Hebreo 3:1 - Tachi Ak'õre Pedea

¹ Ũpẽarã, mãra ẽpẽerã Tachi Ak'õrenepemarã pẽra mãɨnepa ichia mãra t'ɨ̃na pẽra, Jesucristo k'orea minachia jĩrak'aua k'ɨ̃risiat'ɨ. Tachia piarã ĩjãa p'anɨane apatama Ichi Tachi Ak'õrepa peedapɨ mãɨnepa P'aare minachia k'awa bɨpɨ.

Hebreo 3:1 Referans Kwoze

2 Timoteo 1:9

Tachi Ak'õrepa tachi k'aripasima mãɨnepa t'ɨ̃sima ichi pae pia p'ananamẽrá. Tachia pia oo p'anɨnepa mãɨya ooé pasima, mãɨpari ichi sõpiadepa ooi k'ɨ̃risia bada pẽra mãɨya oosima. Piarã nãɨ ĩjũa bai naena Tachi Ak'õrepa ichi sõpiadepa k'ɨ̃risiasima Jesucristodepa tachi k'aripait'a.

P'ilipense 3:14

P'ira wãruma mãɨ chi tauchaa bɨmá pai k'orea, Jesucristodepa nepia pajãnepema atai k'orea, Tachi Ak'õrepa t'ɨ̃na pẽra.

Hebreo 7:26

Tachi P'aare minachia k'awa bɨ Jesupa ne ãareaɨne tachi p'ue k'aripaipɨ. Nemietá ook'ama, ne ãareaɨne jĩp'a bɨma. Tachi Ak'õrepa ichi pia unu bɨma. Chi nemietá oopataɨrã t'ãenapema ãyá bɨk'ari pajãne chi atepe bɨsima.

Ep'esio 4:1

Mɨ Tachi Chipari k'orea eda serra bɨma. Mɨa mãrá chichupuria idiruma jĩp'a nipadamẽrá. Tachi Ak'õrepa mãra t'ɨ̃sima mãɨya nipadamẽrá.

1 Pedro 2:9

Maamina mãra Tachi Ak'õrepa jɨrɨ atadaɨrãpɨ, Tachi Chipari p'aarerãpɨ, ichi pae bɨda ẽpẽrarãpɨ mãɨnepa ichi p'uurupɨ. Mãɨya Tachi Ak'õrepa ne minachia pia ooda k'orea mãrapa pedeapatama. Tachi Ak'õrepa mãra p'ãrionepema t'ɨ̃sima ichi ɨnaa minachia pia bɨde p'ananamẽrá.

Hebreo 2:17

Ichi cheside ne ãareaɨne tachi jĩra basima waapẽarã k'ĩra chupuriaparí p'aare minachia k'awa bɨ pai k'orea. Piarã Tachi Ak'õre k'ĩrari p'aare minachia k'awa bɨ jõma chi arí ooparí beesima. Mãɨpa ara ichi itu peapisima ẽpẽerãpa nemietá oopataɨ Tachi Ak'õrepa k'ɨ̃risia atuamẽrá.

Hebreo 10:21

Tachia P'aare minachia k'awa bɨt'a pajãne uru p'anɨma. Ichia Tachi Ak'õre ẽpẽrarã ãarea k'aripaparima.

Ep'esio 4:4

Tachi k'ak'ua abapuru bɨma. Tachi Ak'õre Jaore abapuru bɨt'a uru p'anɨma. Tachi Ak'õrepa mãra t'ɨ̃sima abarik'a nɨ p'ananamẽrá.

1 Tesalonicense 2:12

Taipa minachia ũraasidama mãra Tachi Ak'õrepa k'ɨ̃ria bɨ jĩra nipadamẽrá. Ichia mãra t'ɨ̃sima ichi juade ua bai k'orea mãɨnepa ichi pia bɨdepema uru p'ananamẽrá.

1 Corintio 9:23

Mɨa jõma mãɨ jĩra ooparima chi pedea pia Cristo k'orea k'awapii k'orea. Mãɨya mɨa pida Tachi Ak'õrenepa nepia jitaipɨ.

2 Timoteo 2:7

Mɨa jara bɨ k'orea minachia k'ɨ̃risiase. Tachi Chipari Jesupa pɨá jõma mãɨ k'awapiipɨ.

1 Timoteo 6:12

Ne ãareaɨne Cristode ĩjãa base pia papaká bɨ k'ĩruupari jĩra. Mãɨya pɨ ewaricha Tachi Ak'õre ome baipɨ. Chok'ará p'anɨ k'ĩrari, pɨa Cristode ĩjãa bɨade a jaraside, Tachi Ak'õrepa pɨ t'ɨ̃sima mãɨya chok'ae bamẽrá.

Romano 15:8

Mɨa jararuma: Cristo chesima tai judiorã k'aripai k'orea. Tachi Ak'õrepa judiorã chõarãenapemarã ome pedea bɨda Cristopa oosima. Mãɨpa unupisima Tachi Ak'õrepa jara bɨ jĩra ooparit'a.

Hebreo 2:11

Jesupa ẽpẽerã Tachi Ak'õre pae pia bɨparima. Ichia, mãɨnepa mãɨ ẽpẽerã pida ãchi Ak'õre ara aba bɨt'a uru p'anɨma. Mãɨ k'orea Jesú p'erak'ama ãchi ichi ũpẽarãane ai k'orea.

Juan 20:21

Maapae Jesupa mãicha ãchiá jarasima: —Ne k'ɨ̃risiadawẽa p'anat'ɨ. Mɨ Ak'õrepa mɨ nãɨ ĩjũanea peeda jĩra mɨa mãra nãɨ ĩjũanea peeruma.

Juda 1:1

Mɨ Judapɨ, Jacobo ũpẽapɨ mãɨnepa Jesucristo pae pari mimiaparipɨ. Nãɨ k'art'a bɨruma ãarea Tachi Pajãnepema Ak'õrepa t'ɨ̃naɨrã pae. Ichia mãra k'ɨ̃ria bɨma mãɨnepa Jesucristodepa ak'ɨ uru bɨma.

Hebreo 3:14

Tachia naa ĩjãanaananepa aba piuutadea Cristode ĩjãa p'ananaipɨra, ichi ome p'ananaipɨ.

1 Timoteo 6:2

Ãchi chiparipa Cristode ĩjãa bɨpɨra, ãchi p'ue wap'eadaiwẽa p'anɨane adaiwẽa p'anɨma, ũpẽarã pẽra. Mãɨpari ichi pae atepe pia mimianai p'anɨma. Ãchi mimianepa ãchi Cristode ĩjãa bɨ chiparipa erreara jitaparima. Mãɨpuru k'ɨ̃rianepa ichi pae mimianai p'anɨma. Mãɨ jaratea base. Mãɨnepa ãchiá jarase mãɨya oodamẽrá.

2 Tesalonicense 2:14

Taipa chi pedea pia jaratea p'anɨnepa Tachi Ak'õrepa mãra t'ɨ̃sima Tachi Chipari Jesucristo pia bɨdepema atadamẽrá.

2 Tesalonicense 1:11

Mãɨ k'orea taipa ewaricha Tachi Ak'õrea ɨt'aa chiidipatama ichia mãra pia unumẽrá. Ichia mãra mãɨ k'orea t'ɨ̃sima. Taipa ɨt'aa chiidi p'anɨma Tachi Ak'õrepa ichi jua chaareadepa mãra ãareane k'aripamẽrá. Mãɨya ichide ĩjãa p'anɨnepa chi nepia oo k'ɨ̃ria p'anɨt'a jõma oodaipɨ.

1 Tesalonicense 5:27

Mɨa Tachi Chiparidepa jararuma: nãɨ k'art'a ũpẽarã ãarea k'ĩrari eda jarat'ɨ.

Colosense 3:12

Tachi Ak'õrepa mãra k'ɨ̃rianepa jɨrɨ atasima ichi pae pia p'ananamẽrá. Mãɨpuru waapẽarã k'ĩra chupuria p'anat'ɨ. Ẽpẽra pia p'anat'ɨ. Mãra chi atepe be k'ɨ̃risiarãt'ɨ. Jõmãɨrã ome k'ɨ̃risia piadepa p'anat'ɨ. Ara machi paara choa p'anat'ɨ.

Colosense 1:22

Maamina Cristo piudadepa Tachi Ak'õrepa mãra ichi ome pia bɨsima ichi k'ĩrari k'achiawẽa p'ananamẽrá mãɨnepa waapẽarãpa mãra k'orea k'achia pedeadawẽa p'ananamẽrá.

Colosense 1:12

Mãɨya arapá p'anɨnepa Tachi Pajãnepema Ak'õrea sõpia p'anɨane adaipɨ. Mãra jõma ichi ẽpẽrarã ome ɨnaane pia bɨsima ichia uru bɨdepema jitadamẽrá.

2 Corintio 1:7

Taipa k'awa p'anɨma mãrapa Tachi Ak'õrene piarã minachia ĩjãa p'anɨ. K'awa p'anɨma mãra tai jĩra minachia mĩapatamina Tachi Ak'õrepa mãra tai jĩra sõpiapiparit'a.

1 Corintio 1:2

Mɨa nãɨ k'art'a bɨruma chi ẽpẽrarã Tachi Ak'õrenepemarã Corinto p'uurudepema pae. Jesucristodepa Tachi Ak'õrepa mãra awara bɨsima ichi pae pia p'ananamẽrá. Ara mãɨ jĩra ichia tuacha jõma Tachi Chipari Jesucristoa ɨt'aa chiidipataɨrã awara bɨsima. Ichi ãchi Chiparipɨ mãɨnepa Tachi Chiparipɨ.

Romano 15:27

Mãɨ ũpẽarã judiorãwẽpa mãɨ erreara ũpẽarã judiorã pae arapá jɨrɨp'esidama. Piarã mãɨya oodai p'anasidama judiorã́ tee pará p'anɨ jĩra. Judiorãwẽpa nejõma pia Tachi Ak'õre k'orea judiorãnepa jitadada pẽra, ũpẽarã judiorã́ nepia nãɨ ĩjũanepema teadai p'anɨma.

Romano 11:17

Chi eda waapẽarã judiorã Tachi Ak'õre awara p'aneesidama olivo pak'uru jua t'ɨat'upataɨ jĩra. Mãra judiorãwẽ Tachi Ak'õre newẽa p'anasidama olivo pak'uru chi ichi tuaba mẽa warida jĩra. Maamina mãra Tachi Ak'õrene ẽpẽrarã p'aneesidama, pak'uru jua chi t'ɨat'udade ara mãɨ juade wãa nɨbɨda jĩra. Mãɨya naapae Tachi Ak'õrepa mãra sida k'aripa bɨma judiorã k'aripa bada jĩra.

Romano 9:24

Tachi mãɨ ẽpẽrarãnepemapɨ. Tachi Ak'õrepa tachi jõma t'ɨ̃sima. Eda waapẽarã judiorãma, ya eda waapẽarã judiorãwẽma,

Juan 20:27

Mãɨya jarak'ari Tomá jarasima: —Pɨ jua jimini nãma berajuse, mɨ juacha ak'ɨse mãɨnepa pɨ jua mɨ orrode jẽrase. Waa ĩjãawẽa barãse, mãɨpari ĩjãase mɨ piarã chok'ae p'irabarisit'a.

Apocalipsi 18:20

¡Jõma pajãne be arapaat'ɨ jãɨ p'uuru jõna pẽra! Ẽpẽerã Tachi Ak'õreneerã, Jesupa peedaɨrã mãɨnepa Tachi Ak'õre pari pedeapataɨrã arapaat'ɨ. Tachi Ak'õrepa jãɨ p'uuru ɨtɨasima, mãra piawẽa ooda pẽra».

Apocalipsi 17:14

Mãɨne ãchi Oveja Chak'e ome k'ĩruunaipɨ. Maamina chi Oveja Chak'epa ãchi p'ueipɨ ichi jõmãɨrã poro jũra jɨ̃parí jɨ̃ p'anɨrã k'aepẽra chi Atepe Bɨ pẽra, mãɨnepa jõmãɨrã chiparirã k'aepẽra chi Atepe Bɨ pẽra. P'uerude chi ichide minachia ĩjãa p'anɨ ichi ome p'ananaipɨ. Ãchi t'ɨ̃k'ari maapae jɨrɨ atasima».

1 Juan 1:3

Taipa ununana mãɨnepa ũrinana mãrá jara p'anɨma mãra sida tai ome ará Tachi Pajãnepema Ak'õre ome mãɨnepa ichi Warra Jesucristo ome pia p'ananamẽrá.

1 Pedro 5:10

Mãra tãaraa mĩanak'ari Tachi Ak'õrepa ne ãareaɨne pia bɨipɨ. Ichia mãra k'aripaipɨ pia ĩjãanamẽrá, jõma choadamẽrá mãɨnepa chaarea p'ananamẽrá. Tachi Ak'õrepa ichi sõpiadepa ne ãareaɨne k'aripaparima. Ichia mãra Jesucristodepa t'ɨ̃sima ichi ome ewaricha chi atepe p'ananamẽrá.

1 Pedro 5:1

Mãra ũpẽarã ak'ɨpataɨrã́ mɨa chichupuria idiruma, mɨ sida ũpẽarã ak'ɨparí pẽra. Cristo minachia mĩana mɨa unusima. Mãɨnepa Tachi Ak'õrepa Cristo chi atepe bɨ unupirude mɨ sida ichi ome baipɨ. Mãɨpuru nãɨya chichupuria idiruma:

1 Pedro 3:5

Ara mãɨ jĩra chõarãenapema wẽrarã Tachi Ak'õre pae beada mip'it'á p'anasima. Tachi Ak'õrepa ooi jarada ãchia sõnepa piarã ĩjãa p'anapachidama mãɨnepa ãchi k'ima pedea ũripachidama.

Hebreo 9:11

Maamina Cristo tachi P'aare minachia k'awa bɨ pa basima, tachia nepia Tachi Ak'õrenepa teada uru p'ananamẽrá. Tachi Ak'õre te pajãne bɨde eda wãsima. Mãɨ te chi piipará bɨpɨ mãɨnepa chi atepe bɨpɨ. Ẽpẽerãpa mãɨ oodawẽma; nãɨ ĩjũanepemawẽma.

Ep'esio 3:6

Ichia k'awapiwẽa bada nãɨt'a: judiorãwẽpa pedea pia Cristo k'orea ĩjãa p'anɨnepa judiorã ome ará Tachi Ak'õrepa teaidepema jitadaipɨ, abarik'a k'ak'uade p'anɨma, mãɨnepa Tachi Ak'õrepa Jesucristodepa teai jarada ará uru p'anɨma.

1 Corintio 10:17

Tachia p'ana aba bɨ chok'araɨrãpa t'oet'aadak'ari k'opatama. Ara mãɨ jĩra tachi chok'ará p'anɨmina k'ak'ua aba bɨ jĩra p'anɨma.

Juan 17:3

Ewaricha chok'ae bepa, ãchia k'awa p'anɨma pɨ piarã Tachi Ak'õre aba bɨt'a. Ichiaba k'awa p'anɨma chi pɨa peeda, Jesucristot'a.

Hecho 1:15

Mãɨya p'anɨne ewariaba Pedro chi ũpẽarã esa bai nɨbeesima chi ẽpẽerã́ pedeai k'orea. Ãchi 120 p'anasidama. Mãɨne jarasima:

2 Corintio 9:13

Mãrapa k'aripa p'anɨnepa unupi p'anɨma chi pedea pia Cristo k'orea piarã ĩjãa p'anɨt'a. Sõpiadepa chi ũpẽarã́ tea p'anɨma mãɨnepa jõmãɨrã k'aripa p'anɨma. Mãɨ k'orea Tachi Ak'õrea pia pedeadaipɨ.

Hebreo 3:12

Ũpẽarã, jĩrak'aua p'anat'ɨ. Sõ chaareapa Tachi Ak'õrene ĩjãanawẽa p'anarãt'ɨ. Chi mãɨya bɨpa Tachi Ak'õre chok'ae bɨt'a itu bɨparima.

Hebreo 7:28

Moisepa bɨdapa ẽpẽrarã ne ãareaɨne jĩp'awẽa be bɨparima p'aare minachia k'awa p'anɨrã p'ananamẽrá. Maamina mãɨ Moisepa bɨ bada teak'ari, Tachi Ak'õrepa piarãpẽa jarasima ichi Warra ewaricha P'aare minachia k'awa bɨ bayade asima. Mãɨya ichi Warra bɨsima chi tachi pae p'aare arí bɨ beemẽrá.

Hebreo 9:15

Mãɨyara, Cristodepa Tachi Ak'õrepa pedea chiwidi ausima. Ẽpẽerã chi naenapema pedea audade p'anapachidaɨde nemietá oopachidama. Maamina Cristo piusima mãɨnepema k'aripai k'orea. Ichiaba, Cristodepa chi ichia t'ɨ̃naɨrãpa ichia ne ãarea pia jõk'apɨ́ teai jaradat'a p'ue jitadaipɨ.

Hebreo 10:19

Mãɨpuru ũpẽarã, chi Tachi Ak'õre pae k'ɨda jẽesa chi atepe piipará bɨde eda wãuta jĩra Jesucristo oadepa Tachi Ak'õre k'ait'a ne wap'eawẽa wãnai p'anɨma.

Hebreo 10:23

Tachi Ak'õre pedea auda pẽra tachia nɨ p'anɨt'a mãɨnepa mãɨ k'orea ãareaɨrã́ jara p'anɨt'a mi ãpia pida k'ẽet'aadaiwẽa p'anɨma.

Hebreo 13:22

Ũpẽarã, mɨa nãɨ k'art'a teesoawẽa bɨt'a bɨsima mãrapa pia ĩjãanamẽrá. Mãɨpuru mɨa mãrá chichupuria idiruma nãɨ pedea pia ũrinamẽrá.