Hebreo 10:22 - Tachi Ak'õre Pedea

²² Cristopa tachi k'ɨ̃risia nemietá bada jĩp'a bɨsima tachi sõ ichi oapa ne jĩp'oru jĩra. Tachi Ak'õre k'ĩrari pia bɨsima tachi k'ak'ua pania p'ap'ãrá bɨpa sɨɨda jĩra. Mãɨpuru k'ɨ̃risia aba p'anɨnepa mãɨnepa piarã ĩjãa p'anɨnepa Tachi Ak'õre k'ait'a wãnai p'anɨma.

Hebreo 10:22 Referans Kwoze

Juan 3:5

Jesupa p'anoosima: —Piarã mɨa pɨá jararuma: panianepa, Tachi Ak'õre Jaorede pida t'õepɨra, Tachi Ak'õre juade paiwẽma ichidirã paara.

1 Pedro 3:21

Mãɨ to minachia che bɨt'a idiapae tachi porochoapataɨ k'orea jara bɨma. Porochoautade Jesucristo chok'ae p'irabaridadepa tachi k'aripa bɨma. Porochoarupa tachi k'ak'ua nemietá sɨɨk'ama mãɨpari mãɨya oopatama, tachi k'ɨ̃risia jĩp'a bɨdepa, piarã Tachi Ak'õre ome nipadai k'ɨ̃ria p'anɨ pẽra.

Ep'esio 5:26

Ichia mãɨya oosima tachi Tachi Ak'õre pae pia bɨi k'orea. Ichi pedeapa tachi nemietá sɨɨsima paniapa sɨɨda jĩra.

1 Corintio 6:11

Naena, mãranepema chi está mãɨya p'anapachidama. Maamina mãrapa nemietá oodada Tachi Ak'õrepa sɨɨsima, ichi pae pia bɨsima mãɨnepa nepɨra newẽa bɨade asima Tachi Chipari Jesucristodepa mãɨnepa ichi Jaoredepa.

Hebreo 7:19

mãɨnepa mi ãpia pida jĩp'a bɨé pasima. Mãɨ Moisepa bɨda k'aepẽra Tachi Ak'õrepa nepia teasima tachi k'aripai k'orea. Mãɨnepa Tachi Ak'õremá ará orrobariparima.

2 Corintio 7:1

Ũpẽarã, Tachi Ak'õrepa tachiá mãɨ jõma ooyade ada pẽra nãɨ k'ak'uapa nemietá ooparí mãɨnepa tachi k'ɨ̃risiadepa nemietá k'ɨ̃risiaparí jõma itu bɨdai p'anɨma. Tachi Ak'õre minachia wap'ea p'anɨnepa ichi pae pia p'ananai p'anɨma.

Hebreo 4:16

Mãɨpuru tachia p'uedawẽa p'anɨne, Tachi Ak'õre poro jũra jɨ̃parí jɨ̃ bɨ suak'a beeparimá wãuta jĩra, ne wap'eadawẽa ichiá ɨt'aa chiididai p'anɨma. Mãɨya ichia tachi k'ĩra chupuriaipɨ mãɨnepa ichia k'aripamẽrá ɨt'aa chiidiutade ichi sõpiadepa k'aripaipɨ.

Hebreo 12:24

Mãra Jesumá chesidama. Ichidepa Tachi Ak'õre ẽpẽerã ome pedea chiwidi auside mãra ichia oa jĩp'odamá chesidama. Jesú oa ãrina Abel oa ãrina k'aepẽra mãɨpa tachiá atepe k'awapi bɨma.

Tito 3:5

Mãɨpa tachi k'aripasima. Tachia pia oodada k'orea k'aripaé pasima, mãɨpari ichi k'ĩra chupuria bɨdepa k'aripasima. Tachi nemietá k'ɨ̃risia atuasima neet'á t'õna jĩra p'aneenamẽrá mãɨnepa chiwidi jĩra p'aneenamẽrá. Ichiaba Tachi Ak'õre Jaorepa tachiá mãicha chok'ae p'anapisima.

1 Pedro 1:2

Tachi Pajãnepema Ak'õrepa mãra jɨrɨ atasima ichia naenaena k'ɨ̃risia bada jĩra. Tachi Ak'õre Jaorepa mãra ichi pae bɨsima Jesucristode ĩjãanamẽrá mãɨnepa ichi oadepa Tachi Ak'õre k'ĩrari nemietá newẽa p'ananamẽrá. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bait'a mãɨnepa ne k'ɨ̃risiawẽa bapiit'a.

Ep'esio 3:12

Tachia ara mãɨ Jesucristode ĩjãa p'anɨ pẽra mãɨnepa ichi ome ará p'anɨ pẽra Tachi Ak'õrea ne wap'eawẽa ɨt'aa chiididai p'anɨma.

Santiago 4:8

Tachi Ak'õre k'ait'a chet'ɨ, mãɨyara ichi mãra k'ait'a cheipɨ. Mãra chi nemietá oopataɨrã, ¡machi jua sɨɨuta jĩra waa nemietá oorãt'ɨ! Mãra chi k'ɨ̃risia ume uru be, ¡k'ɨ̃risia mietá itu bɨdak'ari aba Tachi Ak'õret'u k'ɨ̃risiat'ɨ!

Hebreo 9:19

Mãɨ nãɨya basima: Moisepa ichia bɨda ẽpẽrarã́ ãarea jarak'ari, maapae p'ak'a warra oa mãɨnepa chivo oa panianea p'uerasima. Oveja k'ara p'urea p'ɨrɨ bɨt'a atak'ari hisopo pak'uru juade ará pɨrak'ari maapae oade eda batopisima. Mãɨpa ichia chi k'art'a ɨ̃rɨ mãɨnepa ẽpẽrarã ɨ̃rɨ jĩp'osima.

Mateo 3:11

»Mɨa mãra paniapa porochoaparima unupidamẽrá mãra nemietá oopataɨ itu bɨdaadat'a. Maamina chi mɨ k'aadea cherut'a mɨ k'aepẽra chi minachia atepe k'awa bɨma. Mãɨpuru ichia jĩrune jɨ̃ bɨ ẽrai k'orea mɨ mãɨ pae pida pia bɨwẽma. Ichiapuru Tachi Ak'õre Jaoredepa porochoaipɨ. Maamina ĩjãanaepɨra ɨtɨaipɨ.

Santiago 1:6

Maamina piarã ĩjãa bɨdepa ɨt'aa chiidii bɨma. Mi ãpia pida k'ɨ̃risiaiwẽa bɨma Tachi Ak'õrepa teaiwẽt'a. Chi mãɨya k'ɨ̃risia bɨ nãupa p'usa t'awa minachia ãyá ateepari jĩra bɨma.

Hebreo 11:28

Moisepa Tachi Ak'õrene ĩjãa bada pẽra israel ĩjũanepemarã Egitodepa wãnana k'ɨ̃risiapataɨ ewari oopisima. Mãɨne techa chi eda wãpataɨ ik'idá oapa p'ɨrɨpik'oasima chi peaparipa ãchi warrarã chi ɨmɨk'ĩra warra naapemarã peapiemaapa.

Hebreo 10:19

Mãɨpuru ũpẽarã, chi Tachi Ak'õre pae k'ɨda jẽesa chi atepe piipará bɨde eda wãuta jĩra Jesucristo oadepa Tachi Ak'õre k'ait'a ne wap'eawẽa wãnai p'anɨma.

Hebreo 9:10

Moisepa bɨdapa abapuru k'awapisima chi tachi k'ak'ua ɨ̃rɨpema k'orea jarateapataɨ: k'ãre k'odai p'anɨt'a, k'ãre todai p'anɨt'a, mãɨnepa Tachi Ak'õrepa sɨɨpi bɨ sãmaasã́ sɨɨdai p'anɨt'a. Mãɨ ãarea nãɨ k'ak'uade oopachidama aba Tachi Ak'õrepa ãarea k'ĩra chiwidi oorudea.

1 Timoteo 4:2

Mãɨ jaore mietaarãpa jarateapi p'anɨ, ẽpẽrarã chi pia jĩra bepa jarateapatama. K'achia minachia oopataɨdepa mãɨ ẽpẽrarãpa nepɨra pia wa nepɨra nemietá atua p'anɨma.

Apocalipsi 1:5

Mãɨnepa k'ɨ̃ria bɨma Jesucristo pida mãɨya oo bait'a. Ichia Tachi Ak'õre k'orea piarã jaraparima. Piu bada naa chok'ae p'irabarisima, ãarea nãɨ ĩjũanepema chi poro jũra jɨ̃parí jɨ̃ p'anɨrã k'aepẽra chi atepe bai k'orea. Mãɨpa tachi k'ɨ̃ria bɨma mãɨnepa ichi oadepa nemietaadepema k'aripasima.

Ep'esio 6:5

Chi chipari pae pari mimiapataɨrã, mãra chi nãɨ ĩjũanepema chipari wap'ea p'anɨnepa, ichia jararu sõnepa jõma oot'ɨ, Cristo pedea oo p'anɨ jĩra.

Hecho 8:21

Pɨ sõ Tachi Ak'õre k'ĩrari jĩp'a bɨwẽ pẽra, pɨ tai ome ne ãpia pida ooiwẽma.

Juan 8:9

Jesupa jarada ũrisidaɨde ara mãɨne ãchi abaabá wãpodosidama. Naa chõarã ãyá wãsidama. Mãɨ ɨ̃ari k'ũtãarã sida ãyá wãpodosidama. Jesú mãɨ wẽra ome ichi tuaba beesima.

Luca 1:1

Tachi Ak'õrepa tachi t'ãena ooda k'orea, ẽpẽerã chok'araɨrãpa k'art'ade bɨ k'ɨ̃ria p'anasidama.

Hecho 22:16

¡Waa nɨrãse! P'irabarik'ari porochoase. Ichiá ɨt'aa chiidise. Pɨa nemietá ooda ichia ãarea k'ɨ̃risia atuaipɨ”.

Hebreo 6:11

Taipa k'ɨ̃ria p'anɨma machicha mãɨya oo p'ananait'a aba piuutadea. Ara mãɨya mãrapa chi Tachi Ak'õrenepema jitadayá nɨ p'anɨ ãarea jitadaipɨ.

Hebreo 10:1

Chi Moisepa bɨdapa ãarea nepia Cristo k'orea cheidepema wawarrea unupi bɨma. Mãɨ nepia chi Moisepa bɨdapa teak'ama. Mãɨpuru ãyocha Tachi Ak'õrea ãnimara paateade wãpataɨrã, mãɨrã chi Moisepa bɨdapa p'ue jĩp'a bɨk'ama.