Hebreo 12:3 - Tachi Ak'õre Pedea

³ Minachia k'ɨ̃risiat'ɨ ẽpẽra k'achia p'anɨrãpa Jesú piawẽa oosidaɨde sãmaasã́ choasit'a. Mãɨya mãra sẽnawẽma mãɨnepa ĩjãa p'anɨt'a itu bɨdai k'ɨ̃risiadaiwẽma.

Hebreo 12:3 Referans Kwoze

Gálata 6:9

Mãɨpuru sẽnawẽa nepia oo p'anat'ɨ. Sẽnawẽa p'anɨpɨra, Tachi Ak'õrepa bɨda ewaride tachia nepia atadaipɨ.

2 Corintio 4:16

Mãɨpuru taipa waa jarateadaiwẽ k'ɨ̃risiadak'ama. Tai k'ak'ua ewaricha jõpodoutamina Tachi Ak'õrepa k'aripa bɨma tai sõne chaarea p'ananamẽrá.

Apocalipsi 2:3

Mãra mɨ k'orea minachia mĩa p'anɨne jõma choa p'anɨma mãɨnepa sõ edá baedawẽa mɨ pae pia mimia p'anɨma.

1 Corintio 15:58

Mãɨ k'orea ũpẽarã mɨa k'ɨ̃ria berã, minachia ĩjãa p'anat'ɨ. Tachi Chiparipa k'ɨ̃ria bɨ minachia oopariet'ɨ. Mãrapa k'awa p'anɨma chi Tachi Chipari pae oo p'anɨ, pari oo p'anɨwẽt'a.

Hebreo 12:2

Jesude pia k'ɨ̃risiadai p'anɨma. Ichia k'aripasima tachia naa ĩjãanamẽrá mãɨnepa k'aripaparima ewaricha ĩjãa p'ananamẽrá. K'ɨ̃risiat'ɨ sãmaasã́ ichi k'urusude minachia mĩasit'a. Mãɨ k'orea p'erai badamina p'eraé pasima. Ichia k'awasima mãɨya nak'ari minachia arapá bait'a. Idiapae Tachi Ak'õre suak'a beeparí pia bɨ juaraari suak'abari bɨma.

Hebreo 3:1

Ũpẽarã, mãra ẽpẽerã Tachi Ak'õrenepemarã pẽra mãɨnepa ichia mãra t'ɨ̃na pẽra, Jesucristo k'orea minachia jĩrak'aua k'ɨ̃risiat'ɨ. Tachia piarã ĩjãa p'anɨane apatama Ichi Tachi Ak'õrepa peedapɨ mãɨnepa P'aare minachia k'awa bɨpɨ.

2 Corintio 4:1

Tachi Ak'õrepa tachi mãɨya k'ĩra chupuria bɨdepa ichi pedea itu jarateapi bɨ pẽra, taipa k'ĩra sẽ p'anɨ jĩra k'ɨ̃risiadak'ama.

Juan 5:16

Mãɨpuru p'aarerã chi chaarearãpa Jesú k'orea minachia k'achia pedea p'aneesidama mãɨ ẽpẽra mimianak'apɨ́ ewaride jɨpa beepida pẽra.

Hebreo 12:5

Pia ĩjãanamẽrá Tachi Ak'õre pedeade bɨ bɨma ¿mãrapa k'ɨ̃risia atuasidak'ãra? Ichi warrarã́ nãɨya jarasima: «Mɨ warra, Tachi Chiparipa ɨtɨarude minachia k'ɨ̃risiarãse. Ichiaba ũraarune sõk'achiarãse.

Luca 14:1

Mimianak'apɨ́ ewaride Jesú p'ariseo chi chaarea bɨ tede nek'ode wãsima. Mãɨne waapẽarã p'ariseorãpa minachia ak'ɨ p'anasidama ichia piawẽa ooi k'awa.

2 Tesalonicense 3:13

Maamina ũpẽarã, pia oo p'anɨnepa sẽrãt'ɨ.

Juan 18:22

Jesupa mãɨya jararude Tachi Ak'õre te ot'eapataɨrãnepema aba ichi k'ait'a badapa Jesú k'ĩtarramá p'ek'ari jarasima: —¿Jãɨya p'anoo bɨk'ãra chi p'aare minachia k'awa bɨa?

Juan 8:52

Mãɨne judiorãpa Jesua jarasidama: —Naapae taipa k'awautama pɨ jaore mietá uru bɨt'a. Abrahán piusima. Ãarea Tachi Ak'õre pari pedeapataɨrã sida piusidama, maamina pɨa jara bɨma: “Mɨ pedea ĩjãak'ari oo bɨt'a mãɨ piuk'á paipɨ”.

Juan 8:59

Jesupa mãɨya jarada k'orea judiorãpa mawara atasidama ichi bat'a peadayá. Maamina Jesú mĩruk'ari Tachi Ak'õre te edapema ãyá wãsima.

Juan 8:13

Mãɨne p'ariseorãpa Jesua jarasidama: —Pɨa ara pɨchi k'orea pedea bɨ pẽra mãɨpa jarawẽa bɨma pɨa jara bɨ piarãpɨ.

Juan 7:12

Mãɨne chok'ará arí p'anɨrãpa Jesú k'orea wawaria pedeapachidama. Waapẽarãpa jarapachidama: «Ichi ẽpẽra pia bɨpɨ», maamina waapẽarãpa jarapachidama: «Mãɨyawẽma; ẽpẽerã seaparipɨ».

Luca 16:14

Jesupa jarada p'ariseorãpa ãarea ũri tuanasidama. Ãchia erreara k'ɨ̃riapata pẽra Jesú oo uru p'aneesidama.

Luca 15:2

Mãɨpuru p'ariseorãpa mãɨnepa Moisepa bɨda jarateapataɨrãpa ichi k'orea nãɨya piawẽa pedea p'aneesidama: «Ichia nemietá oopataɨrã́ pia pedeak'ari ãchi ome nek'oparima».

Luca 5:21

Mãɨ ũrisidaɨde chi arí p'anɨ p'ariseorãpa mãɨnepa Moisepa bɨda jarateapataɨrãpa nãɨya jarasidama: «Ichi ¿k'ai k'ɨ̃risia bɨma? ¿K'ãre k'orea mãɨya Tachi Ak'õre k'ĩrari piawẽa pedea bɨma? Aba Tachi Ak'õrepuru ẽpẽrapa nemietá ooda p'ue k'ɨ̃risia atuaipɨ».

Luca 2:34

Mãɨne Simeónpa ãchiá pia jarak'ari Mariá nãɨya jarasima: —Tachi Ak'õrepa nãɨ warra teasima israeldepemarã chok'araɨrã pia bɨmẽrá mãɨnepa ichiaba chok'araɨrã piawẽa bɨyá. K'awapiipɨ ichi Tachi Ak'õrenepa che bɨt'a, maamina ichi k'orea k'achia pedeadaipɨ.

Mateo 22:15

Mãɨya bak'ari p'ariseorãpa pedea ausidama Jesua pedea ãyá pedeapidai k'orea.

Mateo 21:46

Mãɨpuru ãchia Jesú jita k'ɨ̃ria p'anasidama. Maamina p'uurudepema ẽpẽrarã wap'ea p'anɨ pẽra itu bɨsidama. P'uurudepemarãpa k'ɨ̃risia p'anasima Jesú Tachi Ak'õre pari pedeaparí.

Mateo 21:23

Jesú mãicha Tachi Ak'õre te minachia bɨ k'ait'a chek'ari jaratea beesima. Mãɨya bɨde p'aarerã chi mãɨrã chaarearã mãɨnepa judiorã chaarearã ichimá chesidama. Ãchia Jesua nãɨya idisidama: —Pɨa nãma oo bɨ ¿k'aipa oopi bɨma?

Mateo 15:2

—Pɨ ome p'ɨrrɨapataɨrã jua sɨɨdawẽa nek'opatama. ¿K'ãre k'orea tachi chõarãenapemarãpa jarateadada itu bɨpatama?

Mateo 12:24

Maamina ãchia mãɨya jara p'anɨ p'ariseorãpa ũrisidama. Mãɨrãpa jarasidama: «Jãɨ ẽpẽrapa jaore mietá ãyá jeret'aaparima, jaore mietaarã chi atepe bɨ Beelzebupa mãɨ jua chaarea teada pẽra».

Mateo 11:19

Mãɨpari mɨ, chi Ẽpẽra Warrapa ne ãarea k'oparima mãɨnepa ne ãarea toparima. Maamina ãchia jarapatama mɨ miak'ãe nek'oparipɨ mãɨnepa it'ua minachia toparipɨ. Mãɨ awara jarapatama mɨ nemietá oopataɨrã ome mãɨnepa Romanepema pae erreara jɨrɨp'epataɨrã ome nipapariade apatama. Maamina Tachi Ak'õre k'ɨ̃risia jĩp'a bɨt'a k'awa p'anɨma, chi ichide ĩjãapataɨrãpa jĩp'a oopata pẽra».

Juan 9:40

Waapẽarã p'ariseorã Jesú k'ait'a p'anɨpa mãɨ pedea ũrisidaɨde idisidama: —Pɨa ¿k'ãre k'orea mãɨya jara bɨma? ¿Tai tau p'ãrio p'anɨk'ãra?

Juan 10:20

Chok'araɨrãpa jarasidama: «Jãɨ ẽpẽrapa jaore mietá uru bɨma. Ichi k'ĩra piawẽa bɨma. ¿K'ãre k'orea ichi pedea ũrinaima?»

1 Pedro 2:23

Ẽpẽrarãpa ichiá k'achia pedeasidaɨde ãchiá k'achia pedeaé pasima. Ichi piawẽa oosidaɨde ichia jõnea piawẽa ooyade a jaraé pasima. Mãɨpari Tachi Ak'õrepa jĩp'a nepɨra ak'ɨpari pẽra ichi piawẽa oo p'anɨt'a Tachi Ak'õre juade bɨpachima.