Hebreo 12:2 - Tachi Ak'õre Pedea

² Jesude pia k'ɨ̃risiadai p'anɨma. Ichia k'aripasima tachia naa ĩjãanamẽrá mãɨnepa k'aripaparima ewaricha ĩjãa p'ananamẽrá. K'ɨ̃risiat'ɨ sãmaasã́ ichi k'urusude minachia mĩasit'a. Mãɨ k'orea p'erai badamina p'eraé pasima. Ichia k'awasima mãɨya nak'ari minachia arapá bait'a. Idiapae Tachi Ak'õre suak'a beeparí pia bɨ juaraari suak'abari bɨma.

Hebreo 12:2 Referans Kwoze

1 Pedro 3:18

Cristo jĩp'a bɨmina nemietá k'orea bari k'ak'o aba mĩasima. Mãɨpa tachi chi jĩp'a bewẽ Tachi Ak'õre ome pia bɨsima. Ichi nãɨ k'ak'ua piusima, maamina Tachi Ak'õre Jaoredepa chok'ae p'irabarisima.

Hebreo 1:3

Ichi Warrapa Tachi Ak'õre k'ĩrawãrea achiterrea unupiparima. Ichiapuru Tachi Ak'õre sãmaasã́ bɨt'a k'awapiparima. Ichi pedea jua chaarea bɨdepa ne ãarea ooda ichi juade ara mãɨya uru bɨma. Ichia tachi nemietá oodada sɨɨk'ari Tachi Ak'õre chi auk'ará bɨ juaraari pajãne suak'abari beesima.

Ep'esio 5:2

Jõmãɨrã k'ɨ̃riat'ɨ Cristopa tachi k'ɨ̃ria bɨ unupida jĩra. K'ɨ̃rianepa tachi k'orea ara ichi itu peapisima Tachi Ak'õrea ãnimara paatearu jĩra. Tachi Ak'õrepa mãɨ pia unusima.

P'ilipense 1:6

Mɨa nãɨ piarã k'awa bɨma: Tachi Ak'õrepa mãra sõne pia ooda, pia oopodoipɨ aba Jesucristo cherudea. Mãɨne ichia mãra jõma pia ua baipɨ.

Hebreo 9:28

Ara mãɨ jĩra Cristopa bari k'ak'o aba ara ichi itu peapisima chok'araɨrãpa nemietá oodada ãyá bɨi k'orea. Ichi mãicha cheipɨ, maamina mãɨne cheiwẽma tachia nemietá oopataɨt'a ãyá bɨi k'orea. Mãɨpari cheipɨ ichi nɨ p'anɨrã k'aripai k'orea.

Juan 6:40

Mɨ Ak'õrepa piarã k'ɨ̃ria bɨma ẽpẽerãpa mɨ ichi Warra k'awadak'ari, mɨne ĩjãanak'ari ichi ome ewaricha chok'ae p'ananamẽrá. Mãɨya mɨa ãchi nãɨ jõru ewaride chok'ae p'irabaripiipɨ.

1 Pedro 3:22

Mãɨ Jesucristo chok'ae p'irabarik'ari, pajãnea wãk'ari Tachi Ak'õre juaraari bɨma. Jõma Tachi Ak'õrepa ɨt'aripa peedarã, jõma jaore mietaarã chi atepe k'awa p'anɨrã, chi jua chaarea berã sida ichi juade uru bɨma.

Hecho 5:31

Tachi Ak'õrepa Jesú ichi juaraari bɨsima Tachi Chipari mãɨnepa Tachi K'aripaparí bamẽrá. Ichidepa israel ĩjũanepemarãpa nemietá itu bɨdak'ari mãicha Tachi Ak'õremá p'ue chedaipɨ. Mãɨyara ãchia nemietá oodada Tachi Ak'õrepa k'ɨ̃risia atuaipɨ.

Luca 24:26

¿Tachi Ak'õrepa Tachi K'aripaparí teai jarada chi Choma beei naena minachia mĩa baiwẽ pasik'ãra?

Juda 1:21

Tachi Ak'õrepa tachi k'ɨ̃ria bɨdepa nipat'ɨ. Tachi Chipari Jesucristopa k'ĩra chupuria bɨdepa ewaricha chok'ae bapiit'a nɨ p'anat'ɨ.

Hebreo 8:1

Chi k'ɨ̃risia taipa minachia jara p'anɨt'a nãɨpɨ: tachi P'aare minachia k'awa bɨ pajãne Tachi Ak'õre suak'a beeparí auk'ará bɨde juaraari suak'abari bɨma,

2 Timoteo 4:8

Naapae mɨa jĩp'a oo bɨ k'orea Tachi Chiparipa mɨ pae poro jũra jɨ̃parí uru bɨma. Ichia jĩp'a ak'ɨpari pẽra mãɨ poro jũra jɨ̃parí mɨá teaipɨ ichia ak'ɨrude. Maamina mɨá puru teaiwẽma, mãɨpari jõma ichi chei ewari unu k'ɨ̃ria berã́ teaipɨ.

P'ilipense 3:20

Maamina tachi pajãnepemarãpɨ. Tachi K'aripaparí mãmãɨpa cheit'a nɨ p'anɨma. Ichi Tachi Chipari Jesucristopɨ.

Marco 14:36

Nãɨya jarasima: «Ak'õre, pɨa ne ãarea p'ue ooi bɨma. Mɨ itu mĩapirãse. Maamina mɨa k'ɨ̃ria bɨ jĩra oorãse. Oose pɨapuru k'ɨ̃ria bɨ jĩra».

Apocalipsi 2:8

»Ũpẽarã Esmirna p'uurudepema ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Chi Naa bɨ mãɨnepa K'aadea bɨ, chi mãɨ piu bada ya chok'ae beedapa nãɨya jara bɨma:

Hebreo 13:13

Mãɨpuru p'uuru awara Jesumá wãuta jĩra abapuru ichi ome wãnai p'anɨma. Ẽpẽerãpa Jesua k'achia pedeadada jĩra tachiá pida k'achia pedeautade choadai p'anɨma.

Hebreo 5:9

Ne ãareaɨne arí ooda pẽra, chi ichi pedea ũriutarã ãarea k'aripaipɨ ewaricha chok'ae p'ananamẽrá.

Juan 13:3

Jesupa k'awa basima ichi Ak'õrepa ne ãarea ichi juade bɨsit'a, mãɨnepa k'awa basima ichi Tachi Ak'õremãɨpa chek'ari mãicha ichimá wãit'a.

Luca 17:5

Mãɨne Tachi Chiparipa ichi peedaɨrãpa ichiá jarasidama: —Tai k'aripase pia ĩjãanai k'orea.

Marco 9:24

Ara mãɨne chi ak'õrepa jĩk'ua jarasima: —Mɨa ĩjãa bɨma maamina k'aripase mɨa pia ĩjãai k'orea.

Hebreo 12:3

Minachia k'ɨ̃risiat'ɨ ẽpẽra k'achia p'anɨrãpa Jesú piawẽa oosidaɨde sãmaasã́ choasit'a. Mãɨya mãra sẽnawẽma mãɨnepa ĩjãa p'anɨt'a itu bɨdai k'ɨ̃risiadaiwẽma.

Ep'esio 2:16

Ichi k'urusude piudadepa p'uuru ume bada p'uuru aba ook'ari umea Tachi Ak'õre ome pia bɨsima. Mãɨya tachi awara p'anana ichia ará pia bɨsima.

Hecho 5:41

Ara mãɨne Jesupa peedaɨrã chi judiorã chõarã ará p'anɨmãɨpa arapá wãsidama. K'awasidama Tachi Ak'õrepa ãchi pia unusit'a, Jesú t'ɨ̃ k'orea mĩasida pẽra.

Juan 12:32

Mɨ ɨt'ɨ barijira bɨutade mɨa ãareaɨrã ara mɨchimá enemeeipɨ mɨne ĩjãanamẽrá.

1 Pedro 1:11

Cristo Jaore ãchi sõne bɨpa pedeapipachima Cristo minachia mĩak'ari Tachi Ak'õrepa pia bɨi k'orea. Mãɨpa pedeak'ari k'awa k'ɨ̃ria p'anasidama k'ai k'orea Cristo Jaorepa ãchiá pedeapisit'a mãɨnepa sãapae jõma mãɨ mãɨyai.

Hebreo 10:14

Cristopa barimama ara ichi itu peapisidepa chi Tachi Ak'õre pae awara bɨdaɨrã jĩp'a bɨsima, mãɨya ewaricha p'ananamẽrá.

Juan 12:24

Mɨa piarã jararuma: trigo tau ĩjũane baek'ari ya piuepɨra, aba ichi tuaba beeima. Maamina mãɨ trigo tau piuda jĩra ĩjũane beeipɨra, mãɨya bak'ari minachia chauparima.

Juan 8:56

Mãra chõarãenapema Abrahán arapaasima mɨ nãɨ ĩjũanea cheru ewari unui k'awa bada pẽra. Piarã unuk'ari maapae minachia arapá beesima.

Juan 1:29

Mãɨ norema Juanpa Jesú ichimá cheru unuk'ari, ya jarasima: «¡Ak'ɨt'ɨ! Jãɨt'a Tachi Ak'õre oveja chak'epɨ. Ichidepa Tachi Ak'õrepa nãɨ ĩjũanepemarãpa nemietá oopataɨ k'ɨ̃risia atuaipɨ.

Luca 23:11

Mãɨya p'anɨne Herodepa ichi papaká berã pida Jesú oo uru p'aneesidama mãɨnepa k'achia pedea p'aneesidama. Anamari auk'ará k'ɨrɨt'a Jesua jɨ̃pidak'ari ichi oo uru p'aneesidama. Mãɨya bak'ari Herodepa ichi jĩitea ateewãpisima Pilatomá.

Mateo 20:28

Mãɨ jĩra mɨ, chi Ẽpẽra Warra chewẽa bɨma ẽpẽerã chi mɨ pae pari mimiapataɨrã padamẽrá. Mãɨpari mɨ che bɨma ẽpẽerã pae pari mimiaparí bai k'orea. Mãɨya mɨ piuipɨ ẽpẽerã minachia k'aripai k'orea.

Mateo 16:21

Mãɨ ewaridepa Jesupa ichi ome p'ɨrrɨapataɨrã́ jarapachima ichi Jerusalene minachia mĩai bɨ. Nãɨya jarasima: —P'uurudepema chaarearã juade, p'aarerã chi mãɨrã chaarearã juade mãɨnepa Moisepa bɨda jarateapataɨrã juade mɨ minachia mĩaipɨ. Mɨ peapidaipɨ maamina ewari ũpeaɨde chok'ae p'irabariipɨ.

Apocalipsi 1:17

Ichi unuside ne wap'eapa mɨ ichi jĩru k'ait'a piuda jĩra jeeda baesima. Maamina ichi juaraara mɨ ɨ̃rɨ bɨk'ari jarasima: «Ne wap'earãse. Mɨ chi naapemapɨ mãɨnepa chi k'aadeapemapɨ.

Apocalipsi 1:11

Mãɨpa jarasima: «Pɨa unurut'a k'art'ade bɨk'ari ũpẽarã siete p'uuru bede p'anɨmá tea peese: Ep'esodea, Esmirnanea, Pérgamonea, Tiatiradea, Sardidea, P'iladelp'iadea, mãɨnepa Laodiceadea».

Hebreo 7:19

mãɨnepa mi ãpia pida jĩp'a bɨé pasima. Mãɨ Moisepa bɨda k'aepẽra Tachi Ak'õrepa nepia teasima tachi k'aripai k'orea. Mãɨnepa Tachi Ak'õremá ará orrobariparima.

Hebreo 1:13

Tachi Ak'õrepa mi ãpia pida Ichia ɨt'aripa peedá jaraé pasima: «Mɨ juaraari suak'abari beese aba mɨa pɨchi nek'ĩramá pɨchi juade bɨrudea».

Hecho 2:36

»Mãɨ k'orea ãarea israel ĩjũanepemarã, piarã k'awat'ɨ: Jesú, chi mãrapa k'urusude barijira bɨpidada, Tachi Ak'õrepa mãɨ chi ãareaɨrã Chipari mãɨnepa Tachi K'aripaparí teai jarada bɨsima».

Marco 9:12

Jesupa p'anoosima: —Piarã Elía naa chei bɨma nejõma pia bɨi k'orea. Maamina ¿k'ãre k'orea Tachi Ak'õre pedeade bɨ bɨma chi Ẽpẽra Warra minachia mĩai bak'ari ẽpẽerãpa ichi itu bɨdait'a?

Apocalipsi 1:8

Tachi Chiparipa jarasima: «Mɨt'u chi Ne Ãarea P'ue Bɨ Tachi Ak'õrepɨ, chi Alp'apɨ mãɨnepa chi Omegapɨ. Mãɨpa jara bɨma mɨ chi Naapemapɨ mãɨnepa chi K'aadeapemapɨ. Mɨpɨ, naena basima, mãɨnepa chi chei bɨpɨ».

Hebreo 11:36

Chi eda waapẽarã Tachi Ak'õrene ĩjãa p'anɨ k'orea ẽpẽerãpa oo uru p'anɨpa k'achia pedeasidama, soapa p'esidama mãɨnepa k'ãnenapa jɨ̃nak'ari eda jɨ̃a nɨbɨpataɨ tede jɨ̃a nɨbɨpisidama.

Hebreo 10:33

Edaɨde ẽpẽerãpa Cristo k'orea k'achia pedeasidama mãɨnepa mãra mĩapisidama. Ichiaba edaɨde mãra tachi ũpẽarã Cristo k'orea mĩa p'anɨrã paara minachia mĩasidama.

Marco 16:19

Mãɨya jarak'ari Tachi Ak'õrepa Tachi Chipari Jesú ɨt'aa pajãnea ateewãsima. Mãma ichi juaraari suak'abari beesima.

Hecho 3:15

Mãɨya mãrapa chi tachi Chok'ae Bapiparí peasidama. Maamina Tachi Ak'õrepa ichi piu bada chok'ae p'irabaripisima. Mãɨ chok'ae p'irabaridat'a taipa unusidama.

1 Corintio 1:18

Chi ẽpẽrarã t'ɨpɨ urua nɨbɨdea wãnai p'anɨrãmá, Cristo k'urusude piuda k'orea paritua pedea bɨ jĩra bɨma. Maamina tachit'u, chi Tachi Ak'õrepa k'aripapataɨrãpa k'awa p'anɨma mãɨ pedeapa Tachi Ak'õre jua chaarea k'awapi bɨt'a.

1 Corintio 1:23

Maamina taipa Cristo k'urusude piuda jaratea p'anɨma. Mãɨ pedea judiorãpa pia ũrinak'ama. Judiorãwẽpa mãɨ piawẽa bɨ k'ɨ̃risiapatama.

Santiago 2:1

Ũpẽarã, mãrapa tachi pia bɨ Chipari Jesucristode ĩjãa p'anɨ pẽra abaɨ pia k'ɨ̃riarãt'ɨ waapẽarã k'aepẽra.

Marco 15:28

[Mãɨyasima Tachi Ak'õre pedeade jara bɨ jĩra. Nãɨya jara bɨma: «Ichi ẽpẽra mietá jĩra peasidama».]