Hebreo 11:5 - Tachi Ak'õre Pedea

⁵ Enopa Tachi Ak'õrene ĩjãa bada pẽra, Tachi Ak'õrepa chok'ae ateewãsima mãɨ piupiemaapa. Mãɨ ateewãna pẽra waa ununaé pasima. Tachi Ak'õre pedeade bɨ bɨma Enó ateewãi naena Tachi Ak'õrepa ichi pia unusit'a.

Hebreo 11:5 Referans Kwoze

Juda 1:14

Enopa mãɨ ẽpẽerã k'orea pedeasima. (Mãɨ Adannepa waa Enomá ẽpẽerãnepa chedaadarã bari k'ak'o siete pa p'anasima). Enopa nãɨya jarateasima: «¡Ũrit'ɨ! Tachi Chipari cheruma chi ichidirã minachia p'anɨ paara mãɨrã ãarea ɨtɨai k'orea. Mãɨne ãarea chi ichi k'ɨ̃rianak'apɨɨrã ɨtɨaipɨ, nemietá oodada pẽra ichi k'ɨ̃rianaé pẽra, mãɨnepa ichi k'orea minachia k'achia pedeadada pẽra».

Hebreo 11:6

Maamina chi Tachi Ak'õrene ĩjãak'apɨ́, Tachi Ak'õrepa mãɨ pia unuk'ama. Chi Tachi Ak'õremá che k'ɨ̃ria bɨpa ĩjãai bɨma Tachi Ak'õre piarã bɨt'a mãɨnepa ãarea chi ichi jɨrɨutat'a k'aripaparit'a.

1 Juan 3:22

Mãɨne chi tachia idiuta Tachi Ak'õrepa teaipɨ, ichia oopi bɨ pedea mãɨnepa pia unu bɨt'a oo p'anɨ pẽra.

1 Tesalonicense 2:4

Mãɨpari Tachi Ak'õrepa pia ununa pẽra tai bɨsima ichi pedea pia jarateadamẽrá. Mãɨpuru taipa jarateautade, mãɨyanak'ama chi ẽpẽrarãpa tai ak'ɨdak'ari, k'ɨ̃rianamẽrá. Aba jarateapatama tai Tachi Ak'õre ome pia p'ananamẽrá. Ichia k'awa bɨma tachi sõnepa k'ɨ̃risiapataɨt'a.

Luca 3:37

Lamec Matusalén warra pasima. Matusalén Enoc warra pasima. Enoc Jared warra pasima. Jared Malale warra pasima. Malale Cainán warra pasima.

Luca 2:26

Naena Tachi Ak'õre Jaorepa ichiá k'awapisima ichi k'ĩrawẽai naena Tachi Chiparipa Tachi K'aripaparí teai jarada unuit'a.

Hebreo 2:9

Maamina Jesú k'orea k'awa p'anɨma. Tachi Ak'õrepa ichit'u nãɨ ĩjũane k'aepe bɨsima chi ɨt'aripa peedaɨrã k'aepẽra. Tachi Ak'õrepa ichi sõpiadepa mãɨya oosima Jesú jõmãɨrã k'orea piumẽrá. Minachia mĩak'ari piuda pẽra Tachi Ak'õrepa ichi pia bɨsima mãɨnepa chi atepe bɨsima.