Hebreo 2:9 - Tachi Ak'õre Pedea

⁹ Maamina Jesú k'orea k'awa p'anɨma. Tachi Ak'õrepa ichit'u nãɨ ĩjũane k'aepe bɨsima chi ɨt'aripa peedaɨrã k'aepẽra. Tachi Ak'õrepa ichi sõpiadepa mãɨya oosima Jesú jõmãɨrã k'orea piumẽrá. Minachia mĩak'ari piuda pẽra Tachi Ak'õrepa ichi pia bɨsima mãɨnepa chi atepe bɨsima.

Hebreo 2:9 Referans Kwoze

Apocalipsi 5:9

Chi chõarã veinticuatro p'anɨpa mãɨnepa chi ẽpẽra jĩra chok'ae berãpa nãɨ k'ari chiwidit'a k'arisidama: «Pɨ pia bɨma mãɨ k'art'a jitak'ari chi k'ara nɨbɨ oet'ait'a, pɨ peasida pẽra. Chi mãɨ oa pɨa ãrisidepa ẽpẽerã Tachi Ak'õre pae atasima. Ẽpẽerã awaraɨcha, pedeacha, p'uurucha mãɨnepa ĩjũacha mãɨrãnepema eda waapẽarã atasima.

1 Juan 2:2

Ichi piusima Tachi Ak'õrepa tachi nemietá k'ɨ̃risia atuamẽrá. Abapuru tachi nemietá k'orea piué pasima, mãɨpari piusima jõma nãɨ ĩjũane p'anɨrã nemietá k'orea pida.

Romano 5:18

Mãɨya ẽpẽra abaɨpa nemietá ooda k'orea Tachi Ak'õrepa ichi nepɨra ak'ɨk'ari jõmãɨrã sida nepɨra pará p'anɨane aparima. Mãɨnepa ẽpẽra abaɨpa jĩp'a ooda k'orea Tachi Ak'õrepa jõmãɨrã chi ichidirã jĩp'a berã paara p'ue bɨipɨ ewaricha ichi ome chok'ae p'ananamẽrá.

Hecho 2:33

Tachi Ak'õrepa ichi juaraari Jesú chi atepe bɨ bɨsima. Maapae ichi Jaore teai jarada Jesua teasima, ichiaba ichidirã́ teamẽrá. Jesupa mãɨ Jaore piarã taiyá teasima. Chi mãrapa unu p'anɨt'a mãɨnepa ũri p'anɨt'a ichi Jaorepa mãɨya oopi bɨma.

Juan 3:16

»Tachi Ak'õrepa ẽpẽerã minachia k'ɨ̃ria bɨ pẽra ichi Warra aba bɨt'a nãɨ ĩjũanea peesima jõma ichide ĩjãauta atuapidaemaapa, mãɨpari ichi ome ewaricha chok'ae p'ananamẽrá.

2 Corintio 5:15

Piarã Cristo jõmãɨrã k'orea piuk'ari chok'ae p'irabarisima tachi chok'ae berãpa ara tachia oo k'ɨ̃ria p'anɨ jĩra waa oopidaemaapa, mãɨpari ichia k'ɨ̃ria bɨ jĩra oo p'ananamẽrá.

Hebreo 10:5

Mãɨ k'orea Cristo nãɨ ĩjũanea cheside ichia Tachi Ak'õrea nãɨya jarasima: «Pɨa ãnimara paateadait'a mãɨnepa ne teadait'a mãɨya k'ɨ̃riawẽma. Maamina pɨa mɨá tachi k'ak'ua teasima mãɨ teamẽrá.

Romano 5:8

Maamina Tachi Ak'õrepa tachi minachia k'ɨ̃ria bɨt'a unupisima wapida nemietaade p'anɨne Cristo tachi k'orea piuda pẽra.

Juan 1:29

Mãɨ norema Juanpa Jesú ichimá cheru unuk'ari, ya jarasima: «¡Ak'ɨt'ɨ! Jãɨt'a Tachi Ak'õre oveja chak'epɨ. Ichidepa Tachi Ak'õrepa nãɨ ĩjũanepemarãpa nemietá oopataɨ k'ɨ̃risia atuaipɨ.

Juan 12:32

Mɨ ɨt'ɨ barijira bɨutade mɨa ãareaɨrã ara mɨchimá enemeeipɨ mɨne ĩjãanamẽrá.

Hebreo 7:25

Mãɨpuru ichidepa Tachi Ak'õremá cheutarã ãarea p'ue k'aripaipɨ ewaricha chok'ae p'ananamẽrá. Piuk'a pẽra ewaricha tachi k'orea Tachi Ak'õrea chichupuria idiparima.

1 Pedro 1:21

Cristodepa mãrapa Tachi Ak'õrene ĩjãa p'anɨma. Tachi Ak'õrepa ichi piu bada chok'ae p'irabaripik'ari atepe bɨsima. Mãɨpuru mãrapa Tachi Ak'õrene piarã ĩjãa p'anɨma mãɨnepa nɨ p'anɨma Ichia jarada ãarea oomẽrá.

Hebreo 8:3

Tachi Ak'õrepa chi p'aare minachia k'awa p'anɨrã ãarea bɨparima ichiá ne teadamẽrá mãɨnepa ãnimara paateadamẽrá. Mãɨpuru Tachi P'aare chi minachia k'awa bɨ pida ne teai basima.

1 Timoteo 2:6

Ara ichi itu peapisima jõma ẽpẽrarã k'aripa bai k'orea. Tachi Ak'õrepa bɨda ewaride mãɨ k'awapisima.

2 Corintio 5:21

Cristopa nemietá ook'a pasima. Maamina tachi k'orea Tachi Ak'õrepa ichi nemietá ooparí jĩra unusima. Mãɨya Cristodepa Tachi Ak'õre jĩp'a bɨt'a waapẽarã́ p'ue unupipatama.

Romano 8:32

Piarã Tachi Ak'õrepa ichi Warra wãak'aé pasima mãɨpari jõma tachi k'orea itu peapisima. Mãɨpuru ¿ichia tachiá nejõma pia Cristo ome ará teaiwẽk'ãra?

Gálata 4:4

Maamina Tachi Ak'õrepa jarada ewari paside ichi Warra nãɨ ĩjũanea peesima. Mãɨ Warra wẽrapa t'õsima, ichiaba Moisepa bɨda ooi basima.

Hecho 3:13

Chi Abrahán Pajãnepema Ak'õre, Isá Pajãnepema Ak'õre, Jacobo Pajãnepema Ak'õre mãɨnepa ãarea tachi chõarãenapemarã Pajãnepema Ak'õre, mãɨpa chi ichi pae pari mimiaparí Jesú chi atepe bɨ bɨsima. Ara mãɨ Jesut'a mãrapa Pilatoa teasidama, peamẽrá. Pilatopa mãɨ ãjã́ pari bɨ k'ɨ̃ria badamina mãrapa ichi taade ichi ietasidama.

Romano 8:3

Moisepa bɨdapa tachi nemietaadepema p'ue pari ãjã́ bɨé pasima. Nãɨ k'ak'uapa oo k'ɨ̃ria bɨdepa nipapataɨrãpa mãɨ Moisepa bɨda oodai k'aepẽra nemietá oopatama. Maamina Tachi Ak'õrepa ichi Warra peesima tachi chi nemietá oopataɨrã jĩra bamẽrá. Mãɨne tachi nemietá pari piusima. Mãɨya Tachi Ak'õrepa nemietá tachi k'ak'uadepa oodada ɨtɨasima.

Juan 10:17

»Mɨ Ak'õrepa mɨ k'ɨ̃ria bɨma, ara mɨ itu peapii bɨ pẽra. Maapae mɨ mãicha chok'ae beeipɨ.

Juan 8:52

Mãɨne judiorãpa Jesua jarasidama: —Naapae taipa k'awautama pɨ jaore mietá uru bɨt'a. Abrahán piusima. Ãarea Tachi Ak'õre pari pedeapataɨrã sida piusidama, maamina pɨa jara bɨma: “Mɨ pedea ĩjãak'ari oo bɨt'a mãɨ piuk'á paipɨ”.

Mateo 16:28

Mɨa piarã jararuma: chi eda waapẽarã nãma p'anɨ piudai naena ununaipɨ chi Ẽpẽra Warrapa ichidirã ichi juade ua bait'a.

Apocalipsi 19:12

Ichi tau t'ɨpɨ jĩra urua basima. Poro jũra jɨ̃parí minachia jɨ̃ basima. Ichi porode t'ɨ̃ bɨ uru basima maamina abaɨ pida mãɨ t'ɨ̃ k'awaé pasima; ichiapuru mãɨ k'awa basima.

Hebreo 2:7

Pɨa ichi chi Tachi Ak'õrepa ɨt'aripa peedaɨrã k'aepẽra k'aepe bɨsima. Ichi pia bɨsima mãɨnepa chi minachia k'awa bɨ bɨsima».

Luca 9:27

Mɨa piarã jararuma: chi eda waapẽarã nãma p'anɨ piudai naena ununaipɨ Tachi Ak'õrepa ichidirã ichi juade ua bait'a.

Marco 9:1

Mãɨnepa Jesupa jarasima: —Mɨa piarã jararuma: chi eda waapẽarã nãma p'anɨ piudai naena ununaipɨ Tachi Ak'õrepa ichidirã ichi juade ua bait'a, ichi jua chaareadepa.

Mateo 6:28

¿K'ãre k'orea mãrapa neet'á k'orea minachia k'ɨ̃risiapatama? Ak'ɨt'ɨ nep'ono sãmaasã́ wariparit'a. Nep'ono mimiak'ama ichiaba p'aru k'osak'ama.

Juan 8:51

Mɨa piarã jararuma, chi mɨ pedea ĩjãak'ari oo bɨt'a mãɨ piuk'á paipɨ.

Hebreo 1:9

Pɨa k'ɨ̃riaparima ẽpẽerã jĩp'a p'ananait'a. Nemietá unuemaaparima. Mãɨpuru Tachi Ak'õre, pɨ Ak'õrepa ãarea pɨ ome p'anɨ k'aepẽra pɨt'a chi atepe bɨsima. Mãɨya pɨ minachia arapaapisima».

Hebreo 11:5

Enopa Tachi Ak'õrene ĩjãa bada pẽra, Tachi Ak'õrepa chok'ae ateewãsima mãɨ piupiemaapa. Mãɨ ateewãna pẽra waa ununaé pasima. Tachi Ak'õre pedeade bɨ bɨma Enó ateewãi naena Tachi Ak'õrepa ichi pia unusit'a.

Hebreo 12:2

Jesude pia k'ɨ̃risiadai p'anɨma. Ichia k'aripasima tachia naa ĩjãanamẽrá mãɨnepa k'aripaparima ewaricha ĩjãa p'ananamẽrá. K'ɨ̃risiat'ɨ sãmaasã́ ichi k'urusude minachia mĩasit'a. Mãɨ k'orea p'erai badamina p'eraé pasima. Ichia k'awasima mãɨya nak'ari minachia arapá bait'a. Idiapae Tachi Ak'õre suak'a beeparí pia bɨ juaraari suak'abari bɨma.