Hebreo 11:7 - Tachi Ak'õre Pedea

⁷ Tachi Ak'õrepa Noea jarasima ne waidi unuk'á bet'a mãɨ ununait'a. Mãɨ Noepa ĩjãana pẽra, Tachi Ak'õre wap'ea bada pẽra p'ãp'orro minachia bɨt'a oosima, ichi ẽpẽerã k'aripai k'orea. Mãɨya chi nãɨ ĩjũane bea ãchi nemietá k'awapisima. Noepa ĩjãana pẽra Tachi Ak'õrepa ichi jĩp'a unusima.

Hebreo 11:7 Referans Kwoze

1 Pedro 3:20

Mãɨrã jaorepa Noé ewaride Tachi Ak'õre pedea ĩjãanaé pasima. Mãɨne Noepa p'ãp'orro nepalá oo bɨmisa Tachi Ak'õrepa jõma choa bɨdepa nɨ basima ãchia ĩjãanamẽrá. Maamina ẽpẽra chok'araawẽa to minachia cheside k'aripasima. Pia jaradaipɨra, ocho k'aripasima.

Romano 4:13

Tachi Ak'õrepa Abrahaná mãɨnepa ichidepa chedai pada ẽpẽrarã́ nãɨ ĩjũa teayade asima. Maamina mãɨya jaraé pasima Abrahanpa Moisepa bɨda uru bɨda pẽra. Mãɨpari mãɨya jarasima Abrahán nepɨra newẽa bɨade a jarada pẽra. Mãɨya nepɨra newẽa bɨade a jarasima Abrahanpa ichide ĩjãana pẽra.

Luca 17:26

»Chi Ẽpẽra Warra chei ewari mãɨ Noé ewaride bada jĩra baipɨ.

P'ilipense 3:9

mãɨnepa ichi ome bai k'orea. Mɨ ichi ome bɨwẽma chi Moisepa bɨdadepa, mãɨpari mãɨya bɨma Cristopa ichi Ak'õre pedea ook'ari, tachi k'orea piuda pẽra. Mɨa Cristode ĩjãa bɨ pẽra, Tachi Ak'õrepa mɨ ichi ome uru bɨma.

Gálata 5:5

Maamina tachia Cristode ĩjãa p'anɨ pẽra Tachi Ak'õre Jaoredepa piarã k'awa p'anɨma Tachi Ak'õrepa tachi chi jĩp'a berã paara bɨit'a.

Hebreo 5:7

Cristo nãɨ k'ak'uade baside ɨbɨa jẽa bɨpa Tachi Ak'õrea jĩk'ua chichupuria idisima, ichi piui bɨdepema p'ue k'aripai bada pẽra. Mãɨne chi Tachi Ak'õrepa k'ɨ̃ria bɨ jĩra ooyade ada pẽra, Tachi Ak'õrepa ichi pedea ũrisima.

Romano 3:22

Mãɨya Tachi Ak'õrepa ara ichia jararut'a ooparima, mãɨ Jesucristo ichi piuside ichi Ak'õre pedea ũri basi pẽra. Mãɨya ichia chi ãarea Jesude ĩjãautat'a chi ichidirã jĩp'a berã paara bɨparima. Aba pida k'ĩra awara unuk'ama.

Romano 1:17

Mãɨ pedea piadepa Tachi Ak'õrepa k'awapi bɨma tachi k'aripait'a, ichia jara bɨ jĩra. Jesucristode ĩjãautarã mãɨya baipɨ. Tachi Ak'õre pedeade nãɨya bɨ bɨma: «Chi jĩp'a bɨt'a, Tachi Ak'õrene ĩjãa bɨdepa chok'ae baipɨ».

Mateo 3:7

Mãɨya bɨde chi eda waapẽarã Moisepa bɨda jarateapataɨrã chesidama Juanpa porochoamẽrá. Chi eda waapẽarã p'ariseorã pasima; chi waapẽarã saduceorã pasima. Maamina Juanpa ãchi unurune jarasima: «Mãra taama jĩra berã, ¿K'aipa jarasima mãra Tachi Ak'õrepa tachi ɨtɨai ewaridepema p'ue mĩrunait'a?

2 Pedro 3:6

Ara mãɨ paniapa jõma nãɨ ĩjũane naena p'anana ãarea piupisima to minachia chesidepa.

2 Pedro 2:5

Mãɨnepa chõarãenapemarãpa Tachi Ak'õre itu bɨsidaɨde ichia k'ĩra chupuriaé pasima. Mãɨpari to minachia chepisima mãɨ ẽpẽrarã ãarea todepa piudamẽrá. Maamina Noepa tachi jĩp'a nipadai k'orea jarateapachima. Ichi, ichi ẽpẽrarã siete p'anɨ sida Tachi Ak'õrepa k'aripasima.

2 Pedro 1:1

Mɨ Simón Pedropɨ, Jesucristo pae pari mimiaparipɨ mãɨnepa ichia peedapɨ. Mɨa nãɨ k'art'a bɨruma chi Tachi Ak'õrene mãɨnepa Tachi K'aripaparí Jesucristode ĩjãapataɨrã pae. Ichi jĩp'a bɨ pẽra, mãra tai ome abarik'a pia ĩjãa p'anɨma.

Hebreo 11:1

Tachia Tachi Ak'õrene ĩjãa p'anɨ pẽra k'awa p'anɨma chi tachia ne nɨ p'anɨt'a piarã jitadaipɨ mãɨnepa chi tachia ne ununawẽa p'anɨt'a mãɨrã piarãpɨ.

Romano 10:6

Maamina Tachi Ak'õre taade jĩp'a p'anɨrãnepema pai k'orea Cristode ĩjãa bɨma. Mãɨpa nãɨya jara bɨma: «Pɨ sõne jararãse: “¿K'ai pajãnea wãi bɨma?” (Cristo nãɨ ĩjũanea chepii k'orea).

Romano 4:11

Abrahanpa Tachi Ak'õrene ĩjãana pẽra, k'ak'ua tauchaawẽa badamina Tachi Ak'õrepa ichi nepɨra newẽa bɨade a jarasima. Mãɨ k'awapii k'orea Abrahanpa k'aadea ichi k'ak'ua tauchaasima. K'ak'ua tauchaawẽa berãpa Tachi Ak'õrene ĩjãanaipɨra, Abrahán ãchi ak'õrepɨ, abarik'a ĩjãa p'anɨnepa Tachi Ak'õrepa nepɨra newẽa p'anɨane a jara bɨ pẽra.

Mateo 24:38

To piruii naena ẽpẽrarã nek'opachidama, netoparí topachidama, miak'ãipachidama mãɨnepa chi k'aurã k'ima teak'oapachidama. Mãɨya p'anapachidama aba Noé p'ãp'orro nepalá bɨde batoorudea.

Mateo 24:25

Jõma makɨɨ mɨa mãrá jarasima mãɨyai naena.

Romano 9:30

¿Mãɨpa k'ãre jara bɨma? Judiorãwẽpa jɨrɨdak'a pasima chi Tachi Ak'õre p'uuru jĩp'a bɨ padai k'orea. Maamina mãɨya p'aneesidama Cristode ĩjãanana pẽra.

Mateo 24:15

»Tachi Ak'õre pari pedeaparí Danielpa k'art'ade bɨsima Tachi Ak'õre te minachia bɨde, eda chi pia bɨ tejãne, abaɨpa chi nemietá Tachi Ak'õrepa k'ɨ̃riak'aɨ bɨipɨ. (Chi k'art'a eda jara bɨpa k'ãre jara bɨt'a k'awai bɨma). Mãrapa mãɨ unuutade Judea tuade berã eyadea mĩruwãnai p'anɨma.

Mateo 2:12

Mãɨya bak'ari k'ãmok'araade Tachi Ak'õrepa jarasima waa wãpidaemaapa Herodemá. Mãɨneepuru o awaraɨde wãsidama ãchi tuadea.

Hebreo 8:5

P'aarerãpa oo p'anɨnepa unupipatama pajãne sãmaasã́ bɨt'a. Mãɨpuru Moisepa chi Tachi Ak'õre te ãnimara e ooi naena Tachi Ak'õrepa ichiá nãɨya jarasima: «Jõma arí oot'ɨ mɨa eyade unupida jĩra».

Hebreo 12:25

Mãɨ k'orea jĩrak'aua p'anat'ɨ Tachi Ak'õrepa jara bɨt'a itu bɨdaemaapa. Chi ichia nãɨ ĩjũane Sinaí eyade jarada itu bɨdaadarã ɨtɨaside ãjã́ p'aneenaé pasima. Mãɨpuru ichia pajãnepa tachi sõne jara bɨt'a itu bɨdaipɨra ¿Mĩrunaik'ãra? Mĩrunaiwẽma.