Hebreo 2:11 - Tachi Ak'õre Pedea

¹¹ Jesupa ẽpẽerã Tachi Ak'õre pae pia bɨparima. Ichia, mãɨnepa mãɨ ẽpẽerã pida ãchi Ak'õre ara aba bɨt'a uru p'anɨma. Mãɨ k'orea Jesú p'erak'ama ãchi ichi ũpẽarãane ai k'orea.

Hebreo 2:11 Referans Kwoze

Hebreo 10:14

Cristopa barimama ara ichi itu peapisidepa chi Tachi Ak'õre pae awara bɨdaɨrã jĩp'a bɨsima, mãɨya ewaricha p'ananamẽrá.

Hebreo 10:10

Tachi Ak'õrepa k'ɨ̃ria bɨt'a Jesucristopa ãarea oosima. Ara ichi itu peapisima. Bari k'ak'o aba mãɨya oodapa tachi ewaricha Tachi Ak'õre pae pia bɨsima.

Juan 20:17

Jesupa jarasima: —Mɨ jitarãse mɨ Ak'õremá waidi wãwẽa bɨ pẽra. Mɨ ũpẽarãmá wãk'ari jarase mɨ Ak'õremá wãrut'a. Ichi mãra Ak'õrepɨ. Mãɨ mɨ Tachi Ak'õrepɨ mãɨnepa mãra Tachi Ak'õrepɨ.

Hebreo 13:12

Ara mãɨ jĩra Jesú p'uuru awara minachia mĩasima ichi oapa ẽpẽerã Tachi Ak'õre pae pia bɨi k'orea.

Romano 8:29

Mãɨ mãɨya bɨma, ichia naenaena k'awa basi pẽra k'airã ichidirã pait'a. Ãchi bɨsima ichi Warra Jesú jĩra p'ananamẽrá. Mãɨya ichi Warra Jesú ũpẽarã chok'ará p'anɨnepema chi naapemapɨ.

Juan 17:19

Ãchi k'orea ara mɨ pɨ pae awara beeruma, ãchi sida pɨ pae awara p'ananamẽrá pɨ piarãt'a k'awa p'anɨnepa.

Juan 17:21

Ak'õre, pɨ mɨ ome bɨ pẽra mãɨnepa mɨ pɨ ome bɨ pẽra mɨa idi bɨma ãchi sida tachi ome k'ak'ua aba bɨ jĩra p'ananamẽrá. Mãɨya nãɨ ĩjũanepemarãpa ĩjãanaipɨ pɨa mɨ peesit'a.

Mateo 25:40

Mãɨne mɨa p'anooipɨ: “Mɨa piarã jararuma: mãrapa mɨ ũpẽarã chi k'aepe k'ede k'aripasidaɨde ichiaba mɨ k'aripasidama”.

Hebreo 2:14

Mãɨ warrarã k'ak'ua pará mãɨnepa oa pará ooda pẽra Jesú sida abarik'a basima ichi piudadepa tiore p'uei k'orea. Mãɨ tiorepa tachi piudai p'anɨ ichi juade uru bɨma.

Gálata 4:4

Maamina Tachi Ak'õrepa jarada ewari paside ichi Warra nãɨ ĩjũanea peesima. Mãɨ Warra wẽrapa t'õsima, ichiaba Moisepa bɨda ooi basima.

Hecho 17:26

»Ichia ẽpẽra aba bɨdepema p'uuru ãarea unupisima, ãarea nãɨ ĩjũane p'ananamẽrá. Ichia bɨsima mãɨrã p'uuru sãapae p'ananait'a mãɨnepa sãma p'ananait'a.

Hebreo 11:16

Maamina tua piipará bɨ pajãne bɨt'a k'ɨ̃ria p'anasidama. Mãɨpuru Tachi Ak'õre p'erak'ama ichi ãchi Ak'õrene autade. Ichia p'uuru ãchi pae oo uru bɨma.

Marco 8:38

Abaɨpa nãɨ ĩjũane nemietá oo be t'ãena mɨ mãɨnepa mɨ pedea atua bɨade aipɨra, mɨ, chi Ẽpẽra Warra jua chaarea pará bɨ cherude mãɨ ẽpẽra atua bɨade aipɨ. Mãɨ ewaride mɨ Ak'õre jua chaarea bɨdepa cheipɨ, chi ichia ɨt'aripa peedaɨrã pia berã paara».

Mateo 28:10

Mãɨya p'anɨne Jesupa jarasima: —Ne wap'earãt'ɨ. Ũpẽarã́ jarade wãt'ɨ Galilea tuadea wãnamẽrá. Jãma ãchia mɨ ununaipɨ.

Hecho 17:28

“ichidepa tachi p'ɨrrɨa p'anapata pẽra, mãɨnepa chok'ae p'anapata pẽra”. Mãɨpuru chi eda waapẽarã mãranepemarã pedea auk'ará bɨpataɨrãpa jarasidama: “Tachi ichi warrarãpɨ”.

Luca 9:26

Abaɨpa mɨ mãɨnepa mɨ pedea atua bɨade aipɨra, mɨ, chi Ẽpẽra Warra jua chaarea bɨdepa cherude, mãɨ ẽpẽra atua bɨade aipɨ. Mãɨ ewaride mɨ Ak'õre jua chaarea bɨdepa mãɨnepa chi ichia ɨt'aripa peedaɨrã jua chaarea bɨdepa cheipɨ.

Marco 3:34

Chi ichi k'ait'a suak'abari bemá ak'ɨk'ari jarasima: —Nãɨrã mɨ naepɨ mãɨnepa mɨ ũpẽarãpɨ.

Hebreo 3:1

Ũpẽarã, mãra ẽpẽerã Tachi Ak'õrenepemarã pẽra mãɨnepa ichia mãra t'ɨ̃na pẽra, Jesucristo k'orea minachia jĩrak'aua k'ɨ̃risiat'ɨ. Tachia piarã ĩjãa p'anɨane apatama Ichi Tachi Ak'õrepa peedapɨ mãɨnepa P'aare minachia k'awa bɨpɨ.