Hebreo 3:12 - Tachi Ak'õre Pedea

¹² Ũpẽarã, jĩrak'aua p'anat'ɨ. Sõ chaareapa Tachi Ak'õrene ĩjãanawẽa p'anarãt'ɨ. Chi mãɨya bɨpa Tachi Ak'õre chok'ae bɨt'a itu bɨparima.

Hebreo 3:12 Referans Kwoze

Hebreo 12:25

Mãɨ k'orea jĩrak'aua p'anat'ɨ Tachi Ak'õrepa jara bɨt'a itu bɨdaemaapa. Chi ichia nãɨ ĩjũane Sinaí eyade jarada itu bɨdaadarã ɨtɨaside ãjã́ p'aneenaé pasima. Mãɨpuru ichia pajãnepa tachi sõne jara bɨt'a itu bɨdaipɨra ¿Mĩrunaik'ãra? Mĩrunaiwẽma.

1 Corintio 10:12

Mãɨpuru abaɨpa minachia ĩjãa bɨ jĩra k'ɨ̃risia bɨpɨra, ara ichi tuaba jĩrak'aua bai bɨma nemietaade baemaapa.

Hebreo 10:38

Chi mõré jĩp'a bɨ mɨne ĩjãa bɨdepa chok'ae baipɨ. Maamina chi ichia ĩjãa bɨt'a itu bɨsira, mɨa ichi pia unuiwẽma».

Hebreo 12:15

Jĩrak'aua p'anat'ɨ chi Tachi Ak'õrepa ichi sõpiadepa k'aripa bɨt'a mi ãpia pida itu bɨpidaemaapa. Mãɨnepa jĩrak'aua p'anat'ɨ mãra paara mi ãpia pida ẽpẽra pak'uru k'arra asia bɨ jĩra bɨt'a p'anapidaemaapa. Mãɨpa ũpẽarã́ piawẽa k'ɨ̃risiapik'ari mietá oopiparima.

Hebreo 3:10

Mãɨ k'orea ãchi ome k'ĩruuk'ari Tachi Ak'õrepa nãɨya jarasima: “Ãchi sõnepa mɨ piarã ĩjãanak'ama. Mɨ pedea ũrinak'ama”.

Marco 13:33

»¡Tau pará p'anat'ɨ! ¡Ak'ɨ p'anat'ɨ! Mãrapa chi ewari sãapae chei atua p'anɨma.

Mateo 24:4

Jesupa p'anoosima: —Jĩrak'aua nipat'ɨ abaɨa pida mãra seapiemaapa.

Marco 13:9

»Jĩrak'aua p'anat'ɨ. Mãra chi ak'ɨpataɨrãmá ateewãnak'ari maapae judiorã ará pedeapataɨ tede soapa p'edaipɨ. Mɨne ĩjãa p'anɨ k'orea ãchia mãra chi poro chaarearã k'ĩrari mãɨnepa chi poro jũra jɨ̃parí jɨ̃ p'anɨrã k'ĩrari ateewãnaipɨ. Mãɨne mãrapa mɨ k'orea ãchi k'ĩrari pedeadaipɨ.

1 Tesalonicense 1:9

Ara ãchia jara p'anɨma sãmaasã́ tai mãramá chedak'ari, mãrapa pia pedeasidaɨt'a, mãɨnepa sãdo be itu bɨsidaɨt'a Tachi Ak'õre piarã chok'ae bɨde ĩjãanai k'orea.

Romano 11:21

Judiorãpa ĩjãanawẽa p'anɨ k'orea Tachi Ak'õrepa ãchi itu bɨsima pak'uru jua t'ɨat'uru jĩra. Ara mãɨ jĩra mãra judiorãwẽpa ĩjãanaepɨra, Tachi Ak'õrepa mãra sida itu bɨipɨ.

Luca 21:8

Jesupa p'anoosima: —Jĩrak'aua nipat'ɨ abaɨa pida mãra seapiemaapa. Chok'araɨrãpa jaradaipɨ “mɨ Tachi Ak'õrepa Tachi K'aripaparí teai jara bada”. Mãɨ awara chi ewari arí payade adaipɨ. Maamina ãchi ome wãrãt'ɨ.

Marco 13:23

Tau pará p'anat'ɨ. Mɨa mãrá ãarea jarasima mãɨ mãɨyai naena.

Mateo 16:16

Simón Pedropa p'anoosima: —Pɨ Tachi Ak'õrepa Tachi K'aripaparí teai jarada, Tachi Ak'õre chok'ae bɨ Warrapɨ.

Colosense 2:8

Jĩrak'aua p'anat'ɨ mi abaɨa pida mãra seapidaemaapa chi pari k'ɨ̃risiapiparidepa mãɨnepa seaparí k'ɨ̃risiadepa. Jõma makɨɨ chõarãenapema k'ɨ̃risiat'a jaore chaarearã nãɨ ĩjũanepemapɨ. Mãɨ pedea Cristo k'oreawẽpɨ.

Hebreo 3:1

Ũpẽarã, mãra ẽpẽerã Tachi Ak'õrenepemarã pẽra mãɨnepa ichia mãra t'ɨ̃na pẽra, Jesucristo k'orea minachia jĩrak'aua k'ɨ̃risiat'ɨ. Tachia piarã ĩjãa p'anɨane apatama Ichi Tachi Ak'õrepa peedapɨ mãɨnepa P'aare minachia k'awa bɨpɨ.

Hebreo 3:19

Mãɨnepa tachia k'awa p'anɨma ãchia ĩjãanaanawẽ pẽra Tachi Ak'õrepa ãchi ɨ̃apaapii badamá p'ue padaiwẽt'a.

Hebreo 9:14

Mãɨyapɨra, ¿Cristo oapa tachi atepe piipará bɨwẽk'ãra? Cristo nemietá newẽa basima. Tachi Ak'õre Jaore piuk'apɨɨpa k'aripada pẽra ara ichi itu peapisima ãnimara Tachi Ak'õrea paatearu jĩra. Nemietá oo p'anɨ k'orea tachi piudai p'anasidama. Maamina Cristopa ara ichi itu peapida pẽra tachia nemietá oodada Tachi Ak'õrepa k'ɨ̃risia atuak'ari tachi k'ɨ̃risia jĩp'a bɨsima. Mãɨya chi Tachi Ak'õre chok'ae bɨpa k'ɨ̃ria bɨt'a tachia mãɨ p'ue oodaipɨ.

Hebreo 10:31

Minachia mietá bɨma, chi Tachi Ak'õre chok'ae bɨ juade bait'a tachi nemietá k'orea.

Hebreo 12:22

Maamina mãra chi piarãpẽa Sión eyadea chesidama, chi pajãnepema Jerusalén apataɨdea, chi Tachi Ak'õre chok'ae bɨ p'uurudea mãɨnepa chi ichia ɨt'aripa peedaɨrã minachia nɨbɨt'a ãarea ará arapá nɨbɨmá.