Hebreo 10:5 - Tachi Ak'õre Pedea

⁵ Mãɨ k'orea Cristo nãɨ ĩjũanea cheside ichia Tachi Ak'õrea nãɨya jarasima: «Pɨa ãnimara paateadait'a mãɨnepa ne teadait'a mãɨya k'ɨ̃riawẽma. Maamina pɨa mɨá tachi k'ak'ua teasima mãɨ teamẽrá.

Hebreo 10:5 Referans Kwoze

1 Pedro 2:24

Cristopa tachi nemietá ichi ɨ̃rɨ k'urusude ateewãsima tachi nemietaadepema piudak'ari jĩp'a p'ananamẽrá. Ichi k'ak'ua p'uak'oa p'anasidaɨdepa mãra jɨpa p'aneesidama.

Hebreo 1:6

Mãɨ awara Tachi Ak'õrepa ichi Warra aba bɨt'a nãɨ ĩjũanea peeside nãɨya jarasima: «Ãarea Tachi Pajãnepema Ak'õrepa ɨt'aripa peedaɨrãpa ichiá pia pedeadai p'anɨma».

Hebreo 10:7

Mãɨpuru mɨa jarasima: “Tachi Ak'õre, mɨ nãma bɨma pɨa k'ɨ̃ria bɨt'a ooi k'orea. Pɨ Pedeade mɨ k'orea mãɨya bɨ bɨma”».

Hebreo 2:14

Mãɨ warrarã k'ak'ua pará mãɨnepa oa pará ooda pẽra Jesú sida abarik'a basima ichi piudadepa tiore p'uei k'orea. Mãɨ tiorepa tachi piudai p'anɨ ichi juade uru bɨma.

Hebreo 10:10

Tachi Ak'õrepa k'ɨ̃ria bɨt'a Jesucristopa ãarea oosima. Ara ichi itu peapisima. Bari k'ak'o aba mãɨya oodapa tachi ewaricha Tachi Ak'õre pae pia bɨsima.

Gálata 4:4

Maamina Tachi Ak'õrepa jarada ewari paside ichi Warra nãɨ ĩjũanea peesima. Mãɨ Warra wẽrapa t'õsima, ichiaba Moisepa bɨda ooi basima.

2 Juan 1:7

Chi seapataɨrã nãɨ ĩjũane minachia p'anɨma. Ãchia ĩjãanak'ama Jesucristo nãɨ k'ak'uade tachi jĩra chesit'a. Chi mãɨya bɨpa waapẽarã seaparima mãɨnepa Cristo nek'ĩramaapɨ.

Hebreo 8:3

Tachi Ak'õrepa chi p'aare minachia k'awa p'anɨrã ãarea bɨparima ichiá ne teadamẽrá mãɨnepa ãnimara paateadamẽrá. Mãɨpuru Tachi P'aare chi minachia k'awa bɨ pida ne teai basima.

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

Luca 1:35

Chi ɨt'aripema peedapa p'anoosima: —Tachi Ak'õrepa ichi Jaore pɨmá peek'ari, ichi jua chaareadepa pɨ ome baipɨ. Mãɨpuru ichia tearu warra pɨa t'õru, Tachi Ak'õrepa ichi Warraade aipɨ.

Mateo 11:3

—¿Pɨt'u chi chei badak'ãra? Wa ¿abaɨ nɨnai p'anɨk'ãra?

Hebreo 5:7

Cristo nãɨ k'ak'uade baside ɨbɨa jẽa bɨpa Tachi Ak'õrea jĩk'ua chichupuria idisima, ichi piui bɨdepema p'ue k'aripai bada pẽra. Mãɨne chi Tachi Ak'õrepa k'ɨ̃ria bɨ jĩra ooyade ada pẽra, Tachi Ak'õrepa ichi pedea ũrisima.

Hebreo 10:8

Cristopa naa jarasima Tachi Ak'õrepa k'ɨ̃riawẽma ẽpẽerãpa ãchi nemietá oodada k'orea ãnimara ichiá paateadait'a mãɨnepa ne teadait'a. Moisepa bɨdapa mãɨya oopi bɨmina, Tachi Ak'õre mãɨ k'orea arapá bɨwẽane asima.