Hebreo 3:6 - Tachi Ak'õre Pedea

⁶ Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

Hebreo 3:6 Referans Kwoze

2 Corintio 6:16

¿Juapa oodada sãdo Tachi Ak'õre te minachia bɨde bai bɨk'ãra? Piarã tachi chi Tachi Ak'õre minachia chok'ae bɨ tepɨ. Mãɨ k'orea Tachi Ak'õrepa ichi pedeade nãɨya jarasima: «Mɨ ãchi ome baipɨ. Ãchi t'ãena nipaipɨ. Mɨ Tachi Ak'õre ichidirã paipɨ mãɨnepa ãchi mɨ ẽpẽrarã p'uuru padaipɨ».

1 Corintio 3:16

¿Atua p'anɨk'ãra Tachi Ak'õre Jaore mãra sõne bɨ? ¿Atua p'anɨk'ãra mãra Tachi Ak'õre te?

1 Pedro 2:5

Mãra ichidepa chok'ae p'anɨ pẽra mawara te oopataɨ jĩra p'anɨma. Mãranepa Tachi Ak'õrepa ichi te ooruma. Mãɨnepa mãra p'aarerã ichi pae papi bɨma. Mãrapa Jesucristodepa Tachi Ak'õre pae ne oo p'anɨne, ichiá ãnimara paateauta jĩra oo p'anɨma. Mãɨya oo p'anɨt'a ichia pia unu bɨma.

Hebreo 10:35

Mãɨpuru mãrapa Tachi Ak'õrene ĩjãa p'anɨt'a itu bɨrãt'ɨ. Ĩjãa p'ananaipɨra, Tachi Ak'õrepa pajãne nepia minachia teaipɨ.

Hebreo 6:11

Taipa k'ɨ̃ria p'anɨma machicha mãɨya oo p'ananait'a aba piuutadea. Ara mãɨya mãrapa chi Tachi Ak'õrenepema jitadayá nɨ p'anɨ ãarea jitadaipɨ.

1 Corintio 6:19

¿Mãrapa atua p'anɨk'ãra mãra k'ak'ua Tachi Ak'õre Jaore tet'a? Tachi Ak'õrepa ichi Jaore mãrá teasima. Ichi mãra sõne bɨma. Mãra k'ak'ua ara mãranewẽma mãɨpari Tachi Ak'õrenepɨ.

Hebreo 10:23

Tachi Ak'õre pedea auda pẽra tachia nɨ p'anɨt'a mãɨnepa mãɨ k'orea ãareaɨrã́ jara p'anɨt'a mi ãpia pida k'ẽet'aadaiwẽa p'anɨma.

Hebreo 4:11

Mãɨpuru tachia pia jɨrɨdai p'anɨma Tachi Ak'õrepa ɨ̃apaapii bɨmá padai k'orea. Mãɨyara mi ãpia pida baedaiwẽma chõarãenapemarã ĩjãanawẽa p'anɨnepa baedada jĩra.

Hebreo 3:14

Tachia naa ĩjãanaananepa aba piuutadea Cristode ĩjãa p'ananaipɨra, ichi ome p'ananaipɨ.

Apocalipsi 3:11

Mɨ tãaraawẽa bɨde cheipɨ. Mãɨpuru choa p'anat'ɨ mɨne ĩjãa p'anɨnepa. Mãɨya abaɨ pida mãra porode jũra jɨ̃parí ẽemariiwẽma.

Hebreo 4:14

Tachi Ak'õre Warra Jesú, tachi P'aare minachia k'awa bɨ pajãnea wãsima. Ichide ĩjãa p'anɨane a p'anɨ pẽra, piarã ĩjãa p'ananai p'anɨma.

Hebreo 1:2

Maamina nãɨ k'aadeapema ewaride ichi Warradepa tachiá pedeasima. Ichi Warradepa Tachi Ak'õrepa ne ãarea oosima mãɨnepa ichi bɨsima ne ãarea uru bamẽrá.

Colosense 1:23

Mãɨpuru Cristo minachia ĩjãa p'anɨnepa ɨbɨa choa p'ananai p'anɨma. Chi pedea pia Cristo k'orea mãrapa ũrinana itu bɨdaiwẽa p'anɨma, mãɨpari Tachi Ak'õrepa ne teai jarada nɨ p'ananai p'anɨma. Mãɨ pedea pia jõma nãɨ ĩjũane jaratea p'anɨma. Ara mãɨ pedea mɨa pida jaratea bɨma.

Mateo 10:22

Ãareaɨrãpa mãra unuemaanaipɨ mɨne ĩjãa p'anɨ k'orea. Maamina mãrapa mãɨ ewari chaareade mɨne ĩjãa p'anɨ itu bɨdaepɨra, Tachi Ak'õrepa k'aripaipɨ.

1 Tesalonicense 5:16

Nejõmane arapá p'anat'ɨ.

Romano 15:13

Nejõma pia tachia nɨ p'anɨt'a Tachi Ak'õrepa teaipɨ. Mãrapa ichide ĩjãa p'anɨ pẽra mɨa k'ɨ̃ria bɨma ichia mãra minachia arapaapiit'a mãɨnepa ne k'ɨ̃risiawẽa p'anapiit'a. Mãɨya Tachi Ak'õre Jaore jua chaareadepa mãrapa pia k'awadaipɨ nejõma pia tachia nɨ p'anɨt'a piarã atadaipɨ.

Mateo 24:13

Maamina chi k'aadepema ewari parudea mɨne wapida ĩjãa p'anɨ itu bɨdaepɨra, Tachi Ak'õrepa mãɨ k'aripaipɨ ichi ome chok'ae p'ananamẽrá.

Apocalipsi 2:25

Mãɨyawẽapuru choa p'anat'ɨ mɨne ĩjãa p'anɨnepa aba mɨ cherudea.

Apocalipsi 2:18

»Ũpẽarã Tiatira p'uurudepema ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Tachi Ak'õre Warrapa, chi tau t'ɨpɨ urua bɨ jĩra bɨpa, mãɨnepa ichi jĩru bronce t'ɨpɨde torroapidak'ari achiterrea bɨ jĩra bɨpa nãɨya jara bɨma:

2 Tesalonicense 2:16

Tachi Ak'õrepa tachi k'ɨ̃riasima. Ichi sõpiadepa sõpiapisima ewaricha mãɨya p'ananamẽrá. Mãɨnepa k'awapisima piarã ichidepa nepia atadait'a. Taipa k'ɨ̃ria p'anɨma Tachi Chipari Jesucristopa mãɨnepa Tachi Pajãnepema Ak'õrepa mãra sõpiapidait'a mãɨnepa chaarea bɨdait'a. Mãɨya mãrapa pedea p'anɨ mãɨnepa oo p'anɨ ãarea pia baipɨ.

Romano 5:2

Mãɨ awara Jesucristode ĩjãa p'anɨ pẽra Tachi Ak'õrepa ichi sõpiadepa tachi ewaricha k'aripaparima. Mãɨnepa arapá p'anɨma k'awa p'anɨ pẽra Tachi Ak'õre pia bɨdepema jitadait'a.

1 Pedro 1:8

Mãrapa ununak'amina Jesucristo k'ɨ̃ria p'anɨma. Nãɨena ununawẽa p'anɨmina ichide ĩjãa p'anɨma. Ichi k'orea minachia arapá p'anɨma. Jãɨya arapá p'anɨ pẽra mãɨ arapá sãmaasã́ bɨ k'orea p'ue k'awa jaradawẽma.

Gálata 6:9

Mãɨpuru sẽnawẽa nepia oo p'anat'ɨ. Sẽnawẽa p'anɨpɨra, Tachi Ak'õrepa bɨda ewaride tachia nepia atadaipɨ.

Romano 11:22

Minachia k'ɨ̃risiat'ɨ sãmaasã́ Tachi Ak'õrepa ichi sõpiadepa k'aripapari mãɨnepa sãmaasã́ ɨtɨapari. Judiorãpa ĩjãanaé pasi pẽra Tachi Ak'õrepa ɨtɨak'ari ãchi itu bɨsima. Mãɨne mãra judiorãwẽ ichi sõpiadepa k'aripa bɨma mãɨnepa k'aripa baipɨ. Maamina mãɨnepa p'ananai p'anɨma. Mãrapa ĩjãa p'ananaiwẽpɨra, Tachi Ak'õrepa mãra sida ɨtɨak'ari itu bɨipɨ pak'uru jua t'ɨat'uk'oaru jĩra.

Mateo 16:18

Mɨa jararuma: pɨ Pedropɨ. Mɨa nãɨ mawara ɨ̃rɨ mɨ p'uuru ooipɨ. Mi ãpia pida mɨ p'uuru p'uedaiwẽma, tachi piuutade pida.

Romano 12:12

Tachi Ak'õrenepa nepia jitadai k'awa p'anɨ pẽra arapá p'anat'ɨ. Mĩa p'anɨne choat'ɨ. Ewaricha Tachi Ak'õrea ɨt'aa chiidit'ɨ.

Gálata 6:10

Mãɨ k'orea tachia p'ue ooutacha, jõmãɨrã minachia k'aripadai p'anɨma. Chi Jesude ĩjãapataɨrãt'a mãɨya atepe k'aripadai p'anɨma.

Ep'esio 3:12

Tachia ara mãɨ Jesucristode ĩjãa p'anɨ pẽra mãɨnepa ichi ome ará p'anɨ pẽra Tachi Ak'õrea ne wap'eawẽa ɨt'aa chiididai p'anɨma.

Hebreo 4:16

Mãɨpuru tachia p'uedawẽa p'anɨne, Tachi Ak'õre poro jũra jɨ̃parí jɨ̃ bɨ suak'a beeparimá wãuta jĩra, ne wap'eadawẽa ichiá ɨt'aa chiididai p'anɨma. Mãɨya ichia tachi k'ĩra chupuriaipɨ mãɨnepa ichia k'aripamẽrá ɨt'aa chiidiutade ichi sõpiadepa k'aripaipɨ.

Hebreo 6:18

Tachi Ak'õrepa sea jarak'a pẽra ichia teai jarada piarã teaipɨ mãɨnepa ichi t'ɨ̃nepa jarada k'ĩra awara ooiwẽma. Mãɨ ne ume p'anɨnepa, taipa Tachi Ak'õre jɨrɨpatama tai k'aripamẽrá mãɨnepa k'ɨ̃riamẽrá. Ichia jarada piarã ooit'a k'awa p'anɨẽra tachia p'ue p'erawẽa ĩjãa p'ananaipɨ. Mãɨpa chi Jesudepa jitadai k'orea nɨ p'anɨt'a itu bɨdaiwẽma.

Hebreo 7:19

mãɨnepa mi ãpia pida jĩp'a bɨé pasima. Mãɨ Moisepa bɨda k'aepẽra Tachi Ak'õrepa nepia teasima tachi k'aripai k'orea. Mãɨnepa Tachi Ak'õremá ará orrobariparima.

Hebreo 10:19

Mãɨpuru ũpẽarã, chi Tachi Ak'õre pae k'ɨda jẽesa chi atepe piipará bɨde eda wãuta jĩra Jesucristo oadepa Tachi Ak'õre k'ait'a ne wap'eawẽa wãnai p'anɨma.

Hebreo 10:21

Tachia P'aare minachia k'awa bɨt'a pajãne uru p'anɨma. Ichia Tachi Ak'õre ẽpẽrarã ãarea k'aripaparima.

Hebreo 11:1

Tachia Tachi Ak'õrene ĩjãa p'anɨ pẽra k'awa p'anɨma chi tachia ne nɨ p'anɨt'a piarã jitadaipɨ mãɨnepa chi tachia ne ununawẽa p'anɨt'a mãɨrã piarãpɨ.

1 Pedro 4:17

Naapae Tachi Ak'õrepa ichidirã ne nepɨra ak'ɨipɨ. Tachi Ak'õrepa tachi nepɨra naa ak'ɨipɨra, ¿chi pedea pia Tachi Ak'õre k'orea ĩjãanak'apɨɨrã sãmaasã́ p'ananaima?

Apocalipsi 2:26

Chi nemietá p'uedaadarãpa mãɨnepa chi ewaricha mɨa k'ɨ̃ria bɨ oodaadarãpa mɨa mãɨrã bɨk'oaipɨ ãchi p'uurucha chiparirã padamẽrá, mɨ Ak'õrepa mɨ jõmãɨrã chipari bɨda jĩra. Maapae ãchia sõ chupuriadawẽa ãareaɨrã́ jok'ae oopidaipɨ, mãɨya oodamẽrá. Chok'o ãriuta jĩra jõmãɨrã p'uedaipɨ.