Hebreo 11:4 - Tachi Ak'õre Pedea

⁴ Abelpa Tachi Ak'õrene ĩjãa bada pẽra, Caínpa teada k'aepẽra nepia bɨt'a teasima. Ĩjãana pẽra ichia teada Tachi Ak'õrepa pia unuk'ari, jarasima ichi jĩp'a basit'a. Abel piudamina ichia piarã ĩjãa badapa tachiá wapida k'awapi bɨma Tachi Ak'õrene ĩjãanai p'anɨt'a.

Hebreo 11:4 Referans Kwoze

Hebreo 12:24

Mãra Jesumá chesidama. Ichidepa Tachi Ak'õre ẽpẽerã ome pedea chiwidi auside mãra ichia oa jĩp'odamá chesidama. Jesú oa ãrina Abel oa ãrina k'aepẽra mãɨpa tachiá atepe k'awapi bɨma.

Juda 1:11

¡Miachupuri p'anɨma chi nemietaade nipapataɨrã! Caínpa ooda jĩra oopatama. Erreara k'ɨ̃ria p'anɨnepa Balaampa ooda jĩra piawẽa oo nipapatama. Corepa Moisé itu bɨda jĩra ara mãɨya Tachi Ak'õre itu bɨ p'anɨ pẽra ãchi sida ɨtɨaipɨ.

Mateo 23:35

Mãɨpuru jõma chõarãenapemarã jĩp'a berã peadada k'orea, Tachi Ak'õrepa mãra ɨtɨaipɨ: Abel jĩp'a bɨ peadada k'orea, Berequía warra Zak'aria peadada k'orea mãɨnepa ãarea waapẽarã peadada k'orea pida. Zak'aria Tachi Ak'õre te tajataria chi ãnimara paapataɨ k'ait'a peasidama.

Hebreo 9:22

Piarã Moisepa bɨdade jara bɨma perá ne ãarea oapa jĩp'oi badat'a mãɨ Tachi Ak'õre k'ĩrari pia beemẽrá. Mãɨ oa ãrinaepɨra tachia nemietá oodada Tachi Ak'õrepa k'ɨ̃risia atuaiwẽma.

Hebreo 12:1

Mãɨ ẽpẽerã minachia p'anɨrãpa Tachi Ak'õrene piarã ĩjãasida pẽra tachia pida ara mãɨ jĩra ĩjãa p'ananai p'anɨma. Chi tachiá itu ĩjãapik'aɨ mãɨnepa nemietaapa tachi pɨra uru baparí ãyá bɨdak'ari ãarea choa p'anɨnepa naa wãtɨma tachi wãnai p'anɨmá.

Tito 1:16

Ãchia jarapatama Tachi Ak'õre k'awa p'anɨt'a, maamina ãchia oo p'anɨnepa unupipatama ichi itu bɨ p'anɨt'a. Ãchi k'ɨɨrɨwẽa be mãɨnepa nepia oodai k'orea p'ananak'ama. Ãchia oopataɨ Tachi Ak'õrepa k'ɨ̃riak'ama.

Hebreo 5:1

Tachi Ak'õrepa p'aare minachia k'awa bɨ bɨrude, ẽpẽra aba jɨrɨ atak'ari mãɨ bɨparima. Ẽpẽrarãpa nemietá oodada k'orea mãɨpa Tachi Ak'õrea ne teaparima mãɨnepa ãnimara paateaparima.

Hebreo 11:2

Tachi chõarãenapemarãpa Tachi Ak'õrene ĩjãa p'anana pẽra, Tachi Ak'õrepa ãchi pia unusima.

2 Pedro 2:8

Mãɨ ẽpẽra jĩp'a bɨ ãchi t'ãena bapachima. Jĩp'a bɨ pẽra ãchia nemietá oo p'anɨ unuru k'orea mãɨnepa ũriru k'orea ewaricha sõp'ua bapachima.