Hebreo 3:18 - Tachi Ak'õre Pedea

¹⁸ ¿Tachi Ak'õrepa k'aiyá p'ue wãnaiwẽane asima, chi ichia ɨ̃apaapii bɨmá? ¿Chi ichi pedea ĩjãanak'apɨɨrã́ mãɨya jarasiwẽk'ãra?

Hebreo 3:18 Referans Kwoze

Hebreo 4:6

Chi pedea pia Tachi Ak'õrepa ɨ̃apaapii k'orea naa ũrinaanapa ĩjãanaé pasima. Mãɨpuru ichia ɨ̃apaapii badamá p'ue padaé pasima. Maamina waapẽarã ẽpẽrarã wapida Tachi Ak'õrepa ɨ̃apaapii bɨmá p'ue wãnaipɨ.

Hebreo 4:2

Chi pedea pia Tachi Ak'õrepa ɨ̃apaapii k'orea tachia ũrisidama tachi chõarãenapemarãpa ũrinana jĩra. Tachia sõnepa ĩjãa p'anɨ pẽra Tachi Ak'õrepa ɨ̃apaapii bɨmá padaipɨ. Maamina tachi chõarãenapemarãpa ũrinak'ari ĩjãanaanawẽ pẽra mãɨ pedeapa ãchi p'ue k'aripaé pasima. Ãchi k'orea Tachi Ak'õrepa nãɨya jarasima: «K'ĩruu bɨde mɨa piarãnepa nãɨya jarasima: “Mɨa chi ãchi ɨ̃apaapii bɨmá p'ue eda wãnaiwẽma”». Mãɨya jarasima nãɨ ĩjũa oodaedadepa ichia ooi bada ãarea oo uru bɨmina.

Hebreo 3:11

Mãɨnepa k'ĩruuk'ari piarãnepa nãɨya jarasima: “Mɨa chi ãchi ɨ̃apaapii bɨmá p'ue eda wãnaiwẽma”».

Juan 3:36

Chi ichi Warrade ĩjãa bɨ Tachi Ak'õre ome ewaricha chok'ae baipɨ, maamina chi ichi Warra itu bɨru, mãɨ Tachi Ak'õre ome ewaricha chok'ae baiwẽma. Ara nãɨena Tachi Ak'õrepa ichi ɨtɨa uru bɨma.

Romano 11:30

Mãra judiorãwẽpa naena Tachi Ak'õrene ĩjãanak'a pasima. Maamina judiorãpa ĩjãanawẽa p'anɨ pẽra naapae Tachi Ak'õrepa mãra k'ĩra chupuria bɨma.

Hebreo 4:11

Mãɨpuru tachia pia jɨrɨdai p'anɨma Tachi Ak'õrepa ɨ̃apaapii bɨmá padai k'orea. Mãɨyara mi ãpia pida baedaiwẽma chõarãenapemarã ĩjãanawẽa p'anɨnepa baedada jĩra.