Hebreo 11:25 - Tachi Ak'õre Pedea

²⁵ Ichimá nemietá oo bɨdepa arapá badooi k'aepẽra piipará basima ẽpẽerã Tachi Ak'õreneerã ome ará mĩa bait'a.

Hebreo 11:25 Referans Kwoze

2 Corintio 5:17

Piarã abaɨ Cristo ome bɨpɨra, ichi naena bada jĩra bɨwẽma mãɨpari ichi ẽpẽra chiwidi jĩra bɨma.

Apocalipsi 18:7

Jãɨ p'uuru minachia mĩapit'ɨ mãɨnepa minachia sõk'achia beepit'ɨ, ãchi p'uuru chi minachia bɨade a p'anɨ pẽra mãɨnepa nepia uru p'anɨane a p'anɨ pẽra. Jãɨ p'uurupa nãɨya k'ɨ̃risia bɨma: “Mɨ chi atepe minachia k'awa bɨ wẽra, chi suak'a beeparí auk'ará bide suak'abari bɨ jĩra bɨma. Mɨ p'ẽtã́ jĩra bɨwẽma. Mɨ sõk'achia baiwẽma”.

1 Pedro 2:10

Naena mãra Tachi Ak'õre p'uuruwẽ pasima, maamina naapae Tachi Ak'õre p'uurupɨ. Naena Tachi Ak'õrepa mãra k'ĩra chupuriawẽa basima, maamina naapae k'ĩra chupuria bɨma.

Santiago 5:5

Nãɨ ĩjũane mãrapa nejõma uru p'anɨma mãɨnepa mãrapa oo k'ɨ̃ria p'anɨt'a oopatama. Mãɨya mãra porek'eapiipachidama, p'ak'a porek'eapipata jĩra. Maamina p'ak'a peauta jĩra, tãaraawẽa bɨde Tachi Ak'õrepa mãra ɨtɨaipɨ.

Santiago 1:20

Tachi k'ĩruutade Tachi Ak'õrepa jĩp'a oopi bɨ oodak'ama.

Hebreo 11:37

Eda waapẽarã mawarapa bat'a peasidama. Eda waapẽarã tachi estarik'a ɨrradak'ari peasidama. Eda waapẽarã k'ĩruuparí nek'opa peasidama. Eda waapẽarã te newẽa be pẽra, paritua p'ɨrrɨa wãsidama. Mãɨne jɨ̃nai k'orea newẽa beada pẽra oveja e k'osada mãɨnepa chivo e k'osada jɨ̃pachidama. Ãchi abaeda ne newẽa beasima. Ẽpẽerãpa ãchi minachia mĩapipachidama mãɨnepa piawẽa oopachidama.

Hebreo 10:32

K'ɨ̃risiat'ɨ mãrapa naa chi piarã pedea k'awasidaɨde sãmaasã́ p'anasit'a. Mãɨ ewaride mãra minachia mĩanana ãarea choasidama.

Hebreo 4:9

Mãɨpuru chi mimianak'apɨ́ ewari ẽpẽrarã Tachi Ak'õrenepemarã pae wapida bɨma.

2 Timoteo 1:8

Mãɨpuru Tachi Chipari Jesucristo k'orea jarai k'orea p'erarãse. Mɨ Jesucristo k'orea eda serra bɨmina, mɨ k'orea p'erarãse. Mãɨpari chi Jesú k'orea pedea pia jaratearude Tachi Ak'õre jua chaareadepa pɨ sida mĩai k'orea choa base.

Colosense 1:24

Naapae mɨa mãra k'aripai k'orea minachia mĩa bɨmina arapá bɨma. Mãɨnepa Cristo k'orea wapida mĩai bɨ pẽra, minachia mĩa nipaipɨ jõma ichi ẽpẽrarã k'aripai k'orea.

Romano 5:3

Mãɨ awara tachi minachia mĩa p'anɨne arapá p'anapatama k'awa p'anɨ pẽra makɨɨdepa pia choa k'awadait'a.

Luca 16:25

Maamina Abrahanpa p'anoosima: “P'ue peeiwẽma. Warra, k'ɨ̃risiase pɨ pia bapachima chok'ae basieda; mãɨpari Lázaro chupuria bapachima. Idi Lázaro ne k'ɨ̃risiawẽa bɨma, mãɨne pɨ minachia mĩa bɨma.

Mateo 13:21

Maamina k'arra ɨ̃rɨa p'anɨẽra tãaraa choadak'ama. Nepɨrade baeutade mãɨyawẽpɨra Tachi Ak'õre pedea ĩjãa p'anɨ k'orea ẽpẽrarãpa mĩapiutade ãchia ĩjãa p'anana itu bɨpatama.

Hecho 7:34

Mɨa unu bɨma mɨ ẽpẽerã Egito tuade minachia mĩa p'anɨt'a. Mãɨnepa mɨa ãchi sõp'ua pedea p'anɨt'a ũri bɨma. Mãɨpuru mɨ che bɨma ãchi k'aripai k'orea. Mɨa pɨ Egitodea peeipɨ”.