmaasã́ pia p'ananai pedea ũrik'ari, tachi chõarãenapemarã́ mãɨ jarasima.

Ep'esio 5:26

Ichia mãɨya oosima tachi Tachi Ak'õre pae pia bɨi k'orea. Ichi pedeapa tachi nemietá sɨɨsima paniapa sɨɨda jĩra.

Hebreo 6:5

ichi pedea minachia pia bɨ ũri p'ananak'ari mãɨnepa chi k'aadeapema ĩjũa chei bɨdepema ichi jua chaareadepa oo bɨt'a ẽpẽerãpa ne p'ue oodak'apɨ́ unu p'ananak'ari,