Hebreo 13:3 - Tachi Ak'õre Pedea

³ K'ɨ̃risia atuarãt'ɨ chi jɨ̃a nɨbɨpataɨ tede nɨbet'a, mãra sida ãchi ome eda serra p'anɨ jĩra. Chi ẽpẽrarãpa piawẽa oo p'anɨnepa minachia mĩa be k'ɨ̃risia atuarãt'ɨ mãra sida ãchi ome minachia mĩa p'anɨ jĩra.

Hebreo 13:3 Referans Kwoze

Hebreo 10:34

Chi Cristo k'orea eda serrasidaɨde mãrapa k'ĩra chupuriasidama. Mãɨnepa mãrapa ne uru beada arapá chi ĩjãanak'apɨɨrã́ itu ẽemaripisidama, k'awa p'anɨ pẽra mãɨ k'aepẽra nepia jõk'apɨ́ pajãne uru p'anɨt'a.

Romano 12:15

Chi arapá be ome arapá p'anat'ɨ. Chi sõp'ua be ome sõp'ua p'anat'ɨ.

1 Corintio 12:26

Tachi k'ak'uadepema aba p'uaipɨra, ãarea p'uaparima. Ara mãɨ jĩra tachi k'ak'uadepema aba bɨ k'orea pia jaradaipɨra, ãarea arapá p'anapatama.

Colosense 4:18

Mɨ Pablopɨ. Ara mɨchi juapa bɨruma mɨa tea peerut'a ãchi arapá p'ananamẽrá. Mɨ eda jɨ̃a nɨbɨ uru p'anɨ k'orea Tachi Ak'õrea ɨt'aa chiidi p'anat'ɨ. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bamẽrá.

1 Pedro 3:8

Mãɨ awara ũpẽarã, abarik'a k'ɨ̃risiadepa jõma mãra ará pia tuanat'ɨ. Waapẽarã k'aripai k'ɨ̃risiadepa p'anat'ɨ. Ũpẽarã pẽra chi k'ɨ̃riat'ɨ. Chi k'ĩra chupuriat'ɨ mãɨnepa waapẽarã k'aepẽra atepe bɨ jĩra k'ɨ̃risiarãt'ɨ.

Mateo 25:43

Chĩara ĩjũanepema jĩra nipaside machi tedea ateewãnaé pasima; mɨ neet'á newẽa baside mãrapa teadaé pasima; mɨ k'ɨdade baside, eda jɨ̃a nɨbɨpataɨ tede baside pida mãrapa mɨ ak'ɨde chedaé pasima”.

Hecho 24:23

Maapae ichia chi papaká berã chi mãɨrã chaarea bɨa Pablo jɨ̃a nɨbɨpataɨ tede ak'ɨpisima, maamina jarasima Pablopa oo k'ɨ̃ria bɨt'a itu oopimẽrá. Mãɨnepa itu bɨsima chi Pablo ũpẽa jĩra berãpa ichi k'aripade chedamẽrá.

Ep'esio 4:1

Mɨ Tachi Chipari k'orea eda serra bɨma. Mɨa mãrá chichupuria idiruma jĩp'a nipadamẽrá. Tachi Ak'õrepa mãra t'ɨ̃sima mãɨya nipadamẽrá.

Hecho 27:3

Norema Sidón p'uurude pasidama. Mãɨne Juliopa sõpiadepa Pablo ichi ũpẽarã jĩra p'anɨmá itu wãpisima ichi ne newẽa bɨt'a mãɨ teadamẽrá.

Hebreo 11:37

Eda waapẽarã mawarapa bat'a peasidama. Eda waapẽarã tachi estarik'a ɨrradak'ari peasidama. Eda waapẽarã k'ĩruuparí nek'opa peasidama. Eda waapẽarã te newẽa be pẽra, paritua p'ɨrrɨa wãsidama. Mãɨne jɨ̃nai k'orea newẽa beada pẽra oveja e k'osada mãɨnepa chivo e k'osada jɨ̃pachidama. Ãchi abaeda ne newẽa beasima. Ẽpẽerãpa ãchi minachia mĩapipachidama mãɨnepa piawẽa oopachidama.