Hebreo 11:10 - Tachi Ak'õre Pedea

¹⁰ Abrahán mãɨya bapachima, chi p'uuru jõk'á bɨdea bade wãi k'orea nɨ bada pẽra. Mãɨ p'uuru Tachi Ak'õrepa minachia k'ɨ̃risia bak'ari ãarea oosima.

Hebreo 11:10 Referans Kwoze

Hebreo 13:14

Nãɨ ĩjũane tachi p'uuru jõk'apɨɨwẽne p'anɨwẽma, mãɨpari nɨ p'anɨma p'uuru jõk'apɨɨde p'ananai k'orea.

P'ilipense 3:20

Maamina tachi pajãnepemarãpɨ. Tachi K'aripaparí mãmãɨpa cheit'a nɨ p'anɨma. Ichi Tachi Chipari Jesucristopɨ.

Hebreo 12:22

Maamina mãra chi piarãpẽa Sión eyadea chesidama, chi pajãnepema Jerusalén apataɨdea, chi Tachi Ak'õre chok'ae bɨ p'uurudea mãɨnepa chi ichia ɨt'aripa peedaɨrã minachia nɨbɨt'a ãarea ará arapá nɨbɨmá.

2 Corintio 5:1

Nãɨ ĩjũane tachi k'ak'ua tãaraa choak'a pẽra, te mẽa p'ãemari k'obɨ jĩra bɨma. Tachia k'awa p'anɨma nãɨ k'ak'ua piuk'ari Tachi Ak'õrepa tachiá tachi pajãnepema piuk'apɨ́ k'ak'ua teait'a. Mãɨ k'ak'ua ẽpẽrarãpa juapa p'ue oodaiwẽma.

Hebreo 3:4

Techa chi ooparí uru bɨma. Maamina Tachi Ak'õrepa ne ãarea oosima.

Juan 14:2

Mɨ Ak'õre baparimá k'ɨda minachia bɨma. Mɨ mãmá wãipɨ mãɨ k'ɨda ooi k'orea mãra pae. Mãɨyawẽpara mɨa jaraiwẽ pasima.

Apocalipsi 21:2

Mãɨnepa mɨa unusima Tachi Ak'õre p'uuru, chi Jerusalén chiwidi apataɨ, Tachi Ak'õre bɨmãɨpa pajãnepa edá cherut'a. Mãɨ p'uuru pia basima wẽra k'ima atarude minachia k'ak'apia bɨ jĩra.

Hebreo 12:28

Tachi Ak'õre juadepema jõk'apɨɨmá p'ananai pẽra ichiá pia bɨade adai p'anɨma. Minachia wap'ea p'anɨnepa ichiá pia pedeadai p'anɨma ichia k'ɨ̃ria bɨ jĩra,

Hebreo 11:16

Maamina tua piipará bɨ pajãne bɨt'a k'ɨ̃ria p'anasidama. Mãɨpuru Tachi Ak'õre p'erak'ama ichi ãchi Ak'õrene autade. Ichia p'uuru ãchi pae oo uru bɨma.