Hebreo 13:4 - Tachi Ak'õre Pedea

⁴ Ãareaɨrãpa ãchi k'ima ome pia p'ananai k'orea minachia k'ɨ̃risiat'ɨ. Tachi k'ak'uadepa nemietá oopataɨ mãɨnepa k'ima awaraɨ ome k'ãipataɨ Tachi Ak'õrepa ɨtɨai pẽra abapuru mãra k'ima ome k'ãinai p'anɨma.

Hebreo 13:4 Referans Kwoze

Gálata 5:19

Tachia chi nãɨ k'ak'uapa nemietá ooparí minachia k'awa p'anɨma. Nãɨpɨ: k'ima awaraɨ ome k'ãipataɨ, ne k'ĩra p'era oopataɨ, chi ne wawaria ome ne k'ĩra p'era ooyá p'anapataɨ,

Gálata 5:21

waapẽarãpa uru p'anɨ k'orea piawẽa k'ɨ̃risiapataɨ, mĩa peapataɨ, piu nipapataɨ, arapaapataɨ ewari oo p'anɨne minachia nemietá oopataɨ mãɨnepa nejõma nemietá mãɨ jĩra be sida. Mɨa mãrá naena jarada jĩra mãicha jararuma: mãɨ nemietá oo be Tachi Ak'õre juade p'ananaiwẽma, ichidirã paara.

1 Corintio 6:9

¿Mãrapa atua p'anɨk'ãra chi nemietá oopataɨrã Tachi Ak'õre juade p'ananaiwẽt'a, ichidirã paara? ¡Ara machi tuaba searãt'ɨ! Chi k'ak'uadepa nemietá oopataɨrã, juapa oodada sãdo k'ĩrari ɨt'aa chiidi berã, k'ima awaraɨ ome k'ãipataɨrã, ɨmɨk'ĩra wẽra jĩra beapataɨrã, ɨmɨk'ĩra abarik'aɨ ome beapataɨrã, nechɨapataɨrã, erreara awaa berã, piu nipapataɨrã, seadepa waapẽarã k'orea k'achia pedeapataɨrã mãɨnepa waapẽarã seapataɨrã sida Tachi Ak'õre p'uurude p'ananaiwẽma.

Ep'esio 5:5

Mãrapa k'awa p'anɨma k'ima awaraɨ ome k'ãipataɨ, k'ĩra p'erapiparide nipapataɨ mãɨnepa nejõma k'ɨ̃riapataɨ chi Cristo mãɨnepa Tachi Ak'õrepa teadayade adada p'ue jitadaiwẽma. Nejõma k'ɨ̃ria bait'a, juapa oodada sãdode ĩjãa bɨ jĩra bɨma, Tachi Ak'õre k'aepẽra, chi ichia k'ɨ̃ria bɨt'a atepe ĩjãa bɨ pẽra.

1 Timoteo 3:12

Ũpẽarã k'aripaparipa k'ima aba uru bai bɨma. Ichi warrarã mãɨnepa ichi tedepemarã minachia ak'ɨ bai bɨma.

1 Timoteo 3:4

Ichi tedepemarã minachia ak'ɨ bai bɨma, ichi warrarã wap'eapa chok'ea p'ananamẽrá.

1 Corintio 7:38

Piarã chi k'ima atarupa pia oo bɨma. Maamina mɨmá chi k'ima ataiwẽa bɨpa atepe piipará oo bɨma.

Apocalipsi 22:15

Maamina chi nemietá oopataɨrã, chi ẽpẽra nɨɨpataɨrã, chi k'ĩranejasia oopataɨrã, chi mĩa peapataɨrã, chi juapa oodada sãdode ĩjãapataɨrã, mãɨnepa seajarapataɨrã ãarea awara tuaneenaipɨ.

Tito 1:6

Ĩjãapataɨrã ak'ɨparí chõa nepɨra pará bɨade adaiwẽa bai bɨma. K'ima abapuru uru bai bɨma. Ichi warrarãpa Cristode ĩjãa p'ananai p'anɨma mãɨnepa jĩp'a nipadai p'anɨma. Mãɨya ẽpẽrarãpa jaradaiwẽma nemietá oo p'anɨ wa k'ɨɨrɨwẽa p'anɨ.

1 Timoteo 5:14

Mãɨ k'orea mɨa k'ɨ̃ria bɨma p'ẽtã́ wapida warra be k'ima atadait'a, warra t'õnait'a, mãɨnepa ãchi te sida pia ak'ɨdait'a. Mãɨya tachi nek'ĩramaapa p'ue piawẽa pedeaiwẽma.

1 Timoteo 4:3

Ãchia wẽra itu atapidak'ama mãɨnepa chi chik'o be sida itu k'opidak'ama. Maamina Tachi Ak'õrepa ãarea teasima ichide ĩjãapataɨrãpa, chi piarã pedea k'awa berãpa ichiá sõpia p'anɨane adak'ari k'odamẽrá.

2 Corintio 5:10

Piarã Cristopa jõma tachia oodada ak'ɨipɨ. Ichia tachicha teaipɨ tachia nãɨ k'ak'uade oo bada jĩra. Pia oo badapɨra, ara mãɨ jĩra teaipɨ. Piawẽa oo badapɨra, ara mãɨ jĩra teaipɨ.

1 Corintio 9:5

Waapẽarã Jesupa peedaɨrã, Tachi Chipari Jesú ũpẽarã, mãɨnepa Pedro ãchi k'imarã ome nipapatama. Ara ãchi jĩra ¿mɨa Jesude ĩjãaparí wẽra atak'ari, mãɨ ome nipaiwẽa bɨk'ãra?

1 Timoteo 3:2

Mãɨpuru chi ĩjãapataɨrã ak'ɨparí nepɨra pará bɨade adaiwẽa bai bɨma, k'ima aba uru bai bɨma, minachia bɨ jĩra baiwẽa bɨma, k'ɨ̃risia piadepa bai bɨma, k'ĩrip'a bai bɨma, ichi tede cheutarã́ pia pedeai bɨma mãɨnepa pia k'awa jaratea bai bɨma.

Hebreo 12:16

Jĩrak'aua p'anat'ɨ mi ãpia pida wẽra awaraɨ ome k'ãipataɨ mãɨnepa chi Esaú jĩra Tachi Ak'õrene piawẽa k'ɨ̃risiapataɨ mãra paara p'anapidaemaapa. Esaú Jacó warra ĩwini pẽra chi ak'õrepa uru bɨdepema neet'á minachia jitai basima. Maamina ichi ũpẽapa barimama chik'o k'opida k'orea, ichia ichi ak'õre neet'á jitai badat'a ãarea chi ũpẽá teasima.

1 Corintio 6:18

Awaraɨ ome mi ãpia pida k'ãirãt'ɨ. Nemietá awara ooipɨra, mãɨpa tachi k'ak'ua mietá beepiiwẽma. Maamina k'ak'uadepema nemietá ooipɨra, tachi k'ak'ua piawẽa beeipɨ.

1 Tesalonicense 4:6

Mãɨneepuru tachi ũpẽarã nemietá oorãt'ɨ, mãɨnepa mãɨya searãt'ɨ. Jõma makɨɨ Tachi Chiparipa ɨtɨaipɨ taipa mãrá jaradada jĩra.