Hebreo 12:11 - Tachi Ak'õre Pedea

¹¹ Ɨtɨautade tachi arapaapidak'ama mãɨpari minachia sõk'achiapipatama. Maamina jãapae chi jĩp'a oodai k'awadak'ari ara mãɨya oopatama mãɨnepa ne k'ɨ̃risiawẽa p'anapatama.

Hebreo 12:11 Referans Kwoze

2 Corintio 4:17

Tai ara nãɨena minachia mĩapatamina, mãɨ naa tai k'aripa bɨma chi Tachi Ak'õre k'ĩrawãrea pia bɨde ewaricha p'ananai k'orea. Mãɨ k'ĩrawãrea atepe pia baipɨ chi idiapae ãpia mĩapataɨ k'aepẽra.

1 Pedro 1:6

Mãɨ k'orea minachia arapá p'anɨma. Ara nãɨena ne wawariadepa mãra minachia mĩa p'anɨmina,

Hebreo 12:10

Tachi ak'õrearã nãɨ ĩjũane chok'ae p'anasidaɨde tachi ɨtɨapachidama ara ãchia k'ɨ̃risia p'anana jĩra. Maamina Tachi Ak'õrepa mãɨya ooparima ichi jĩra nemietaawẽa pia p'ananamẽrá.

Hebreo 5:14

Maamina chi chik'oara chõarã paepuru bɨma. Ãchia Tachi Ak'õre pedea jĩrak'aua k'ɨ̃risia p'anɨnepa k'awa p'anɨma k'ãret'u chi pia bɨt'a mãɨnepa k'ãret'u piawẽa bɨt'a.

Romano 14:17

Tachi Ak'õrepa ichi juade p'anɨrã́ jarak'ama k'ãre k'odai p'anɨt'a mãɨnepa k'ãre todai p'anɨt'a. Mãɨpari k'ɨ̃ria bɨma ãchia ichi Jaoredepa jĩp'a oo p'ananait'a, ne k'ɨ̃risiawẽa p'ananait'a mãɨnepa arapá p'ananait'a.

2 Pedro 2:14

K'ima awaraɨ ome k'ãii k'orea p'anapatama. Nejõma nemietá oo p'anɨpa k'ĩra sẽnak'ama. Chi minachia ĩjãawẽa berã seapatama. Nejõma k'ɨ̃riapatama. Mãɨ k'orea Tachi Ak'õrepa ãchi ɨtɨaipɨ.

2 Timoteo 4:8

Naapae mɨa jĩp'a oo bɨ k'orea Tachi Chiparipa mɨ pae poro jũra jɨ̃parí uru bɨma. Ichia jĩp'a ak'ɨpari pẽra mãɨ poro jũra jɨ̃parí mɨá teaipɨ ichia ak'ɨrude. Maamina mɨá puru teaiwẽma, mãɨpari jõma ichi chei ewari unu k'ɨ̃ria berã́ teaipɨ.