Hebreo 10:19 - Tachi Ak'õre Pedea

¹⁹ Mãɨpuru ũpẽarã, chi Tachi Ak'õre pae k'ɨda jẽesa chi atepe piipará bɨde eda wãuta jĩra Jesucristo oadepa Tachi Ak'õre k'ait'a ne wap'eawẽa wãnai p'anɨma.

Hebreo 10:19 Referans Kwoze

Ep'esio 2:18

Cristodepa tachi umeepa abarik'a tachi Pajãnepema Ak'õremá naa p'ue chedaipɨ, ichi Jaore aba bɨdepa.

Hebreo 9:12

Mãma Cristo «Tachi Ak'õre pae k'ɨda jẽesa chi atepe piipará bɨde» barimama eda wãsima. Mãmá wãside chivo mãɨnepa p'ak'a warra oa Tachi Ak'õre k'ĩrari jĩp'oi k'orea ateewãé pasima. Mãɨpari ara ichi oa ateewãsima. Bari k'ak'o aba mãɨya oodapa tachi k'aripasima ewaricha nepɨrawẽa p'ananamẽrá.

Hebreo 4:16

Mãɨpuru tachia p'uedawẽa p'anɨne, Tachi Ak'õre poro jũra jɨ̃parí jɨ̃ bɨ suak'a beeparimá wãuta jĩra, ne wap'eadawẽa ichiá ɨt'aa chiididai p'anɨma. Mãɨya ichia tachi k'ĩra chupuriaipɨ mãɨnepa ichia k'aripamẽrá ɨt'aa chiidiutade ichi sõpiadepa k'aripaipɨ.

Ep'esio 3:12

Tachia ara mãɨ Jesucristode ĩjãa p'anɨ pẽra mãɨnepa ichi ome ará p'anɨ pẽra Tachi Ak'õrea ne wap'eawẽa ɨt'aa chiididai p'anɨma.

Romano 5:2

Mãɨ awara Jesucristode ĩjãa p'anɨ pẽra Tachi Ak'õrepa ichi sõpiadepa tachi ewaricha k'aripaparima. Mãɨnepa arapá p'anɨma k'awa p'anɨ pẽra Tachi Ak'õre pia bɨdepema jitadait'a.

Hebreo 12:28

Tachi Ak'õre juadepema jõk'apɨɨmá p'ananai pẽra ichiá pia bɨade adai p'anɨma. Minachia wap'ea p'anɨnepa ichiá pia pedeadai p'anɨma ichia k'ɨ̃ria bɨ jĩra,

1 Juan 4:17

Mãɨya tachia Tachi Ak'õre mãɨnepa jõma ẽpẽrarã piarã k'ɨ̃ria p'anɨma. Tachi Ak'õrepa ɨtɨai ewaride tachi ne wap'eawẽa p'ananaipɨ, nãɨ ĩjũane Jesucristo nipada jĩra nipadada pẽra.

Romano 8:15

Mãrapa Tachi Ak'õre Jaore jitasidaɨde, mãrá wap'eapié pasima, chi chipari pae pari mimiaparí jĩra. Mãɨpari mãra bɨsima Tachi Ak'õre warrarã padamẽrá mãɨnepa ichiá «¡Mɨ ak'õre!» adamẽrá.

2 Timoteo 1:7

Tachi Ak'õrepa tachi sõne ne wap'ea p'anapié pasima, mãɨpari tachiá jua chaarea p'anapik'ari, waapẽarã k'ɨ̃ria uru p'anapik'ari tachi k'ak'ua jĩp'a ak'ɨ uru p'ananayá k'awapisima.

Hebreo 9:3

Chi k'aadeapema k'ɨda jẽesa p'aru eatɨa jira bɨ ãpɨte basima. Mãɨ «Tachi Ak'õre pae k'ɨda jẽesa chi atepe piipará bɨade» apachidama.

Hebreo 7:25

Mãɨpuru ichidepa Tachi Ak'õremá cheutarã ãarea p'ue k'aripaipɨ ewaricha chok'ae p'ananamẽrá. Piuk'a pẽra ewaricha tachi k'orea Tachi Ak'õrea chichupuria idiparima.

Hebreo 3:1

Ũpẽarã, mãra ẽpẽerã Tachi Ak'õrenepemarã pẽra mãɨnepa ichia mãra t'ɨ̃na pẽra, Jesucristo k'orea minachia jĩrak'aua k'ɨ̃risiat'ɨ. Tachia piarã ĩjãa p'anɨane apatama Ichi Tachi Ak'õrepa peedapɨ mãɨnepa P'aare minachia k'awa bɨpɨ.

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

Hebreo 10:18

Cristodepa Tachi Ak'õrepa tachi nemietá ãarea k'ɨ̃risia atuada pẽra, waa tachia nemietá oodada k'orea ichiá ne teadaiwẽa p'anɨma.

Hebreo 10:35

Mãɨpuru mãrapa Tachi Ak'õrene ĩjãa p'anɨt'a itu bɨrãt'ɨ. Ĩjãa p'ananaipɨra, Tachi Ak'õrepa pajãne nepia minachia teaipɨ.