Hebreo 13:7 - Tachi Ak'õre Pedea

⁷ Chi mãra minachia k'awa p'anɨrã k'orea k'ɨ̃risiat'ɨ. Ãchia Tachi Ak'õre pedea mãrá jarateasidama. K'ɨ̃risiat'ɨ sãmaasã́ ãchi p'ɨrrɨa p'anana mãɨnepa mãɨ k'orea k'ãasãasit'a. Ãchia Cristode ĩjãa p'anana jĩra mãra pida ara ĩjãa p'anat'ɨ.

Hebreo 13:7 Referans Kwoze

Hebreo 13:17

Ũpẽarã, mãra minachia k'awa p'anɨrãpa jara p'anɨt'a oot'ɨ. Mãra ak'ɨ p'anɨ pẽra ãchi juade p'anat'ɨ. Ãchia k'awa p'anɨma Tachi Ak'õrepa ak'ɨrude ãarea ãchia oodada ichiá ará jaradait'a. Mãɨpuru ãchia jara p'anɨt'a oot'ɨ. Mãɨya ãchia arapá mãɨnepa sõk'achiawẽa ãarea oodaipɨ. Mãrapa mãɨya oodawẽa p'anɨnepa ãchi sõk'achiapidaipɨra, mãɨ mãra p'ue pia k'aripapidaiwẽma.

P'ilipense 3:17

Ũpẽarã, mɨ jĩra p'anat'ɨ. Mãra t'ãena nipasidaɨde taipa unupisidama sãmaasã́ p'ananai p'anɨ. Ũpẽarã mãɨya berã paara nipat'ɨ.

Hebreo 6:12

Taipa k'ɨ̃rianawẽma mãra k'oa p'ananait'a, mãɨyawẽapuru k'ɨ̃ria p'anɨma chi mãra waapẽarã ũpẽarã jĩra p'ananait'a. Ãchia Cristode ĩjãa p'anɨẽra mãɨnepa ãarea choa p'anɨẽra, Tachi Ak'õrepa teai jarada ãarea jitadaipɨ.

1 Tesalonicense 1:6

Ara mãɨya mãrapa tai p'anapachi jĩra oo p'aneesidama. Tachi Chipari nipada jĩra oo p'aneesidama. Mãra minachia mĩa p'anɨmina Tachi Ak'õre Jaorepa arapaapik'ari, chi pedea pia ĩjãasidama.

Hecho 14:23

P'uurucha chi ĩjãapataɨrã t'ãena ũpẽarã ak'ɨpataɨrã bɨsidama. Maapae Tachi Ak'õrea ɨt'aa chiididak'ari, Tachi Ak'õrene k'ɨ̃risiadayá nek'odak'apɨ́ ewaride oodak'ari, chi Tachi Chipari ĩjãa p'anɨt'a ichi juade bɨsidama.

Mateo 24:45

»Te chipari pae pari mimiaparí k'ɨ̃risia k'awa bɨpa jĩp'a oopari jĩra beat'ɨ. Ichi chiparipa waapẽarã ichi pae pari mimiapataɨrã ichi juade bɨsima ewari ará parude nek'opi bamẽrá.

1 Timoteo 3:5

Ara ichi tedepemarã ak'ɨi atua bɨpɨra, ¿sãmaasã́ ẽpẽrarã Tachi Ak'õrenepemarã pia ak'ɨima?

Hebreo 13:24

Ũpẽarã, mãra ak'ɨpataɨrã́ mãɨnepa ãarea Tachi Ak'õre ẽpẽrarã́ pia p'anapadade a jarat'ɨ. Ichiaba ũpẽarã Italia tuadepemarãpa mãrá pia p'anapadade a jara pee p'anɨma.

1 Tesalonicense 2:13

Taipa ewaricha mãra k'orea Tachi Ak'õrea sõpia p'anɨane apatama. Taipa Tachi Ak'õre pedea jarateadada mãrapa ũrisidaɨde, ẽpẽrarãpa k'ɨ̃risia p'anɨ jĩra ĩjãanaé pasima. Mãɨpari mãɨ pedea piarã Tachi Ak'õre pedeat'a k'awadada pẽra ĩjãasidama. Ara mãɨ pedeapa mãra chi Cristode ĩjãapataɨrã́ pia oopi bɨma.

1 Corintio 4:16

Mãɨ k'orea mɨa mãrá chichupuria idiruma mɨ nipapari jĩra nipadamẽrá.

Romano 10:17

Piarã ẽpẽrarãpa Cristo k'orea naa ũrinai p'anɨma, ichide p'ue ĩjãanai k'orea.

Hecho 4:31

Tachi Ak'õrea ɨt'aa chiidi p'ananak'ari chi ãchi ará posoa p'anana te ore nɨbeesima. Mãɨne ãareaɨrãpa Tachi Ak'õre Jaore jitadak'ari, Tachi Ak'õre pedea ne wap'eadawẽa pedea tuaneesidama.

Apocalipsi 6:9

Mãɨya nak'ari chi Oveja Chak'epa mãicha chi k'art'ade k'ara bada aba oet'aside mɨa unusima chi Tachi Ak'õre pedea jaratea p'anɨ k'orea peadaadarã jaore. Ãchi chi Tachi Ak'õre pae ne paateapataɨ pajãne bɨk'á p'anasima.

Apocalipsi 20:4

Maapae mɨa chi suak'a beeparí auk'ará p'anɨ chok'ará unusima. Chi mãɨ ɨ̃rɨ suak'abari berã Cristo ome Tachi Ak'õrepa bɨsima chi minachia k'awa p'anɨrãt'a, mãɨrãpa ẽpẽerã nepɨra ak'ɨdai k'orea. Mãɨnepa mɨa ẽpẽerã poro t'ɨat'udada jaore unusima. Mãɨya poro t'ɨat'usidama Jesupa jarateada ĩjãa p'anɨ k'orea mãɨnepa Tachi Ak'õre pedea jaratea p'anɨ k'orea. Ãchia chi ãnimara mietá bɨt'a mãɨnepa chi ichi jĩra bɨ juapa oodada sãdo k'ɨ̃rianaé pasima. Ichi tauchaada ãchi tau bɨɨrɨde mãɨnepa juade pida itu bɨpidaé pasima. Ãchi chok'ae p'irabaridak'ari mil ãyo Cristo ome poro jũra jɨ̃parí jɨ̃ p'anɨrã jĩra p'aneesidama.

Apocalipsi 1:9

Mɨ mãra ũpẽa Juanpɨ. Tachi Jesucristo ome p'anɨ pẽra mɨ mãra ome Tachi Ak'õre juadepemapɨ, mãra ome minachia mĩa bɨma, mãɨnepa mãra ome ãarea choa bɨma. Tachi Ak'õre pedea jaratea bɨ k'orea mãɨnepa chi Jesú pedea piarãane a bɨ k'orea mɨ chi p'usade ĩjũa ãpia p'ɨrra bɨ Patmodea ateepisidama.

2 Tesalonicense 3:9

Piarã mãrapa k'aripadamẽrá taipa p'ue ne ididai p'anasidamina, ididaé pasima. Mãɨpari tai mimiasidama k'awapidai k'orea mãrapa abarik'a oodai p'anɨ.

1 Corintio 11:1

Mɨ Cristo nipada jĩra nipapari pẽra mɨ jĩra nipat'ɨ.

Luca 12:42

Jesupa p'anoosima: —Te chipari pae pari mimiaparipa k'ɨ̃risia k'awa bɨdepa jĩp'a oo bɨpɨra, chi te chiparipa chi waapẽarã ichi pae pari mimiapataɨrã mãɨ ichi pae pari mimiaparí juade bɨipɨ ãchia ewari ará parude nek'opi bamẽrá.

Luca 8:11

Mɨa nepɨrɨda nãɨya jara k'ɨ̃ria bɨma: chi net'a tau Tachi Ak'õre pedeapɨ.

2 Tesalonicense 3:7

Mãrapa k'awa p'anɨma tai nipadada jĩra mãra nipadai p'anɨ. Mãra t'ãena p'anasidaɨde tai k'oa pará p'ananaé pasima.

1 Corintio 10:13

Edaɨde tachi sõnepuru k'ɨ̃risiapatama nemietá oodai k'orea, jõmãɨrãpa ãarea mãɨya k'ɨ̃risiapataɨ jĩra. Mãɨ p'ue choadaepɨra, Tachi Ak'õrepa tachiá mãɨya k'ɨ̃risiapiwẽma. Mãɨnepa tachia mãɨya k'ɨ̃risia p'aneeutade ichia k'aripaipɨ choadamẽrá, ichia jara bɨ jĩra ewaricha oopari pẽra.

Hecho 13:46

Mãɨne Pablo mãɨnepa Bernabepa ne wap'eawẽa ãchiá jarasidama: —Piarã taipa mãrá Tachi Ak'õre pedea naa jaradai p'anasidama. Maamina mãrapa mãɨ itu bɨ p'anɨ pẽra mãɨnepa mãramá ewaricha Tachi Ak'õre ome chok'ae bai piawẽa pẽra, taipa judiorãwẽmá mãɨ jarade wãnaipɨ.

Luca 5:1

Ewariaba Jesú senia choma Genesare apataɨ ik'idá basima. Mãɨne Tachi Ak'õre pedea ũrinai k'orea ẽpẽrarã chok'ará ichimá cheepɨrɨsidama.

1 Pedro 4:11

Abaɨpa ne jarateaipɨra, Tachi Ak'õre pedea jaratea bɨ pẽra jĩrak'aua jarateai bɨma. Abaɨpa waapẽarã k'aripaipɨra, Tachi Ak'õre jua chaareadepa k'aripai bɨma. Nejõma oot'ɨ jõmãɨrãpa Jesucristodepa Tachi Ak'õrea pia pedeadamẽrá. Ichiaapuru ewaricha pia pedeadai p'anɨma. Pia bɨma nejõma ichi juade uru bait'a. Minachia pia bɨma mãɨya bait'a.