Hebreo 10:25 - Tachi Ak'õre Pedea

²⁵ Chi Cristode ĩjãapataɨrã paara ará p'ananait'a itu bɨdaiwẽa p'anɨma chi eda waapẽarãpa itu bɨpata jĩra. Mãɨpari chi k'aripadai p'anɨma pia ĩjãanai k'orea. Tachi Chiparipa ɨtɨai ewari tãaraawẽa bɨde chei k'awa p'anɨ pẽra pia mãɨya oodai p'anɨma.

Hebreo 10:25 Referans Kwoze

Hecho 2:42

Chi Jesupa peedaɨrãpa jaratea p'anɨt'a ãchia minachia ũripachidama. Ará tuanapachidama, nek'opachidama mãɨnepa Tachi Ak'õrea ɨt'aa chiidi p'anapachidama.

1 Tesalonicense 5:11

Mãɨ k'orea waapẽarã paara sõpia p'anapit'ɨ. Mãɨnepa chi k'aripa p'anat'ɨ pia ĩjãanai k'orea mãrapa oo p'anɨ jĩra.

Hebreo 3:13

Mãɨpari wapida nãɨ ewari bɨde ewaricha chi k'aripa p'anat'ɨ mãɨ pia ĩjãanai k'orea. Mãɨya mi ãpia pida nemietaapa seak'ari sõ chaarea baiwẽma.

Hebreo 10:24

Jɨrɨdai p'anɨma sãmaasã́ chi k'aripadait'a pia chi k'ɨ̃rianai k'orea mãɨnepa nepia oodai k'orea.

1 Corintio 5:4

Mãra ará p'aneeutade, mɨ k'ɨ̃risiadepa mãra ome baipɨ. Mãɨnepa Tachi Chipari Jesú jua chaarea mãrá teaipɨ,

1 Tesalonicense 4:18

Mãɨ pedeapa ara machi paara sõpia p'aneepit'ɨ.

Hecho 2:1

Mãɨya nak'ari Pentecosté ewari paside, chi Jesude ĩjãapataɨrã ãarea ará tuanasidama.

Hecho 20:7

Maapae chi naapema ewari tomione tai mãɨnepa chi waapẽarã Jesude ĩjãapataɨrã ará p'anasidama chi Tachi Chiparidepema k'ɨ̃risiapataɨ nek'opataɨ k'odai k'orea. Mãɨne Pablopa jaratea basima. Norema wãi bɨ pẽra waa teamasi estarik'a pedeasima.

1 Corintio 14:3

Maamina chi Tachi Ak'õre pari pedea bɨpa ẽpẽrarã́ pedea bɨma pia ĩjãanamẽrá, chaarea p'ananamẽrá, mãɨnepa sõpiadamẽrá.

Romano 12:8

Chi tearua teasima ũpẽarã k'aripa p'anɨnepa pia ĩjãanamẽrá. Mãɨya teasipɨra, ũpẽarã k'aripadai p'anɨma pia ĩjãanamẽrá. Chi eda waapẽarã́ teasima ne tea p'anɨnepa waapẽarã k'aripadamẽrá. Mãɨya teasipɨra, sõpiadepa teadai p'anɨma. Chi eda waapẽarã́ teasima chi ĩjãapataɨrã ak'ɨpataɨrã p'ananamẽrá. Mãɨya teasipɨra, jĩp'a oo p'ananai p'anɨma. Mãɨnepa chi eda waapẽarã́ teasima waapẽarã k'ĩra chupuriadamẽrá. Mãɨya teasipɨra, arapaadepa k'ĩra chupuriadai p'anɨma.

P'ilipense 4:5

Mãra ẽpẽrarã paara pia p'anɨt'a, jõmãɨrã́ unupit'ɨ. Tachi Chipari chei ewari k'ait'a bɨma.

2 Pedro 3:9

Tachi Chipari cheyade adaedapema tãaraaru pẽra, waapẽarãpa cheiwẽane a k'ɨ̃risia p'anɨma. Maamina mãɨyawẽma. Mãɨpari mãra k'orea ãarea choa bɨ pẽra tãaraaruma. Ichia k'ɨ̃riawẽa bɨma mi aba pida atuait'a. K'ɨ̃ria bɨma ãareaɨrãpa nemietá itu bɨdak'ari ichimá chedait'a.

Santiago 5:8

Ara mãɨ jĩra jõma choa p'anɨnepa nɨ p'anat'ɨ mãɨnepa sõnepa ĩjãa p'anat'ɨ, Tachi Chipari chei ɨ̃rɨ paru pẽra.

1 Corintio 14:23

Mãɨ k'orea ũpẽarã ará jere nɨbeeutade jõmãɨrã tachia ũrinak'apɨ́ pedeade pedeamaa p'anɨpɨra, mãɨne waapẽarã Jesude ĩjãanak'apɨɨrã wa Tachi Ak'õre pedea ũri k'ɨ̃ria berã eda wãsidara ¿ãchia mãra k'ĩra piawẽa p'anɨane a jaradaiwẽk'ãra?

Juda 1:19

Mãɨrãpa ũpẽarã ãchi k'ak'awá awara paneepipatama, ãchia ne wawaria k'ɨ̃riautat'a oopatama, mãɨnepa Tachi Ak'õre Jaore uru p'anɨwẽma.

2 Pedro 3:14

Ũpẽarã, mãrapa jõma mãɨ nɨ p'anɨ pẽra ne ãareaɨne k'ĩra jĩp'a nipat'ɨ Tachi Ak'õrepa mãra pia, ne k'achiawẽa, ichi ome ne k'ɨ̃risiawẽa p'anɨ unumẽrá.

1 Pedro 4:7

Tãaraawẽane nejõma jõipɨ. Mãɨpuru jĩp'a k'ɨ̃risia p'anat'ɨ mãɨnepa jĩrak'aua p'anat'ɨ. Mãɨya Tachi Ak'õrea p'ue ɨt'aa chiididaipɨ.

2 Pedro 3:11

Nejõma jõi pẽra Tachi Ak'õrepa k'ɨ̃ria bɨ jĩra, mãra jĩp'a mãɨnepa nemietá newẽa nipadai p'anɨma.

1 Corintio 11:20

Mãra ará jere nɨbeeutade chi Tachi Chipari k'ɨ̃risiadai k'orea k'opataɨ k'odai k'orea, k'ĩra jĩp'a k'odak'ama.

1 Corintio 3:13

Cristopa tachi nepɨra ak'ɨi ewaride tachicha oodada t'ɨpɨ uruapa chaa ajoroipɨ, choai k'awai k'orea. Mãɨpa k'awapiipɨ tachia oodada sãmaasã́ basit'a.

Hecho 16:16

Ewariaba chi Tachi Ak'õrea ɨt'aa chiidipataɨmá wãutade taipa chipari pae pari mimiaparí ãwẽra jaore mietá pará bɨt'a unusidama. Mãɨ wẽrapa chi jaore mietaadepa chi ne mãɨya baeit'a jarapachima. Mãɨnepa ichi chiparirãpa erreara minachia jitapachidama.

Mateo 10:15

Mɨa piarã jararuma: Tachi Ak'õrepa ɨtɨai ewaride Sodoma, Gomorra p'uuru k'aepẽra mãɨ p'uuru atepe ɨtɨaipɨ.

Juan 12:48

Maamina chi mɨ itu bɨrupa, chi mɨ pedea ũri k'ɨ̃riawẽa bɨpa, mãɨ Tachi Ak'õrepuru ɨtɨaipɨ. K'aadeapema ewaride Tachi Ak'õrepa k'awapiipɨ mãɨ nepɨra pará bɨt'a, mɨa jarada pedea ĩjãawẽa bɨ pẽra.

Hebreo 10:37

Tachi Ak'õre pedeade nãɨya bɨ bɨma: «Chi chei bɨ tãaraawẽa bɨde cheipɨ. Piarã tãaraaiwẽma.

Hebreo 13:22

Ũpẽarã, mɨa nãɨ k'art'a teesoawẽa bɨt'a bɨsima mãrapa pia ĩjãanamẽrá. Mãɨpuru mɨa mãrá chichupuria idiruma nãɨ pedea pia ũrinamẽrá.