Hebreo 13:2 - Tachi Ak'õre Pedea

² K'ɨ̃risia atuarãt'ɨ chi mãra tiidá cheuta mãɨa pia pedeadai p'anɨt'a. Chi eda waapẽarãpa k'awadawẽa Tachi Ak'õrepa ɨt'aripa peedaɨrã ãchi tiidá pia chepi p'anasidama.

Hebreo 13:2 Referans Kwoze

Mateo 25:35

Mɨ jarra baside mãrapa mɨá nek'opisidama; mɨ opisia baside pania teasidama; mɨ chĩara ĩjũanepema jĩra nipaside mãra tedea ateewãsidama; mɨa neet'á newẽa baside mɨá teasidama; mɨ k'ɨdade baside ak'ɨde chesidama; mãɨnepa mɨ eda jɨ̃a nɨbɨpataɨ tede baside ak'ɨde chesidama”.

Romano 12:13

Ẽpẽrarã Tachi Ak'õreneerã chi nenea k'ede k'aripat'ɨ. Chi mãra tede cheutá pia pedeat'ɨ.

1 Pedro 4:9

Chi mãra tiida cheutarã́ k'achia k'ɨ̃risiadawẽa pia pedeat'ɨ.

Mateo 25:43

Chĩara ĩjũanepema jĩra nipaside machi tedea ateewãnaé pasima; mɨ neet'á newẽa baside mãrapa teadaé pasima; mɨ k'ɨdade baside, eda jɨ̃a nɨbɨpataɨ tede baside pida mãrapa mɨ ak'ɨde chedaé pasima”.

Tito 1:8

Mãɨpari ichi tede cheutarã́ ãarea pia pedeai bɨma, nejõma nepia oo k'ɨ̃ria bai bɨma, k'ɨ̃risia piadepa bai bɨma, jĩp'a bai bɨma, Tachi Ak'õre pae bai bɨma, mãɨnepa ichia ichi k'ak'ua jĩp'a uru bai bɨma.

Mateo 25:40

Mãɨne mɨa p'anooipɨ: “Mɨa piarã jararuma: mãrapa mɨ ũpẽarã chi k'aepe k'ede k'aripasidaɨde ichiaba mɨ k'aripasidama”.

1 Timoteo 5:10

Ãchia pia oodada k'orea t'ɨ̃ p'oa p'ananai p'anɨma. Ãchi warrarã pia taup'ãepachidapɨra, ãchi tedea chedaadarã́ pia pedeapachidapɨra, ũpẽarã jĩru sɨɨpachidapɨra, chi mĩa k'ede k'aripapachidapɨra mãɨnepa nejõma pia oopachidapɨra, mãɨ p'ẽtã́ t'ɨ̃ k'art'ade bɨdai p'anɨma.

1 Timoteo 3:2

Mãɨpuru chi ĩjãapataɨrã ak'ɨparí nepɨra pará bɨade adaiwẽa bai bɨma, k'ima aba uru bai bɨma, minachia bɨ jĩra baiwẽa bɨma, k'ɨ̃risia piadepa bai bɨma, k'ĩrip'a bai bɨma, ichi tede cheutarã́ pia pedeai bɨma mãɨnepa pia k'awa jaratea bai bɨma.

Romano 16:23

Ũpẽa Gayo pida k'ɨ̃ria bɨma mãra pia tuananait'a. Mɨ ichi tiida bɨma. Ũpẽarã jõmãɨrã ichi tiida ará nɨp'anaparima. Nãɨ p'uurudepema erreara ak'ɨparí Erastopa mãɨnepa ũpẽa Cuartopa k'ɨ̃ria p'anɨma mãra pia tuananait'a.

Hecho 16:15

Lidia mãɨnepa ãarea chi ichi tedepemarã porochoasidaɨde taiyá chichupuria idisima ichi tede p'aneenamẽrá. Nãɨya jarasima: —Mãramá mɨa piarã Tachi Chiparide ĩjãasira mɨ tede p'aneene chet'ɨ. Mãɨya tai ichi tede p'aneepisima.

3 Juan 1:5

Ũpẽa, pɨa ũpẽarã k'aripa bɨdepa pia oo bɨma. Chi pɨa unuk'apɨ́ ũpẽarã sida k'aripapari pẽra piarã minachia pia oo bɨma.